,
السلام عليكم ورحمة الله وبركاته
مدخل //
كل يوم والهقوه تجي مو مثل امس ..
واقول لامن قمت بلقى رساله !
واصحى من النومه على شاشة اللمس ..
وأحصل الايفون يشكي لحاله !
//
لاتزعجـك غيرتـي لازادت الغـيـره ..
مبطي بقلبي كلام اكثـر مـن عيوبـك !
لاجيـت اعاتبـك ماحبيـت هالسيـره ..
وتقول شكك يضيّـق خلـق محبوبـك !
وشلون ماعيش انا في شـك ٍ وحيـره ..
وانا اشـوف العـواذل كلهـا صوبـك !
الى متى الصمـت مظلومـه تعابيـره ..
والصمت / لولا العتب ماكان مطلوبـك !
اسلوبـك المختلـف حاولـت تغييـره ..
وازريت لاغيّر اسلوبك / من اسلوبك !
تقول هـذا وصالـي ويـن تقصيـره ..
واقول لولا وصالـك بـان عذروبـك !
تقول هذا الغصن ماغـار مـن غيـره ..
واقول لو في الغصون احساس حسّوبك !
الغصن لو لـه عقـل تمّسـك بطيـره ..
وانا ضلوعي غصون احساس عانو بك !
اقـول لـك خلهّـم وتقـول تقزيـره ..
ماتدري انهم ثعالـب وانـت يادوبـك !
لو كل من فالزمـن يعـرف تدابيـره ..
لتشوف الي بعدوني كيف خانـو بـك !
لو كنت تعرف مـدى حبـي وتأثيـره ..
ماكان كل المشاعـر فيـك ماتـو بـك !
خلها علـى الله تعبنـا جعلهـا خيـره ..
هو عالم الغيب يكشف كل من صوبـك !
اقـول لـك خلهـم وتقـول تقزيـره ..
العيب هذا ترى من حسبـة عيوبك !
//
مخرج //
تدق واشوف رقمك واذكر الماضي ..
واقول لو تكثر الدقات ماشلته !
اي والله اني بعد ماصار مو راضي ..
ورقمك بعد ما لحقني منك .. كنسلته !
فيصل مبارك