أنا وخواتي ؟؟؟ وش الحل

السلام عليكم ورحمة الله وبركاته

ابقولكم مشكلتي ادري بتقولون تافهه لكن وربي وربي اني كل يوم اعاني من المشكله هذي


انا من النوع اللي دايمن اتغاضى واترك حقي في سبيل مابي تصير مشاكل

لكن الامر اللي يقهرني ان كثر ما اسامح القى الاستهوان بخصوصياتي وبكل شي اسويه


انا لي اربع اخوات

3 اكبر مني

ووحده اصغر مني


الصغيره انا وياها منبوذات


تخيلو انا وياها لنا غرفه صغيره اللي فيها اسرتنا وتسريحاتنا ودواليبنا صغيره والله غرفة هنود اكشخ منها


المهم انا وياها رضينا با الامر الواقع


خواتي الثنتين اللي اكبر مني كل وحده لها غرفه نوم با الاضافة الى غرفة تسريحة وملابس لحال

وفيه غرفة فاضيه هذي كانت للشغاله المهم راحت الشغاله


رحت انا مره من المرات بس كنت ابشتغل با النت فيها


جتني اختي الكبيره وهاوشتني تقول انتي خربتي الاسلاك ومن ها الكلام هذا يعني بمعنى اصح ماتبيني ادخلها



قلت لها وين اروح اختي نايمه

قالت روحي با الحوش !!!

قلت لها طيب انتي ترضين تتابعين التلفزيون با الحوش

شوفو شلون مستحقرتني تعامليني كني مو اختها وربي الحين بكيت وربي وربي بكيت من الكلمه هذي


ماقلت لامي ولا شي مابيها تعصب لانه ماراح يصير شي


خواتي الكبيرات دايمن من يوم كنت صغيره مسويات حواجز بيني وبينهن

يعني تبين استشوار استئذني !!

تبين شامبو استئذني !!!

على عيني وراسي استئذن ماقلت شي لكن !!!

انه يدخلن غرفتي وياخذن اشيائي الخاصه من غير استئذان ليش ؟؟؟

هن اللي سون الحواجز من البدايه ليش مايطبقن نفس الكلام على انفسهن


وربي كتبت الكلام اليوم الصبح وحده منهن دخلت غرفتي واخذت شامبوي الخاص ولا رجعته

خلته الله يكرمكم با الحمام يعني شوفي اني اخذته


ماقلت شي الى الان ميتة قهر


لاتقولون مشكلتك سخيفه


هن اللي سون الحواجز من البدايه وربي لو اختي الصغيره تاخذ اشيائي من غير استئذان عادي عندي

تدرون ليه لانه طيوبه وتعطيني واعطيها وعادي الوضع خوات ونمون على بعض


لكن الكبيرات حتى لو مشبك يسون عليه قضية ماصارت ولا استوت




ما اقول الا ياربي ياربي انك تعينني عليهن والشكوى لله

بصراحه ماادري وش اقولك يعجز للساني

بس مالك الا الصبر مهم كان

راح يجي يوم يتحسفن ويندمن اشد اندم


الله يكون ف عونك
.......................................

فيه نقطه مهمه في الموضوع تم إغفالها

أين دور الأم والأب؟؟

وقلت الأم أولاً لأنها الأقرب لبناتها .. وبإمكانها حل المشكلة

هذا أولاً

ثانياً :

تأكدي أن أخواتك يحبونك ، وهذا الأمر ليس محل شكـ أبداً

ربما يرونكـ صغيرة ، وأنتِ تنظرين الى نفسكـ أنكـ كبرتي بمافيه الكفايه لتستقلي بغرفة خاصه

هذه الأشياء تبدأ في الظهور بمرحلة المراهقه

حب الإستقلاليه .. والشعور بأن الصديقات أقرب من الأخوات

بينما العكس هو الصحيح .. لأن أخواتكـ بالتأكيد أقرب كثيراً .. ويَخَفنَ عليكـِ أكثر من اي شخصٍ آخر خلاف الوالدين

الحل بوجهة نظري لايكون بالتصادم .. وإنما يكون بالإقناع ، والنقاش

ربما تقتنعي أنتِ بوجهة نظرهن ، وربما يقنعنِ هن بوجهة نظرك ..

الحوار لابد أن يكون بعقلانيه وبهدوء

وأرى بالضرورة تدخل الأم في هذه الإشكالية

الله يوفقك اختي الكريمه

أختي الكريمة

لكل أسره عالمها ومشاكلها وانتي وانا وفلان بأمكانه ان يمشي ويتقاضى عن بعض النقاط وبعض الأمور التي تحدث بين هذه الأسره

ولكني اختي الكريمه الذي لا نختلف عليه انهن لا يريدن ان يصيبك مكروهـ

فلكل انسان تعامل وطريقه يحب ان يتعامل فيها

اختي لا تنظري لهذه الحاجات ولكن عندما تمرضي اجيبيني ماهي ردة فعل خواتك وكيف يعاملنك....

فلا تجعلي حساسيتك الزايده توهمك في أمور أخرى تجعل بينك وبين خواتك خطوط حمراء

راي من راي مجرد قلم والنوفي

بما اني الكبيره ف البيت بين الاولاد والبنات

من خوفي عليهم والله احيانا اسوي اشياء هم يطنونها كره لهم

ولكن والله العكس من خوفي عليهم

وعمر الظفر مايطلع من اللحم

لو تفكرين فيها شوي بتلقين كل اللي يسونه خوف لااكثر

اوافق ابن عمووووووووووووووووو مجرد قلم وبا اللهجة المصرية الم

اول شي اشكرك انك فتحتي قلبك وفضفضتي وهذا شي جميل

ثانيا مشكلتك وراده فكل بيت صدقيني وخصوصا الخوات

طيب فكري لوامك تعاملك كذا ؟؟ بتتحملين؟؟

اكيد لا وهم اعتقد شافو انهم اكبر منك وللحين يشوفونك صغيره

عموما بكره تفتكين منهن ويعرسن خخخخ يعني الدعوه وقت

وبعدين ليش ماتتفاهمين معهم بالمنطق يعني استاذني مثل ماستئذن واذا ماتفاهمو

روحي لامك تتفاهم معهم .. واذا معندين خلاص اتركيهن براحتهن ووسعي صدرك وطنشي

ترى كل واحد حساس يتعباساليني ومشكلتك مهي مثل مشكلتي على الاقل انتي بنات

انا شيبان وغاثينن قسم بس عسا ربي يفرجه ..

دمتي بخير

شوفي حبيبتي بقولك شي

انا بعتبرك مثل اختي الصغيره وبنصحك نصيحه من اخت لاخته

ترى مهما يصير بينك وبين خواتك لايطلع لاحد غريب

لان صدقيني لو تمرين بازمه ماراح تلقين الا خواتك واقفات معك

لاتقولين صديقتي ولا بنت عمي الاخت غير وش ماصار بينكن

يعني سرك ماتطلعينه الا لامك او اختك

وانتي اللحين بسن مراهقه والمراهق كل مشكله صغيره

يخليها كبيره صدقيني انا نفسك مريت بالمراهقه

وكنت اظن ان اهلي مايحبوني ومن هالسوالف بس احمد ربي

ان امي كانت معي وكانت اخت مو ام كل شي اقوله له

ولما كبرت وتعديت هالمرحله قلت يالله وش قد كنت سخيفه

لما اي شي يصير حطيته سالفه وكبرته

وانا اللحين اشوف خواتي لما اقولهن شي يكبرن السالفه وهي ماتسوى

بس انا متفهمه صعوبه هالمرحله عشان كذا احاول انصحهن

بهدوء اهم شي وبعدين اختك لما قالت لك اجلسي بالحوش

يمكن لحظتها كانت معصبه وانتي بالعقل اختك بتخليك تجلسين بالحوش

مجرد كلمه وقالته انا انصحك تحاولين تقربينمن خواتك بابتسامه

واحيان روحي لامك وفضفضي له كل اللي بقلبك صدقيني بترتاحين

وانتبهي لنفسك

هذي نصيحتي لك اتمنى اني مااكون ثقلت عليك

بس لاني مريت بهالمرحله وعارفه حساسيته وصعوبته

واذا تضايقتي روحي صلي ركعتين واجلسي اقري سورة يس

تراها تشرح الصدر

وربي يوفقك

اسفه للاطاله

[align=right]



كفوا و وفوا اللي قبلي
ما شآء الله غطوا الموضوع من كل جوآنبه ..


انتظر تعليقكـْ عشآن أعقب ..
إذا فيه نقطة ما تمـِ التعليق عليها ..
أو حتى إغفآلها في الموضوع الأصلي ..


انتظركـْ قلبي [/align]

ييسلمووووووو

السلام عليكم ورحمة الله وبركاته

بسم الله الرحمن الرحيم



اشكر كل من حضر ونصحني
كلامكم نابع من طيبة قلوبكم
تحسبون كل انسان طيب مثلكم
خواتي انا عايشه معهن
ماغير السنين هذي كلها يتعدلن
لاتحسبوني مراهقه صغيره
عمري كبير وخواتي الثنتين تجاوزن العشرينات على باب الثلاثين
دايمن اسامحهن
واقول يمكن يتغير الحال
يمكن يحسن فيني
لكن للاسف يزيدن بشرهن لي
قالن كل شي عني من وراي لامي
واشياء افتراء وكذب علي
اذا جت امي تدافع هاجمنها بدون احترام
اما انهن يبكن علي لامرضت الا يغنن يا ليل ياعين
لاجيت ابنام با الليل يطولن صوتهن ضحك وكركره
على العموم
انا اتبعت مقولة
طنش تعش تنتعش[/