(( ليت العمر يهدى ))

السلام عليكم ورحمة الله وبركاته

اعجبتني ولكم الاعجاب


ليت العمر يهدى

ليت العمر يهدى ، أبهديك عمري
تستاهل الايام ، يا زهو الايــــام

لو الهوى المحبوس في جوف صدري
يظهر على العالم غشى العالم هيام

فيني غرام فوق محمول صبري
وفيني خيال فوق تصوير الاحلام

صباحي اسرحلك و في ليلي اسري
وإلى هجع فكري خفوق الهوى قام

والله مالي ، غير الأشواق عــذرِ
واللي عرف شوق المواليف ما لام

يا من يبيع الصبر يا ناس و اشري
محتاج كل الصبر و اصخي بالاقيام

يا مالك امري وش نواياك بامري
ارحم خفوق عن هوى غيركم صام

حالي غدى مثل المساويك مبري
يا باري حالي ترى البعد ظلام

أدري بحالك و انت بالحال تدري
ياالله عسى ذا العام أحسن من العام
-

خالد الفيصل

هلابك يالحر وأشكرك على نقلك الجميل
وأكرر شكري لك على اهتمامك بنقل اسم الشاعر مرادفاً للقصيدة
تقديري لجهودك لاعـــــــدمنا وجووودك.

الحر
ذائقه عذبه
سلمت يداك وصح
لسان شاعرها

مشكور على نقلك للشاعر خالد الفيصل

انتقاء جميل سلمت يداك شكرا