خطيبن تأم الناس وتخالف السنه

[poem=font="simplified arabic,7,black,bold,normal" bkcolor="transparent" bkimage="backgrounds/1.gif" border="double,9,black" type=2 line=0 align=center use=ex num="0,black""] ‏
خطيبٍ تأم الناس وتخالف السنه=تقرأ الصحاح وسنة الله مضيعها

تحمل الحسد للخلق واتدوور الجنه=ياكبر الذنوب اللي انت دايم تجمعها

الشكر للمعبود مالك علي منّه=حاسب ضميرك زين والنفس راجعها

حاسب ضميرك زين وخيالتك عنّه=قصّر رسن نفسك عن الناس واردعها

ترا كل رجلٍ بالخلايق خبث ظنّه=يجمّع جمر نيران حقده ويبلعها

تقود السفينه ( بر) في لاهب الكنّه=وتبحث عن اللي لك من البر يطلعها

والسفن غابات الفلا مايهوطنّه=لابدمن موجٍ على الغوص يدفعها

تركد شوي شوي ياقايد العنّه=حاول تهين النفس واحذر تدلعها

تر النفوس حمول الاحقاد يرمنّه=في وسط. نارٍ جاير الحسد ولعها

الحنضله لو كل الانهار يسقنّه=مراره يعل القلب والكبد يوجعها

اوزن كلامك عن خطا اللفظ يامنّه=دعتك نفسك للخطاء لاتطاوعها

اهجد يابونفسٍ من الخبث منجنّه=والعافيه ليتك ترفّق وتبلعها[/poem]


مشعل عسام الغافل التريباني الشمري في 1442/1/15هـ

هلابك يابوعبدالرحمن وصح لسانك ملايين
رسالة قوية لمن تجاوز حدوده
لاعــــــــدمنا وجووودك.

تم التنســــــيق

هلابك اكثراخوي ابوطارق شكرالك لاعدمتك يبعدي

صح بوحك غالينا

يسلّم قلبك وَ احساسك شاعرنا
عوآفـي قد السماء يّ أمير
الهي يسعدك وَ يديمك

عشت عشت مشعل بيض الله وجهك على هالشامخه

اخواني الافاضل
اخواتي الفاضلات
شكرالكم جميعا على المرور الله لايهينكم

صح بوحك وقافيتك الطيبه

اخوي ابواريج
صح بدنك لاهنت يبعدي

صح لسانك ابيات جميله شكرا

صح بدنك اخوي اميرالشمال