هذي قصة نمر بن عدوان المعروفه ..,/
يقولون سمعت وضحى
حركه عند الحصان تالي الليل وراحت تفقده
وتشوف قيده مفكوك وألا لا
حس نمر بالحركه وتوعى ولمح
على ضوء القمر بياضها في سواد ثوبها
وظن إنه رجال لابسٍ بشتٍ أسود
ورماها بالرمح وقتلها
وعندما تحقق إنها زوجته
صعق ,, وحزن عليها حزن شديد
لأنه كان يحبها محبه عظيمه
وهي تستاهل ,, فوق جمالها كانت خيرعون
وسند لزوجها وكانت مثال الزوجه الصالحه والوفيه.
بعد مارأوا ربعه ( جماعته )
حالته سخفوا له ونصحوه بالزواج ..,
فأنشد أبيات موجهه لإبنه عقاب ..,
يقول ...,/
سار القلم ياعقاب بالحبر سـارا
بزيزف القرطاس يامهجتي سار
أكتب جوابٍ مثل قطف الثمارا
قولٍ لإبن عدوان قافٍ له أسطار
ياعقاب لو تجمع جميع العـذارا
من باب بغدادٍ وتونس وسنجار
ويجن بنات الحضر نسل التجارا
شفت الذهب بأرقابهن قلت نوار
ويجن بنات صليب فوق الشهارا
يازين تحت شفيهن دق الاوبـار
ويجن بنات البدو صفٍ تبـارا
فوق الحني ويدللن كل خـوار
ويجن بنات الترك هم والنصارا
والبونيان وكل من لم الاقطـار
ويجن نهار العيد حل الخيـارا
ويقال فيهن يانمر طب واختـار
ماخذ على مضنون عيني خيارا
ياغير وضحى مالك الله نختـار
صافي الجبين أبو نهيدٍ صغـارا
الجادل اللي راح قلبي معه طار
اعذروني على القصور ..,/
أتمنى ان تنال القصه و القصيدة رضاكم ..,
لكم خالص الاحترام ..,/ أخوكم
موووادع
العرض المتطور
