[poem=font="times new roman,6,,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
يانشامى صدر قافي قال اوش=من مبالغ عجز قافي قال اش
من بعد حيي نعزك خوش خوش=وان تكدرنا نحطك بالكراش
على قوله شايبك ياطق فوش=ولا مدحت شايبي لا قال عاش
اتعلا فوق قاف لك وانوش=خشم قافك حط عرقوبه دشاش
يازمان السان يلمسني بهوش=في زمانً تشريه بريال كاش
صار لقمه بين نيبان الوحوش=جيت افرقها وزادت بالهراش
مايداوي جرح قلبي والنبوش=غير قاف ًيرهبه صفقت كلاش
باشتكي للوقت والوقت مغشوش=هشم اضلوعي وخلاها طشاش
ولعت نار الحنايا بالعشوش=والمشاعر رفرفت مثل الفراش
لا ذكرت اهل الوفا راسي يشوش=والعظام يصيبها نوب ارتعاش
ارجال اللي فعايلهم تحوش=للكرم والجود ما فيها نقاش
كاسبين الطيب بالوجه البشوش=والمراجل غصب ماجتهم بلاش
مثل فيصل لاذبح جزل الكبوش=وصب من فوق الشحم سمن الغراش
مرخصن لضيف ماله والقروش= ما يحسب للخساير والمعاش
شفت مكسب غيرهم طمن الدخوش=ما يجيب المرجله نخش الخشاش
الضعوف اهل المخابي والكروش=ذكرهم مدفون غطاه الغطاش
ول ياوقت المعته والكدوش=كم سفيه وكم بليد فيه عاش
مل عينن دمعها تحت الرموش= مثل قطرات الندى فوق القماش
من صلاة العصر لاوقت الغبوش=تنهمر عبراتها وألصدر جاش
كن في صدري من الحيره طروش=ترهج بقاع(ن)على نقع الرشاش
او كما رجف المدافع والجيوش=لاقبس دخانها والجند هاش
يا زمان حط باعماقي خدوش=استحل جاشي ويبني به عشاش
تل قلبي تل من وقع العروش=تل عرق تله السيل بهشاش
من هواجيس تحوش الفكر حوش=لين ميلته على درب الهلاش
ولا ذكرت اهل الوفا راسي يشوش= والعظام يصيبها نوب ارتعاش
[/poem]
قــــــــــيــــــــــس
العرض المتطور
