مرثيه بالخال غافل الصالح رحمة الله عليه

[poem=font="simplified arabic,7,black,bold,normal" bkcolor="white" bkimage="" border="double,9,black" type=2 line=0 align=center use=ex num="0,black""]
عساك بالجنه بعيدٍ عن النار=ياالنادر اللي ماتعدد مزاياك

يعل مسكانك مع الغر الابرار=وحنا يصبرنا على عظم فرقاك

ياعل منزالك بجنات وانهار=الله بالفردوس والخلد يجزاك

في جنةٍ كله بساتين واثمار=في منزلٍ يرفع مقامك ويزهاك

في صحبة الغر الميامين الابرار=تستقبلك حورٍ تشوّق للقياك

فقدك مصيبه مار شاءن الاقدار=وحان الفراق ولابقا غير ذكراك

ياعين هلي صافي الدمع مدرار=وياقلب حزن وقت فرقا دناياك

مرحوم ياسقم العدا باللقا الحار=يابو مبارك والله انا فقدناك

يافزعة الصاحب الياصار ماصار=ليت القدر ماشال مثلك وشرواك

حقك علي بسجدتي وقت الاسحار=ادعي لك الله من سنا النار يحماك

ادعي لك المعبود علاّم الاسرار=عساه من حر اللواهيب ياقاك[/poem]

مشعل عسام الغافل التريباني الشمري في 28/11/1441هجري

عظم الله اجركم يابوعبدالرحمن وأحسن عزاكم وغفر لميتكم
ورزقكم الصبر والإحتساب وصح لسانك مـــــــدد.


تم التنســــــيق

اخوي ابوطارق
جزاك الله خيرورحم الله والديك يبعدي

صح لسانك ورحم الله ميتكم

الله يرحمو وَ يغفرله
عظم الله أجركم وَ سلامة خواطركم
،
يسلّم منطوقك شاعرنا العذب
إلهي يسعدك دومات يّ مبدع

اخواني
اخواتي
شكرالكم جميعا على المرور الله لايوريكم مكروه

صح لسانك قصيده جميله

ماجور ان شاء الله الله يرحمه ويغفرله