السلام عليكم ورحمة الله وبركاته
يسعدكم يارب الجميع
بما ان بعد حيي عليه تواصل رغم عزوف العالم عن منتديات
واكتفو بالتواصل سناب وتويتر وغيره
وانا من حاول يقفل الموقع لاكن معنا مدونات وشعراء اعرفهم
واحباب اخوان واخوات والله العظيم ادخل منتدى
واقول صعبه اترك هالغالين وابيعه او اقفله
لانه سيرفر خاص وحمدلله رخيص قيمة بسيطه
لاكن يهمني الدعم الفني
ايش رايكم دعمنا الحالي ماقصر بس كل ماقول ناقصنا كذا كذا قال مادري هذي جديده علي
من يعرف دعم منتديات يعطيني خبر
وله الشكر
والدعم الحالي وفقه الله
عاد اللي يبي يتوكل او يشتريه المنتدى انا والله مانا فاضي له الا قليل ادخل فيه
ومعكم انا بكل شي
اهم شي عندي صعبه علي اقفل الموقع وفيه ناس مدونات وركن هادي كل واحد يضع فيه ذكرياته وامنياته واخرتها مايواصل ذكرياته ولا يجدها برمشة عين
ساعدوني
باقتراحاتكم
وانا معكم
افاء وش صاير ساري
احنا بدونك ولا شي اذا تبيع منتدى علمنا نمشي وقسم بالله مايونسنا الا منتدانا ووجودك
وانا تشوف كم سنه رفضت اي ترقيه منك
بالنسبه للدعم والله لي رسالتين له كل ماارسله قال اوكي ماشفت شي
هلا وغلا بسارينا
انا أشد حبَّا لهذا المنتدى وكل شخص فيه
وانا مالدي أي تواجد ع مواقع النت بس ع المنتدى
ومن اكبر الخسارات فقده فهو جزء منا ونحن جزء منها
وياليت أقدر اكون مساهمة ولو بالشيء البسيط
عشان مايتقفل ولا يباع
وأنت اساسه ونوره واللي يعرف منا ماراح يقصر
المهم بيقى قايم ومفتوح
وعليكم السلام ورحمة الله وبركاته
حياك الله الساري
فعلاً حبينا بعد حيي وهو متنفس لنا
وعالم المنتديات انتهى
لكن بعد حيي لازال صامد ونتمنى أن يستمر
لكن لانريد أن نضعك في موقف حرج
مصلحتك فوق أي اعتبار وراحتك أهم شي عندك
دمت بخير وصحة
يؤؤ مانصبر والله عن بعد حيي
وانت مشكور ماقصرت بكل شي
امااا تبيعه او تقفله لا ماودنا مثل ماقلت انت ساري
قليل منتديات اكيد بس هنا والله مرتاحين ومنتدى متكامل حمدلله
والله يسعدك على اهتمامك اما الدعم فعلا ارسلت له رسالتين
اصلا مايرد الله يستر علينا وعليه
نو نو نو سارينا
افا وشبك
هاااااالقد وجهي مو حلو عليكم
أنا من دخلت هالمنتدى عفت المنتديات الباقيه
ماشاءالله عليه حظور ومشاركات وأعضاء زي العسل
شعراء وكتاب يااااه انت جامع النخبه هون
أنا كنت قاعد بفكر بعنوان لمدونتي وبفكر بشوف بدي اغرسها
وعم حضر لها مواضيع
علامك ياساري
اتمنى ما تفكر بقفل المنتدى
هلابك استاذنا
أنا لاأستطيع أن أزيد على ماتفضل به الأخوة والأخوات
ولكني أقول:
مصلحتك وراحتك فوق كل اعتبار وأملي أن تضع المجاملة جانباً
وطالما أنك فكرت في بيع المنتدى أوإغلاقه فهذا يعني أنك لو صبرت هذا العام
فمن المؤكد أنك لن تصبر إلى الأبد
كن على يقين تام أن جميع الأعضاء بدون استثناء يهمهم مصلحتك وراحتك ورضاك
ولن تكون موضوعاتهم ومدوناتهم أهم منك
وعليكم السلام
أخي الكريم الساري
أضم صوتي إلى صوت الزير سالم
وأبي طارق... راحتك ومصلحتك أولوية
لاتجامل على حساب صحتك ووقتك
وسائل التواصل كثيرة وغطت على المنتديات
احسم أمرك....وفقك الله لكل خير
صحيح المنتديات مو بس انتهت الا اندثرت
بس بعدحيي مو منتدى
بعد حيي حياة
انا لي فيه ١٧ سنة كلها ذكريات
بكل زاوية وكل مكان ذكرى
وكل مرة ادخل المنتدى احط يدي على قلبي خوف يكون اغلق.!!
ماودنا لكم بالتعب .. اللي يريحكم يريحنا اكيد
وانتم ماقصرتوا سنين وحنا هنا
بس لي رجاء .. اذا قررتوا اغلاق المنتدى (لاسمح الله)
عطونا موقع بديل ندخل له
على اي موقع من مواقع التواصل البديلة
اوجعن قلبي والله الا بعد حيي
مهما صار مالي غنى عنه
لكن اذا كان فيه تعب واجهاد عليك مانقدر نقول شي
عزالله انك ماقصرت معنا
الله يوفقك يارب ويكتب لك الخيره
وحنا اخوانك وخواتك ومعك باللي تختاره