يامدور الهين ترى الكايـد احلـى
وأسأل مغنـي كايـدات الطروقـي
الزين غالي لكـن الازيـن اغلـى
ولكـل شـرايٍ بضاعـه وسوقـي
النّو عالي والسمـا فوقـه اعلـى
لا فاق علـمٍ جـاه علـمٍ يفوقـي
الصعب هلى قلت ياصعـب سهـلا
دامك تبيني فأنت ياصعـب شوقـي
أحب عسف المهـرة الـي تغلـى
وأحب اروض كل طـرفٍ يموقـي
وأحب اسافر مـع سحـابٍ تعلـى
واحب فوق الغيـم لمـع البروقـي
واحب اساهر بـدري الـي تجلـى
وارسم شعاع الشمس عند الشروقي
يامن علـى ثايـر فـؤادي تولـى
خلّك على قلـب الكرامـه شفوقـي
اكـرم عزيـزٍ بالعمـر مااستـذلا
يسوق عمره للمشاريـف سوقـي
اخترتك من النـاس للقلـب خـلاّ
ياحيثك مـرادي وكيفـي وذوقـي
مارحـت ادور كـل زولٍ تحـلـى
لولاك تسوى ماعطيتـك خفوقـي
م.ن
العضو الأكثر نشاطاً هذا اليوم 
العرض المتطور
