هذه تعد أولى مشاركاتي في منتدى بعد حي , وانا حاولت اني اكتبها بلهجة مفهومة للكل مو بلهجة اهل الامارات وتعتبر محاولة شعرية غزلية اولى بالنسبة لي لاني من كتاب القصائد الفكاهية العامية.
لا تحسبيني لو جنا الليل بنساك
وانا اعرف العمر جملة ثواني
وادري الثواني تندثر حزت القاك
والله ما اشعر بالفلك او كياني
يا هاجسي ما بين شمسك وظلماك
يا معجمي دامك حويت المعاني
يافاتني كل العقل واقف وياك
إلعب بروحي لا تحاتي زماني
مد البحر هو طلتٍ من محياك
والجزر رمشك لو تجف الاماني
بنيت صرح الموت في ضمت اشفاك
وفي فلتت الشفه هدمت المباني
الله وكيلك وش غدى بقلبي يهواك
ينسى يدق النبض وانا اعاني
واركان جيشي تنتظر بس يمناك
واشن حرب الحب بين المواني
من هو دخيلك في البشر صار يسواك
يا الي عشانك كل عمري جفاني
وتدري حياتي ما تساوي بلياك
وش هي حياتي غير جملة ثواني
أتمنى تنال على اعجابكم
اخوكم
آل مكتوم
العرض المتطور
