[mark=#ffffff]
فكرت آنزل الموضوع على آربع أجزاء ..
[/mark]
[mark=#ffff33]
【ツ】النظرهـ الآولى لك حلآل عليك .. والثآنية لـ إبليس انتبه يلعب عليك 【ツ】
[/mark]
2..آلفهرس ..
03- ترررحيب ..
04- مدخل ..
05- مُـقدمه ..
06- في الآعيآآآآد ..
07- في المطبخ ..
08- في البر والكشتات والموخيمآت ..
09- فآآآصل إعلاني ..
10- في الإستراحات و العزآآآيم ..
11- في الإمرآآآآآآآح ..
12- في بيت تيته و جدو ..
13- في مكه ..
14- من يكون هالـ وآآآآحد من العيآآل .؟!
15- الخآتمه ( الزبدهـ ) ..
اللي يقاله حآر ولا يحب يقرأ المواضيع الطوآآآآآآآآل ( يعني مهوب مثقف ! ) ينقز للأخيـرهناك زبدة الموضوع
على طاري مواضيع طوال ,, ترا ذا أول موضوع لي .. مادري هي تصلح لكم هالمواضيع الطويله أو لا !
ترا الموضوع تعبان عليه ومهبووول .. مايمدك تقرا آوله إلا أنت بآآآخرهـ <<- أوم المصاله يمدح موضوعه
بعذري أحس محد قاري وتعبي يبي يروح سداءا ً وفي مهب الريح <<- ترى قسمن متعوبن عليه هالجملة
وتراي أكتب هذا الموزوع على استحيآآآء لذا تبي تشوفون إني صرت عقل وثقل
وهذا طبعي عاد وأنتم ربعي يا آحسن أحد ويا آحلى نآآآس بالكووون
بما إني راعي طويله كل وآآآحد يجيب له شيبس وببسي
آو يروق على فنجال قهوهـ آو استكانة شاهي
واللي عجل يروح ويجي بوقت أوسع ! لأن الموضوع يبي له ركاده وتركيز ولا درس فيزياء
على طاري فيزياء .. هذا الموضوع جاء بهالوقت ليخفف عليكم هم الدراسه !
والآن مع الموضوع ->> 7 <<- صارت إذاعة سادس جيم
والآن مع الموضوع ->> 7 <<- ذا صدى آلله يهديه مهندس الصوت مازبطه
يعني كووووولكم مريتوا على هالمرحلة <<- آهوووووء أثركم بزآآآرين من أول !!
من منكم لم يكن بزر .!؟ يعني معقوله به واحد طلع من بطن أمه وهو جذع مستحيل ! وش هالبطن اللي يبي يشيله .!؟
أو طالع من بطن مآمآته شنب .!؟ أو طلع وراح يطعّس ويقحص بالموتر .!؟
أو للبنات .. طالعه وهي تكّد الشوشه وتستشور قراعيطه .!؟ أو طلعت على طول تحن عند آبوهـ واخوانه يودونه للسوق .!؟
آهآآآآآآ ... حلو .. حلو ,, يعني تبيّن لنا إنكم كنتو بزارين وبزقآآآآت
آنتم معي هالحين .!؟ إيه سلكوا بس
آقولكم ( يا آللي بزقات من أول ) البنيَـآآآآآآت يدخلن عند الرجاجيل بدووون جلال وعادي مايقولون له استحي يامرهـ !
والعيآآآل .. عادي الورع يدخل عند الحرمّـآ ومايصير عنه غطى ! ويبردز على كيف كيف أبو كيفه
إلا بالعروس .. لأنه به عبدهـ ستموووطه بالعصا الي معه وهنه يقرب ( يا ليل ماطولك وش ذا الموقدمه اللي بديت به وبلشت عجزت آنهيه )
ومع مرور الزمن وزقزقة العصافير كبر هذا البزر شوي وصار مورآآآهق واخشن صوته واخضر شنبه .. وبعدهـ تبدأ الحريم تتغطى عنه ..
هو طآآآر من الفرحه ! لأنه خلاص حس إنه صار رجال وكبير
بس سرعان ما ينزاح هذا الفرح ! لأنه يبي يحس بالمعاناة ويبي يذوق الألم
يعني كل ما جاء يدخل على حريم لازم يتنحنح ويرفع صوته ويقول ياآآآآآآآآولد .. بهـ أحــد
بعدين يقولون له إصبر به مرة عمك مامعه جلال .. عاد يقول بينه وبين نفسه .. وشوله تتغطى وأنا حافضن شكله حفظ يوم هي تفتش لي ..!
بعدين يرص له ساعه ساعتين .. سنه .. سنتين
والبعض إلى هالحين رآآآآص من سنة نووووح <<- يسمع بالمبالغات لا أقنعه
المهم بعد طووول انتظار وفقعت مرارهـ وكبد وطحال يفضون له الدرب ! ويروح لحال سبيله .. معانآآآآآآآت وقسم القسمات الكثيرات مرات
يعني إذا صار ببيتكم عزيمه .. وتبي غرض من غرفتك ! لازم تمصلح مع بزقه مايسوى قرش .. وتزبط العلاقة معه وتعطيه حلاوهـ
وبعض الآحيان تكزهـ ويرجع خمس مرآآآت .. وكلهن يقول ما لقيت غرضك ! أو يسحب عليك هالخآآآيس
وتقول ياحسآآآآفة الحلاوهـ والبوسه والسعابيل اللي طبعته على خدك <<- حتى السعابيل مانن بهن
وآآآحد من العيآآآآل توهـ جاي من السفر .. ودآآآيخ ما يشوف الأرض .. عين مسكرهـ وعين مغمضه
ومواصل له يومين وحآآآآآلته حاآآآآآله على قول الشاعر ( آووووم آلـحـآ آ له
بقى ثواني ويطيح على وجهه من التعب والإرهآآآآآآق
يعني مايمديه يوصل السرير .. إلا هو طآآآيح وبسآآآبع نومه ! ويآآآصل الحلم السبعطعش
ويوم دخل بيتهم والبيت مكتض بالحرمّـآ ! وهو على إن البيت مافيه أحد .. ورايح يرقى لغرفته يبي ينام
فتح باب الصاله وهو مطلدزن الآرض ومدرعم للدرج .. ويوم انتصف بوسط الصآآآله و وش يشوف !
شآآآف هالحريم المعزومات وهن يناظرن باستغراب .. وصاير كأنه المسرح وهن الجمهور
طآآآآر نومه وضآآآعت علومه .. وصآآآآر مصحصح مثل الحصان !
وتنبط عيونه .. ويبدأ يقزقز بدون ماترمش عيونه عشان يستغل النظرهـ الآلآلآلآلآولى لأنه حلال
هالقزقزهـ حصلت في آجزاء من الثانيه .. بس كانت النتيجه إنه شآآآآف كل اللي به وحفظ لبسهن ولون شعورهن
حتى إنه قازن لون عدسات مرهـ .!! <<- حشى مهيب عيون ! ذي آشعّة تحت الحمرآ
عقبه بدأ يتنحنح وقال يآآآآولد .. به أحد ! <<- حلوهـ به أحد على فطنه يالمطفوووق .!؟ حيرهـ و تضييّع و احرآآآآج ..
كل الخيارين صعبات .!! يآ يكمل دربه للدرجه أو يرجع أدرآآآجه ! بس إنه درج .. هجت به وقال قووووم درجني اختبص وانهبل وصابته جنيه
زبن للدرج ورقى وقابلته وحدهـ .. عاد شلدز !!منهو اللي له حق بالعبور .!؟ يتبع ->>
عاد يوم صار من بكرآ .. راح لـ آوخته و سأله.. منهي ذيك اللي جايه أمس ولآبسه تنورهـ نوف مادري موف .!؟ اللي جآآآلسه بجمب حصه بنت عمي .!؟
آختـه : و وش دخلك ياقليل الآدب ! ثاني شي وش درّاك إن اللي بجمبه حصه .!؟
رد عليه : عرررفت حصيصه من حبة الخال اللي بخدّهـ ! مآشآء آلله كبرت وصارت مره
<<- أكيد مرهـ آجل تبيه تكبر وتصير بقرهـ .!؟
معقوله ذي حصه اللي تلعب معي من أول فتحي ياوردهـ ياحليلتس ياحصحوص
بس ترا اللي بجمبه ماعرفته وقسم .!؟ <<- ملزم أبو الشباب
ترد الآوخت .. خل عنك اللقافه <<-كرررررهـ ماينفعن
خويي لسان حاله يقول .. طيب يمكن قصدي شريف وأبي أخطب فرصه يمكن تبي تفتكون من خشتي !!
06- في الآعيآآآآد
طبعا ً بالعيد تصير مواقف كثيرهـ .. خصوصا ً إذا صآآآر به مقلط ! وباب مفتوح للحريم وباب للرجال
ويله تعآآآلوا يالعيّال وسلموا وعايدوا عماتكم وخالاتكم .. والبنات سلمن على عمانكن وخوالكن
وآآآحد من العيآآآآل يقول لي .. بالعيد ذآ جيت متأخر لخوالي .. وفترة التسليم للشباب انتهت
ويوم دخلت قلت لخالي ..أبسلم على خآلآلآلآلآتي وأبعايدهن .؟! قال لي رح للمقلط كلهن بذاك أنا تصورت إني بين الشوطين .؟! يعني شوط الجذاعين خلص وهالحين بين الشوطين بفترة الرآآحه !يعني المقلط مابه إلا خالاتي وخوالي
وأجي مدرعم وأدخل للموقلط وأسلم على خالتي الآولى .. بعدين الثآآنيه .. ويوم وصلت للثالثه ..
طبعا ً أنا مسوي إني سنع و وخر عن وبعآآآآلي صوتي وأنا مآآآدن ايدي .. كل عآآآآآآآآآم وأنتي بخير يا خـ خـ .. خآآآلتـ ـتو .؟!
وصافحتها ويوم شفتها وأشوف فيس غريب علي ! ويناظرني بحدهـ مابقى إلا يلفعني .؟! آحس إنه تقول .. تخلخلت ضلوعك ..
أنا صديت وفشلت وصار وجهي طماطه خربانه
وأسحب يدي بشويش وآنسحب من المقلط بكبره
أثاريه بادي الشوط الثاني حق البنات .؟! طيب ليش ماصفر الحكم حتى أدري .؟! لا غش غش ما يصلح
عآآآد أنا مستغرب وأقول غريبه المقلط مزدحم ! معقوله كثرن خالاتي إييييييه شكله كل هالسنين جدتي تضني وأنا ماعندي علم وآخر من يدري أنا ! بس اللي يقهر إني مسلم على خالي وخالتين بنفس الغرفه ولا قالوا لي شي أو استنكروا وجودي .؟! إيه مستدير راسهم من كثر التسليم
جيبوا قهوه .. عطونا بيالات .. متى يقضي عشاكم
وخبركم بعض الحريم المعزومات يقالهن فازعات مع أهل البيت
ويروحن للمطبخ يدورن شغل لآنهن فاضيات ولا لقن أحد يسولفن معه
أو رايحات يشرفن على شكل المطبخ وش عندهم من مواعين
أو يسألن الشغالات .. وشلون سويتي الحلى الفلاني .؟!
إن راعية العزيمه له ولدن سنع .. عاد يتميلحن البنات عند الأم ! يعني اني تراي قرمه وراعية شغل .. حتى تخطبه الأم لولده ! <<- الله يعينس يا أووم سعود على هالنمونه من البنات وآآآحد من العيآآآآل يقول ..
عندنا عزيمه ورحت للمطبخ أبي فناجيل .. و يوم دخلت للمطبخ وتقابلن وجه لوجه بنت
أبحاول أصرفه و ألطف الجو ! قلت له .. يبغى فنجالات يا صديق .. آنتي
( اندونيسي ) أو بلبين ( فلبين ) .؟!
لآلآلآلآلآ .. آكيد سيرلآ ( سيريلآنكآ ) ومششششششآء آلله تطورت منفوحه آشوف الشغآلآلآلآت بدن يفلن الجدايل ويحطن ميكياج .؟!
هو قال تسذآ منه إنه يسولف شوي و تطول النظرهـ
و منه لكآآآآعه ولعانه وإلا كله ملح البنيّه
مير شكله حقدت ياويلي وتحطمت
يارب يارب إنه ماتتهور وتنتحر .!! لآني أعرف واحد إنتحر وبغى يموت بس فكه الله
يقول وآآآحد من العيآآآآل بالشتاء إذا خيمنا .. أشوف عيال خوالي بهم قرآآآآمه وفززززعه مهيب بأحد
إذا قالوا إن قسم الحريم به شي خربان .. أو قالوا لهم تعالوا شيلوا شي أو جيبوا حآآآجه للحريم
أشوفهم ينقزووون مثل البرق .!! وأنا قآآآضبن الآرض ومتعيجز أقوم وقاعد عند الضويّه ومتلحف الفروهـ وبهالجميدهـ مآآآودي آتحرك وأقول بنفسي .. و الله ياهم كفو ماشاء الله عليهم الحمد لله اللي ربي وفقني بهم
وألوم نفسي وأقول والله يا آنا كمخه ما أنفع .؟! عقب عرفت مقصدهم .. لآنه إذا قالوا لهم إن قسم الرجال يبي له شغل ما قآآآم أحد .؟!
وين عمتي فلانه أبسلم عليه وآلله مشتآآآآآآق له حيل .. جعله ينشق بطنه لآنه تسذوب عادي تمر السنه والسنتين ماسأل عنه
وبعضهم وهو رايح مدرعم لقسم الحريم يبي يصلح شي وشاف بزر قدامه .. تنزل عليه حنيّه عجيبه سبحان الله .؟! <<- لزوم التميلح !
و ياملحوووهـ .. ياقنينوووووهـ ويبدأ يمطخ الولد و يجغّفه و يقبصه مع خدهـ و يقول .. ياحبيلك وهـ بس .!!
والولد حآآآآيمه تسبدهـ ويمسح سعابيل هالخايس ولسان حاله يقول ( طس بس .. كل عومري آترجّاك توديني للبقاله ! وتقول لي فاردز شايفن سواق عند أمك )
آيضا ً بالبر بعد .. يبدن البنات يحنن على خالي حتى يطعس بهن
عآآآآد يتكيهن بالصندوق.. من كثرهن صايرات تقل خلية نحل <<- يقاله تسنه شاف خليه بالطبيعه .؟!
الصدز إني شآيفن خلية النحل بفلم كرتون مثل نحول وطقته وهنك تلمس أو تحرش بالخليه وتاخذ منه عسل .. لآنهن يبي يلحقنّك ويلسعنّك إلييييين يصير وجهك كله فقاقيع منتفخه
وإذا قدر آلله ولحقنّك .. رح طب ببرتسه ماء وطلع شفاط حتى تتنفس به <<- لا الولد متأثر بقوهـ
إيه أقولكم .. إذا راح خالي يطعس بهن أشوف الزلابات آل جذاعين .. كل واحد شابكن الواير أو السلسله بسيارته ..
ويحترون الخال يغرز حتى يروحون ويطلعونهم .. مسوين فيها إننا فزعه مير الحمد لله إن خالي يقود بالبر وكسحهم ماغرز
على طاري التطعيس .. يقول لي وآآآحد من العيآآآآل كشتنا مع أهلي وعماني .. عاد جن لمي القعر
البنات الصغار ) وأشغلن حيآآآتي هن نطعس وطعس بنا .. طعس بنا
قلت يله .. هم ناخذ أجرهن وماتسوى فرحت هالبزارين .. ويركبون معي وتقعد بجمبي بالمرتبه اليمين بنت عمي
ويوم آخذت لفتين أشوفه بدت تمون لا أقنعه فتحت القزازهـ وطلعت راسه وبدت تطبّـل على التنده وتقول سواقنا دوس دوس
وبدوا البزارين يرددون وراهـ إلى مابدت تهز السيارهـ .. حتى اشوف المساحات اشتغلن .!! ويوم دققت بالنظر طلعن عصاقيل هالماخوذهـ يروحن ويجن ! لا ومن الشين لابسه شراب وحدهـ لونه برتقالي والثانيه خضرا .؟!
ماتقول الا وزرت جيزاني على هالألوان ( وزرهـ = قطعة قومآآش مستطيله .. لها اسم ثاني عند الحريم هي الجلالوالله من الطفاقه بذيك البنت .. المهم بعد فترهـ يمكن آقل من شهر .. جت عمتي لبيتنا ودخلت أسلم عليه .. عاد أشوف بجمبه وحده متغطيه ولا تعرف تغطى زين .!!
قلت لعمتي مشاء الله مبروك جايتس شغاله .. قالت وش شغالته .؟! قلت هالمزيونه اللي بجمبتس ! أكيد إنه جديدهـ ولا تعرف تحتسي إلا ياعمّه وش هالميانه قاعدتن معكم .!! لا ومن زين الطبايع تقهوى ؟! مير وراهـ قزما الحمد لله و الشكر .؟!
والنقاب وراو تسذا موعاق .؟! و .. , عاد قاطعتن عمتي وقالت .. ذي بنتي آلله يصلحك
قلت .. وشو هههههههههههههههههههههههه و آكر ضحك
أمس سيقانه تروح وتجي قدامي وتصبّخ وجهي واليوم متغطيه !
عاد قلت للبنت .. عشتوا وآلله .. غطي سيقانتس بعدين وجهتس ! وثاني شي توتس بزر وش عجلتن عليه !! و آنا فآآآآآآآقع ضحك هستيري
إييييييه بس بس .. آكيد الدار النسائية معطيتكم محاظره وتأثرتي به
عآآآآد جدعت العباة أبشركم <<- تحلفون إنه علماني
إي والله شووووله تغطى وهي بزر .. بعدين إذا كبرت دشرت وحطت نقابات وعبايات تفتن .؟!
ومرهـ لقيته بالحوش مع البزارين يلعبون مليحق .. وتلعب معهم وهي متغطيه
عاد تركض هي ويلحقه حدآ البزارين ومير يجر جلاله ويطيح .. قالت لا مامعنا جر جلالات تذكرت اللي يلعبون كورهـ ويقولون مامعنا مزع( مزع = شوت الكورهـ بقوهـ
إذا كانت فيه عزيمة رجال وجايين بوقت المغرب .. يعني قهوهـ على الماشي ..
على آذان العشاء تصحى الأميرهـ الناعسه ( بنتهم ) من النوم والشوشه طايره
راحت ونزلت تحت .. شافتها أمها وقالت له روحي شيلي البيالات والفناجيل من المجلس .. آخذت صينيه من المطبخ , وهي شايله الصينية بدت تلفلف به كأنه ماسكه دركسون وتصارخ محووووء <<- صوت تفحيط
ورآآآحت للمجلس وبدت تضف .. وصلت لصحن الحلى .. وبدت تذوق بعدين بدت تاكل بشراسه .. وقالت آممممممم طعمه لذيذ ..
استهاشت وبدت تردد بصوت نشآآآز القوس قوسك والسهام سهامك .. قامت وتعدلت تبي تهز وسط وهي تاخذ لفه بنظراته على المجلس
وتطيح عينه بشنب قاعد وخآآآآآم مخدة الكنب وعآآآض اصابعه من الرووووعه ( ذا من المعازيم ويحتري أخو البنت يتوضى حتى يروحون للمسجد مع بعض )
يوم شافته صرخت بوجهه وقآآآآلت يممممممممه حرآآآآمي ..!!!
عاد قال وقسم إنه أنا المفروض اللي أخاف لأني ماقد شفت هالأشكال إلا بأفلام الرعب ! على صرخة المحروسه دخل أخو البنت و شاف هالوضع المزري
عاد جاب البارودهـ وطخ خويه وقال وشوله تشوف أختي وأنا أخو وضحى .؟! <<- ياشينه إذا صار فاضي .. يبدأ يألف يبالغ بآشياء خياليه ماتصير ولابمسلسل بدوي بالإستراحات تكثر هالمواقف ! و خاصه إذا قلطوا الحريم وخلصوا وجيت أنت تبي تعاون أهلك ودخلت للمقلط وأثرهـ فيه أحد غير محارمك
يقول وآآآحد من العيآآآآل إني دخلت على المقلط عقب ماخلصوا الحريم ومافيه إلا أمي وخواتي وعماتي .. عاد أنا ساعدتهم بزعمي شقردي وماقصرت جزاني الله خير رحت للمغاسل أبغسل لآني ماتعشيت وكل ذا من زود القرامه مشاء آلله علي يوم دخلت على المغاسل وأشوف قدامي بنت وتناظرني ومير تصد عاد قلت له يله فوتي وصديت أنا بعد لجهة مراية المغسله ولقيته تعكس صورتها ياليل النشبه هالبنت وراي وراي
وآثرهـ وهي تمشي رجعت تناظرني ! ويوم درت إني طايحن به وآشوفه بالمرايه استحت
وراحت تركض <<- ايه هين استحت !
بعد كآآآآشخه .. أكيد إنه فرحت !
وترا اللي تهج وتوريك إنها مستحيه وما تشوف إلا غبارهـا ! معناته يعني تعال اخطبن تراي آحسن فاهمين حركاتكم مير نصيحه للبنات بهالمواقف تجنبي الركض لآنه يمكن يبين شي أو شي ويمكن من زود الخبه والرفاله تخفعين وتخبطين على خشتس خآآآآصه إذا صرتي لابسه كعب
بعدين تصير المصيبه مصيبتين وبموقف لا تحسدين عليه ! يعني غطي وجهك بأي شي وقولي له غض البصر يمال العمى وامشي بهدوء*
انا بالعادة أكرهـ إني أقعد بمكان يصير به حريم متغطين علشاني ! يعني لازم يكون به أحد معي يجسرني .. وأحس إنهم متغطين علشانه هو بعد .. وآآآحد من العيآآآآل يقول كنت عند عمومتي دخلت آبسلم على عماتي ومابه شنب إلا آنا .. وحلفن ما آمشي إلا آنا متقهوي .. آمري لله وآتكي عـ كورسي على جنب وتقهويت واستاذنت
وقمت وطلعت وسكرت باب الصاله وراي
أول ماسكرت .. قلت الحين وراي ماقلت لهم بمان الله وودعتهم .. شكلهم يحسبون إني رايح الحمام وآنتم كرامه وآبجي .. وافتح الباب واقول يالله اجل تمسوا على خـ خ خ ـ ىآرر
وآشوف كل الموجودات فتشوا وكل وحده طآآآيرهـ عيونه و وجهي بدأ يعطي آلوان الطيف وألوان غريبه حمر وخضر وصفر وصفق
أنا من الروعه صكيت الباب بقوهـ وحسيت بفداحه الموقف وكل شئ مر على تفكيري بسرعه .. وش يبي يقولون .؟! يحسبون إني قاصدهـ !!
وآجي و أقرر وفي جزء من الثانيه إني اقول (( آسف ))
رجعت وفتحت الباب من جديد وقلته وآشوف بدوا يناظروني باستغراب !! وصبخت بالباب وراي بأقوى ماعندي
وآطلع من البيت وآنا ميت من الفشيله و آشغل السيارهـ وودي لو آروح وآصدم وآموت وآرتاح من هالموقف
إذا قدّر آلله وأمرحت عندكم حدآ بنات الآقارب .. وأنت رجالن راعي درعمه ودايم تنسى إنّه به يقول وآآآحد من العيآآآآل .. إنه مرهـ من المرات أمرحن عندنا بنات خالي و خالاتي .. طبعا هالبنات صغار وتوّهن باديات يتغطن .. سون لي قلق بالبيت مليت كل ماجيت للصاله ألقاهن وأرص برا بالشمس لي سنه إلى مايتغطن وليته على الصاله وبس .. بنات الكفس صايرات قواطي ببسي بكل مكان بالبيت ألقاهن بالمجلس .. المقلط .. الدرج و بالملحق بعد .. حتى السطح ماخلنهـ !
واللي يقهر إني حافظ أشكالهن حفظ .. وش يتغطن عنه ! لا بعد من زين الطبايع أكثرهن أنا تسد رضعتهن وزامهن وشايلهن على ظهري وملعبهن يوم هن صغار
وهالحين لو تشوفن وحدهـ منهن شهقت وكأنه شايفه جني حقيرآآآآآت وناكرآآآآآآت للجميل .!!
المهم إني مليت منهن .. عاد عقب بديت أدخل وأدرعم وأنا مطلع الجوال وأنغز به ..
يقالي ما انتبهت لهن عاد تبدأ تسمع أصواتهن وهن يكركرن ويقولن يووووهـ وين الجلال .. عاد اللي تغطي وجه بيده واللي بالستارهـ واللي بجلدة الكوتاب اللي معه واللي تدعس راسه بالكنب تقل نعامه
واللي تفتح الشنطه وتدس راسه به .. واللي رفلى تغطي وجهه بتنورته بعدين تبين كراعينها وشي آفضع
عاد تجي الفزعات من خواتي .. فلان ترا فيه بنات ارجع عاد أنا أسوي نفسي مصدوم و لادريت ويقالي استحيت عاد ما أرجع .. أكمل دربي لآني شخص مقدام ولا أعرف الرجوع للوراء
اذا صار عندكم شايب ماعندهـ مصطلح التنحنح دامه ببيته !! ويعز مبدأ الدرعمه بلا احم ولادستور تقول له حريم حريم .. يقول دريم..اذا صار عندكم عجوز كلن يقرب له .. ومليون طعش واحد تفتش له .. ذا ولد أخوهـ وذاك من الرضاعه واللي ياخالة جدي حكّي ظهر عم أبوي
وتكثر الطلعه والدخله بالبيت .. وتكثر بهالبيت اجتماعاتكم ..
يقول وآآآحد من العيآآآآل .. إني ببيت جدي ومجتمعين عمومتي وأنا فآآآآضي وآنوآآآع الطفش .. عاد قلت ماللي الا هالبزارين خل أضحك عليهم
وأجيب شماغ جدي وأفرفرهـ .. وآلحط به البزارين مع الشسموووهـ ( تعرفون هالحركه الظاهر )
عاد به واحد منهم هج .. و قلت والله ما أخليك وطردي أنا واياو .. إلى مادخل عند الحريم .. ويوم شفته دخل وأنا أركض لقيت شخص قدامي .. قلت تدري .. إذا واجهك خير فـ واجهه ومن حصل شي يستاهله
قهر يضيع تعبي و ركضي هباءا ً منثورا
وألصعه ذيك اللصعه مع الوشموووهـ اللي طلّعت له صوت رنّان و قلت تستاهل ياخلفهم ويوم شفت اللي لصعته طلعت مرة عمي وتجين أم الركب وسمرت بمكاني ! وتنآآآآظرن نظرات استحيت عقبها وصديت ( فيس يلقط فيسه )
<<- وآلله آخر زمن العيال هم اللي يستحون من البنات **
ويقول وآآآحد من العيآآآآل.. مجتمعين عمومتي ودخلت أسلم وجلست عندهم .. وبه بنت عمي قاعده بجمب عمتي ومتغطيه طبعا ً
عاد كل ماتطيح عيني عليه أشوفه تصد و تلتفت ومن قوة الإلتفاته أحس إن رقبتها تبي تنفك وتدور بوش .!!
اكتشفت عقب إنه تناظرني .. آذكر عاد ذيك البنت أنوآآع البرآآآءهـ ! فضحت روحه وإلا وش يبي يدريني إنها تقزن وآآآحد من العيآآآآل غبي قال لجدته .. ليش ماتعزمين ناس غريبين ترانا ملينا من بنات خالاتي ! لو تبين أرسمهن لتس رسمتهن
لا ومن زين العلووم أول ما تغطى عنه .. حريم خواله وعمانه .. وإلا البنات ماتغطن يقولن توك بزر ! والمفروض هن أول من يتغطى
عاد هو ما استوعب الموقف زين لآنه متغطين عنه بدري .. يعني توهـ بزر .. يقول اذا رحنا لعزيمة خوالي .. آدرعم كالعادهـ وبه حريم خوالي وهم باديات يتغطن
عاد آسمع إذا جيت آدخل عندهم (( إدخل مابه أحد ..لالالا إصبر ...هآآآآ
تتغطين عنه .؟! توووهـ بزر .. لا وش آللي توهـ .. إصبر آجيب جلالي .. إدخل بس ماعليك منها
عاد آنا وآآآلم آدخل وآسلم وجيت عند مرة خالي وهي متغطيه وأمد يدي أبصآفحه عاد مامدت ايدهـا ! ويوم طآآآل الموقف مدت يدهـا وقالت هذا شكله بقرتن مايفهم
وعقبه بدت تصافح وتحط بيدهـا الجلال يعني افهمه يازلابه بعد كم يوم استوعب وبديت ما آصافح
<<- أوم المصاله يمدح موضوعه 
نوركم ياعيني طفى نور الكهرباء 
) البنيَـآآآآآآت يدخلن عند الرجاجيل بدووون جلال وعادي مايقولون له استحي يامرهـ ! 
( يا ليل ماطولك وش ذا الموقدمه اللي بديت به وبلشت عجزت آنهيه )
وهن يناظرن باستغراب .. وصاير كأنه المسرح وهن الجمهور
يتبع ->>
ياحليلتس ياحصحوص
ويناظرني بحدهـ مابقى إلا يلفعني .؟! 
ومتلحف الفروهـ وبهالجميدهـ مآآآودي آتحرك 
وأقول بنفسي .. و الله ياهم كفو ماشاء الله عليهم الحمد لله اللي ربي وفقني بهم 
ويوم دققت بالنظر طلعن عصاقيل هالماخوذهـ يروحن ويجن ! لا ومن الشين لابسه شراب وحدهـ لونه برتقالي والثانيه خضرا .؟! 
) من النوم والشوشه طايره
<<- ياشينه إذا صار فاضي .. يبدأ يألف يبالغ بآشياء خياليه ماتصير ولابمسلسل بدوي بالإستراحات تكثر هالمواقف ! و خاصه إذا قلطوا الحريم وخلصوا وجيت أنت تبي تعاون أهلك ودخلت للمقلط وأثرهـ فيه أحد غير محارمك
+ 
العرض المتطور
