هاضت القريحه بعد ان قرأت ابيات الشاعرة ع النيه ( لك فرحتن ياعيد بين الحنايا )
وهي إهداء للمنتدى وعلى رأسهم الأخ الساري
آمل ان تحوز على رضا الجميع..
قريت انا الابيات واستوحش الطير
طيرن بصدري ما يحب الخطايا
يابنت هذا الشعر من دون تبرير
انك تحس بجرح كل البرايا
انتي على النيه حقيقة وتصوير
وانا على النية بكل النوايا
موضوعك اكبر من كلام الشواعير
للعيد فرحة بس وين المرايا
بوجهينا ما شفت كود التحاسير
وصمتن يلج الروح قبل الحنايا
حتى الدموع ابطت عن مواصل السير
ما كنه الا بالملامح شظايا
حنا العرب نرضى بموت المشاهير
موت الشرف عز وسلام وتحايا
مار المصيبه مالها اي تفسير
استفرس الحصني خبيث السوايا
ارسل جنوده يذبحون المفاقير
من شان لقمه عيش دك القرايا
لو هو اسد صرح بطيب التباشير
وقال ابشروا ياشعب انتم سوايا
واللي تبونه لازم يصير ويصير
حتى لو المطلوب مني نحايا
لكن لعب بالناس غدرن وتفجير
ولامن نجاه ولا بقى من نجايا
مابين تعذيب وضياع ومناشير
هو كيف يرضى باغتصاب الصبايا
الطيبات الطاهرات الغنادير
يبطي شرفهن عن رزيل الحكايا
هذا القهر والا المنايا مسايير
وكلن عليه حقوق عند المنايا
وسلامتكم ...
التوقيع
كم لي وأنا أقابلكـ
في النوم وأصحى بكـ ..
وإن هلت دموع
عيني إنت مبكيها !!
كم جابني الشوق
ملهوف على بابكـ ..
وأنا أردع النفس
في بعدك وأعزيها !!
إن جيت للجد ما أقوى
لحظة غيابكـ ..
هذي حقيقة شعوري
مقدر أخفيها !!
صح لسآنك لعيونك
على هذا الرد الرائع والنص الجميل
وكم هو جميل ان هاضت القريحه فكانت هذه المصافحه الراقيه..
اتمنى ان لا تكون الاخيره وان تكون بداية لعودتك للشعر واتحافنا بالمزيد..
سلمت ووافر الشكر والتقدير لك ..
ولاهنت ,,
كم لي وأنا أقابلكـ
في النوم وأصحى بكـ ..
وإن هلت دموع
عيني إنت مبكيها !!
كم جابني الشوق
ملهوف على بابكـ ..
وأنا أردع النفس
في بعدك وأعزيها !!
إن جيت للجد ما أقوى
لحظة غيابكـ ..
هذي حقيقة شعوري
مقدر أخفيها !!