هذه قصيدة أرسلتها للشاعر الغالي / دغش القحطاني عندما سافر إلى بلاد اليمن الشقيق
سرت بي هيوضي يوم صوت المسافر لاح=وغنيت قيفانه ورددت مواله
وقمت أتوجد مثل وجده ودمعي ساح=ونظّمت قافي يوم قافه تهيا له
وقلت استعن باللي قدير على لتراح=وربك قريب يسمع اللي تشكوا له
وبذن الله إن الهم يا صاحبي ينزاح=ويرتاح بالك والكهل تكبر آماله
صروف الزمن يا صاحبي شأنها وضاح=ولكن رجوانا في الله بأفضاله
فياكم سوانا يا دغش في ظروفه طاح=توالت على قلبه هواجيس قتاله
فكم واحد بين الأهل جالس مزاح=وفجأة وحاله يابن لجواد يرثاله
ولكن بفضل الخالق الرازق الفتاح=تحسن مصيرة والكدر ولت أهواله
فلا هي دوام يا دغش باقية لفراح=ولكدار ما تبقى على طول حلالة
فهذا زمانك فيه لطف وفيه أشباح=وكل على حسب إحتماله وما ناله
نصيبك يصيبك وين ما تتجه يا صاح=وشئّ كتبه الله للعبد يبقى له
مقادير خلق الله تكتب في الالواح=ولو ما يجي حظك تكون أنت تسعى له
أخوكم ومغليكم
محمد العمري
العضو الأكثر نشاطاً هذا اليوم 
.gif)
العرض المتطور
