لا يا هبوب النُّود .. رح له وقله :
قله : ترى والله ما كان سجيت
وقله : ترى في داخلي رسمة" ن" له
تبقى معي طول العمر دامي حييت
ويبقى الغلا في داخلي حشمة" ن" له
لولا الغلا ماكان جيته ولا جيت
ولولا سنين"ن" ماضية صحبة" ن" له
ما كان له روحي ولا قلبي أهديت
أمر شارعهم .. وأشاهد محله
وأقول " يا عل وعسى يشتغل ليت"
لا أحد" ن" يلوم القلب في حب خله
ولا أحد" ن" يلوم العقل لو أستجنيت
عاشق يدور في الهوى عشقة" ن" له
ولا فيه عيب الحب لو صدق حبيت
روحي وروحه.. بالهوى مستقله
وفي حب نايف هآم ..وبحبه بليت
ياما علي دمعه بكى ..وأستهله
ويقول لي خذني وأنا أقول له {ليت}
ليت الزمن يصفآ وأجي له وأشله
وأثبت له أني صدق لا ما تخليت
وليته يجي.. يروي ظماي ويبله
ولا أحسبوني..ياهلي حسبت الميت
هذي حكاية عشق لا موطن" ن" له
إلا { الضلوع} اللي فرتها التناهيت
الليل بارد.. والنداء ما وصل له
وأنا تعبت من الوقوف وتماديت
يا نود : لا مركـ وليفــــي فقله :
إلى متى يا صاحبي ما أشتغل ليت ..؟
للشآع’ـر // نايف العجمي