كلما عصّبت قالت: ياخي تبغى تروح.. روح
وكلما روّقت قالت: أعتذر وانسـى الزعـل
مدري هي اللي تبادل جدي بضحك ومزوح
والاّ انا من زود حرصي ما اجيب الا الملل
لا بغت تبدي ثقلها صارت الخـلّ النصـوح
ولا بغت تبدي الجنون تقـول: بطلنـا ثقـل
ولا اشتهت حبي وحناني اطلقت وجه صبوح
تصبح الطفله اليتميه.. وانا اب بـلا طفـل
يوم تعطيك المشاعر لين يغريـك الجمـوح
ويوم تبرز لك ذكاء.. ويوم يعميهـا جهـل
وحدها وقت الغرام الورد من فمْهـا يفـوح
ووحدها لا من نوَت لك ثقّلت طعـم العسـل
يا تموت من ارتفاع السكّـر بسبّـة شفـوح
او تموت من القهر والغبنـه وفقـد الامـل
تزعل.. وارضى عليها تقفي وقلبـي ينـوح
تخفي الغيره تحدي .. تتهمنـي بـلا خجـل
وانا مسكين واصدّق لا بغـت منّـي ابـوح
قلت كل اللي بصدري مـا تقـول الا خبـل
اعشقك واهوى غرامك واعترف إنّي لحوح
اعشقك .. لا تتركيني تايـه .. بليّـا عقـل
اعشقك يـا إنتمائـي .. اعشقـك دمٍّ وروح
اعشقك .. دامك لروحي موطن ورَبْع وأهل
اعشقك يا حلم عمري اعشقك ياحلى طمـوح
اعشقك.. لو قيل عنّي انهبـل "ولـد الدبـل"
وكان ما كفّى كلامي اطلب القلب السمـوح
يسمع البيتين دام المعنى مـا بعـده وصـل
يعني من جدك تبيني ابتعـد عنّـك واروح
ويعني من جدك بلاقي غيرك لقلبـي محـل
انتي والدنيا مليتوا قلبـي الطيـب جـروح
والزعل يا تاج راسي ما يجيب الا الزعـل
عجبتني ونقلتها
ودي ووردي لكم
العضو الأكثر نشاطاً هذا اليوم 
العرض المتطور
