العـــبـــــ المخصرهـ ــايــه

بسم الله الرحمن الرحيم

السلام عليكم ورحمة الله وبركاته

صح لسانك يا ناصر البراق



الشاعر: ناصر البراق .. (العباه)

العبا يه عولموها وانفثو فيها السموم
ـــــــــــــــــــــ من ملاهي الرقص جابوا فكر تخصير العباه
ظيقوا صدر العباة ووسعوا طرف الكموم
ــــــــــــــــــــ ونزلوها لين وصلت آخر أكتاف الفــــــــتاه
بانت نحور الصبايا وانكشف شكل الهدوم
ـــــــــــــــــــ والغبية تحسبنها زايده زين وحــــــــــــلاه
والبراقع دلعوها لين عام الخد عوم
ـــــــــــــــــــ لازم القرضه توسع والكحل يلقى الحــــياه
طوروا شكل النقاب وصارت الدعوه علوم
ـــــــــــــــــــ صار شفاف(ن)يوضح خدها ويا الشـــــــفاه
وآخر الصرعه لثام(ن)يفتن الرجل العزوم
ـــــــــــــــــــ والفتن قالوا ضلاله للقلوب المؤمنـــــــــات
وش علامك بنت حوى تستبيحين السلوم
ـــــــــــــــــــ أو مع خيلك ياشقراء بعضكم جنس البنـــات
قاهرتهم هالعبايه مايبون الستر دوم
ـــــــــــــــــــ جدهم علمان يعني لاصيام ولاصــــــــــــلاه
حطوا إن البنت سلعه وغلفوها بالهموم
ـــــــــــــــــــ وارفعوا شعار(ن) ينادي للحقوق الضايعــات
من ظلمها والبدو لاصاحت الحرمه تقوم
ــــــــــــــــــ قايمه تحت المعادي لجل عين الشامخــــــات
من ظلمها يوم قام المعتصم من عز نوم
ــــــــــــــــــ قال وين الكافر اللي يستبيح المسلمـــــات
ثم ذبح لجل شعرتها من العدو كثر النجوم
ـــــــــــــــــ قال هذا حق منهو يستذل الطـــــــــــاهرات
نكسوا ذاك الشعار ولملموا باقي السهوم
ـــــــــــــــــــ يكسر الخاطر سهمكم لاضرب في مدرعـــــــات
بيتكم لاصار مبني داخل البيت مهدوم
ــــــــــــــــــ وبيتنا صوم وصلاة وحج وأشهد والزكــــــــــاة
إتركيهم يابدويه وخلي اللايم يلوم
ـــــــــــــــــــ وسعي خصر العبايه واكرمي بالمكرمــــــات
وإن رفعتيها لراسك أصبح الراس محشوم
ـــــــــــــــــــ العبايه فوق راسك حشمه وطيب وثبـــــــات
وماعليك من اللئيمه تحاول تقلدك يوم
ـــــــــــــــــــ لبست البرقع ولكن حن عرق الماجـــــــدات
بحنكها ألفين دقه مدري ألف من الوشوم
ــــــــــــــــــ أو تراه ألفين هكري يكتبون الذكريــــــــــات
ولابغت تكتب قصيده قافها هو قاف يوم
ــــــــــــــــــ (يوم يابا)(يوم يابا)جاك عرق الراقصــــــــات
جت تقول إني بدويه قلت أنتي وجه بوم
ــــــــــــــــــ إعقبي منتي بدويه أنتي جزء من الحـــــصاة
يابدويه لايغرك بعض غربان(ن) تحوم
ــــــــــــــــــ أنتي فوق الكل أنتي فوق روس النايـــــــــفات
أنتي يوم الحرب دارت والمعارك (قوم)(قوم)
ــــــــــــــــــ عانقت عزوات أخوك صوت ضرب المرهفـــــــات
إن حدوا من بيننا أو طولوا حد العقوم
ــــــــــــــــــ يابدويه طبعي أرقى فوق كل الطايــــــــــــــلات
إحذري يابنت منهم طبعهم نفث السموم
ــــــــــــــــــ عولمتهم لو أعرفها طلع معنى الشـــــــــــتات
ظيقوا صدر العباة ووسعوا طرف الكموم
ــــــــــــــــــ وبيجي يوم(ن) نشوف شقوق في وسط العبــــاه
ان شاء الله اعجبتكم. منقووول

صح لسانه وعبجتني القصيده
بالاكيد
كل الشكر كل الاحساس

العناء وشو العناء

اسعد الله قلبك
على المرور العطر

كل الشكر
على نقلك وذوقك
وصح قلبك ولسان من قاله
**********




تقديرى

******

عقاب نهار الشمرى

اقتباس:

المشاركة الأصلية كتبت بواسطة عقاب النهار

كل الشكر
على نقلك وذوقك
وصح قلبك ولسان من قاله
**********




تقديرى

******

عقاب نهار الشمرى

الشكر موصول لحضرتك
على المرور العطر