تحية الجنه

بسم الله الرحمن الرحيم

تحية الجنه ويمناك مِدّه
صلي علي خير البشر خلُّق واعمال

هرجٍ بصدرك تستحي لا تعدّه
قال المثل بدَّه على كل الاقوال

من قبل تختار الصديق وتودّه
مادام كلن مِشّلح الخرِس وعقال

ودام النوايب بامر ربك مصدَّه
مهو صواب انك تحده على الجال

عن ديدنه ينبيك بيّه وجدّه
هذا ترى ذولاك وانشِد عن الخال

لو الزمان يميل بك لا تحدّه
خلك سنَد وان كان في صاحبك مال

خلك تحرى ينتخي بك وبدّه
بدّه على الابناء وبدّه على الحال

وليا انفتح عليه بابٍ تسدّه
من سبْقه قب الاصايل والافعال

وخلك ببابه كل هجمه تصدّه
وحرِم على الشمَّآت تسديد الاقوال

وليا انقطع عنَّك من الوقت مُدّه
آمآ صله ولا يكفّيك جوال

عذق النخل يلقىٰ يدينٍ تجِدّه
وطبع النخل يعطي طبيعه ولازال

والخوٓة الي له مقاصد وعِدّه
عنها يخاونك فناجيل وِدلآل

شعر/ متعب بن فارس بن طواله

صح لسانك وفالك الديوان
يعطيك العافيه ياطويل العمر

يسلم منطوقك شاعرنا على دي الروعه
الله يسعدك وينولك مُرآدك يّ أنيق ،

صحت ابدانكم جميعاً
اشكركم جزيل الشكر
تحيتي وتقديري
للجميع

اللهم صلي وسلم على نبينا محمد وعلى آله وصحبه اجمعين
صح لسانك شاعرنا
أبيات جميلة وإحساس راقي
تقبل مروري واحترامي

صح لسآآنك ملآآيين
للأبيآت الجزله شآعرنآ القدير
سلم بنآنك وفكرك
لآهنت ,,,

صح لسانك ياغالي
شاعرنا القدير
يسلم راسك واحساسك يابعدي

شاعرنا

متعب بن طواله


صح لسانك وسلم بنانك ولا هنت

ابدعت بهذه الجزله لا عدمتك

رائع ومميز


تحيتي ...

والخوٓة الي له مقاصد وعِدّه
عنها يخاونك فناجيل وِدلآل


..صح السانك واعتلا شانك يالذيب..