[poem=font="Simplified Arabic,6,white,bold,normal" bkcolor="green" bkimage="" border="double,9,black" type=2 line=0 align=center use=ex num="0,black"]
الا ويـل مـن مـثـلـي تـشـوحـه مـهـاة الجـوف=وهو قبلها صعـبن مـن البـيض ينشاحي
انـا مـاقـدرت ادفـع غـلا ضامـر الـسـرجـوف=وانا عـارفن رمـشـه قـطوعن وذباحي
انـا غـلـطــتـي لـعـبي مـعـاها عـلى المـكشوف=وهي خـطـته فـي لعبها ذبح الارواحي
احـسب الـغلا تـرحـم وتـكـسـب بنـا مـعـروف=وهـي عـاصفـن ينــثر سـبل كل فـلاحي
عـنـودن بـدون نـقـاط واسـمـه ثـلاث حـروف=رمـتـنـي وراهـا لاسفـيـهـن ولاصاحي
وانا قـبـلـهـا حـذرن خـجـولـن شـديد الـخـوف=ولافـادني خـوفـي مـدام الحـشى راحـي
عـشـيرن بـزيـنات الـحـلايا غــدى مـوصوف=غـدت بـين خفرات العرب تقل مصبـاحي
بـهـا زيـن مـع مـبـسـم وجـسـمـن زهـاه ردوف=وهـرجـن جرح قلبي بلا رمـي وسلاحي
رمـتـني بـمـوجـات الـبـحر ضـايـعـن مـكـتوف=وهــو هـايـجـن مايـدخـلـه كـل سبـاحي
الامـواج هـاجـت يـوم ذعـذع لـها الـعـاصــوف=عـواصـيـفـهـا ترجـف تقل صـوت نبـاحي
اناظر ومن هـول العواصف حـشـا مــاشـوف=ولابـان شـاطـيـهـا لـعـيـنــي ولا لاحـي
خـطـيـرن يـروح الـشـوف من برقها مخـطوف=يهـيـلـك شـهابـن في ظـلام الـبحر طـاحي
خـفـوقي غدى شـفـقـن عـلى صاحـبـه مـلـهوف=والامـواج بـعـيونه غـدت مـثل الاشـبـاحي
اذا ضاح بارقـهـا تــقـول الـسـمـاء مـسـقــوف=تـهـابـه صـواريـمـن مـثل قـلب شـولاحي
وانا بالـهـوى غـرقــان مـع زيـنـة الـنـفـنـوف=شـفـوقـن على شـوف الغلا لاجـل يرتـاحي
اذا جــت طـواريـهـا مـشـى دمـعـنـا مــذروف=دمـوعـي على خـدي مـشـت تـقـل مـسـباحي
عـلام الـحـشـى كنــــه بـهــم الـعـرب مـكلـوف=يــدوهــج بـوديـان الـخـلا تـقـل مـسـاحـي
يشـادي كـسـيـرن فـوق عـوص الـنـظـا مشنوف=ســهـيـرن وسـاقـه يـلـتعـج تقل ملـواحي
وتـحـتـه قـعــودن لاهــداوي ولامــعــسـوف=هـذب بـه وكـن الـجـمـر فـي ضـامـره فـاحـي
وانـا مـثـل حـالـي صيـفـة الشـايـب المـكـفوف=وحـيـدن يـهـيـجـن مـن قـصيد ابـن قـرقـاحي
كـبـيرن وشـمـس الـعـمـر جاهـا الزمن بـكسوف=ولافـيه مـن ربـعـه رحـيـمـن ومـنـصاحي
وكـم واحـدن قبـلي سـهر مـن غـلا الغـطـروف=عـزيـزن ومـن هـمـه غـدى الـدمـع سفـاحـي
وكـم واحـدن يـشـكـي ويـنـدب جـدايــل نـوف=غـدى العـشـق في كـبـده تـقـل قـدح قـداحـي
واذا راح مـعـلـوقـي تـروا مـاعـلـيه احـسـوف=مــدامـه ذبــح ناسـن خـذت زيـن الامـداحي
سلامـي عـلى قـلـبـن سـرى مـع مـهـاة الـجـوف=وهـي قـصـدهـا فـي حـبـهـا ذبـح الارواحي[/poem]
(
العرض المتطور
