بسم الله الرحمن الرحيم
السلام عليكم ورحمة الله وبركاته
هذه القصيدة رد على الشاعر المبدع شجاع بن عمر الاكلبي الذي تشرفت بالرد عليه
على قاف قصيدته التي يقول فيها....
[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
اليوم جا للبـدع هيـض ودلايـل=وجتني هجوسي بنادرات التماثيل
ماهزني للبدع ضافـي الجدايـل=لوكان قلبي لـه مبـات ومقاييـل
ولا شاقني مال ٍ كثيـر ٍ وطايـل=المال يفنـى والبقـا للمحاصيـل
أبدع طرب في مدح سكّان حايـل=اللي لهم في المجد عال المنازيل
يسقيك ياحايل من الوبـل سايـل=يضفي تدامع به حقوق المخاييـل
سيله يضيّق واسعـات المسايـل=حولين والما ماوقف في المساييل
دار الكرم والجود ظـل القوايـل=عيـال حاتـم كلبوهـم مشاكيـل
كنوز جـود وكاسبيـن الجمايـل=كسّابة الطولات جيل بأثـر جيـل
أدناهـم اللـي للنواميـس نايـل=ما للردا فيهم حضوض ومداخيل
وإن عودت في قو بأس وصمايل=فأسود غابٍ في هياكل رجاجيـل
وختامهـا ياسامعيـن المثـايـل=صلوا على نور الدجا صادق القيل [/poem]
وهذا ردي على الشاعر المبدع شجاع بن عمر الاكلبي .....
[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
حييت يـا النـادر كريـم الفعايـل=يا ابن شجاع اللي تسـوق التماثيـل
يا مرحبا بك يـا شريـف السلايـل=يا نسل موفيـن الوعـود المشاكيـل
يالشاعـر المبـدع بنظـم الجزايـل=شاعر كبير ومن سلايل حلاحيـل
مدحت أهل حايـل بجـزل المثايـل=من طيب راسك يا بعيـد المناويـل
هلا هـلا باللـي مـدح دار حايـل=هلا هلا و اقلط على البن و الهيـل
مدحتنـا مشكـور و الشـك زايـل=الله يعزك يـا وريـث الرجاجيـل
نسـل الرجـال مزبنيـن الدخايـل=نعمن بهم يالباتعـي لا اظلـم الليـل
اهل الحميـا و السطـر و النفايـل=ربعك على كبد المعـادي غرابيـل
ليا ركبوا من فوق قـب الاصايـل=وردوا على الموت الحمر بالمصاقيل
تشهد لهـم يالذيـب كـل الحمايـل=ربعك سنام المجد ربعك هل الخيـل
رد الثنـا واجـب بسلـم القبـايـل=واسلم وسلم عـد وبـل المخاييـل [/poem]
وســـلامــــــتــــــكـــــــم
اخوكم / متعب اللغيصم