مع السلامه دمعتي مع شجوني
ومع السلامه ياطبيب المجاريح
ماكنت اصدق لو تشوفك عيوني
انك تخون العهدويذهب مع الريح
صدوف الزمن ،وجفاك هم غيروني
معك حياتي من البداية تباريح
تخطي واسامح والبقيه بضنوني
واقع حقيقي مايبي له تواضيح
عيش الحياة ،اسلا ،تونس بدوني
ماعاد تاثر بي دموع التماسيح
تدري ويش اللي زاد همي وجنوني
فعلك عكس قولك جمله وتصريح
واعرف جزا الكذاب لما يخوني
يموت ذكره بخافقي وشخصه ايطيح
بقلم الشمريه المجهوله