حلم في جدتي

السلام عليكم ورحمة الله وبركاتة


شكرا استاذ حاتم على تفسيراتك السابقه لاحلامي
وهذة المره ساذكر لك حلم بجدتي حلمت فيه بنت خالتي وحلم آخر
حلمت فيه انا جمعتها بموضوع واحد لان كلها عن جدتي واعتقد انها تصب في نفس الموضوع


بداية حلم بنت خالتي في جدتي كما جاء على لسانها انقله لك بعد ماطلبت افسره لها :

حلمت فجده انها تعبانه وخالتي قالت خليك عندها وسوتها على نفسها بعدين قالت وديني الحمام
انتي و الشغاله قولت انا بوديك وزعلت قالت لا انتي و هي وديتها الحمام انا لحالي واستفرغت شي
زي الحديده معقده واستفرغت مره ثانيه على كرسي الحمام وطلع منها خيط طويل
وعلمتها اش طلع منها و مي مصدقه وعصبت حتى ملامحها تغيرت ورجعتها مكانها وهي فبيتنا والا
جات خاله وبناتها قالتلي خاله هذي انتي التعبانه والله مافيك شي وين اللي فبطنك قولت ولدت وجاني
ولد وماصدقت الين راحت تشوفه
وقولتلهم اللي صار مع جده والي استفرغته بعدين سالتهم قولت هذا سحر والا عين وماردوا
كانهم مو مصدقيني وانا اشرحلهم اللي صار ورسمت الحديده اللي جده استفرغتها على يدي وقولهم
الحديده معقده وكبيره زي كذا وطلع خيط اسود طويل وماردوا علي وانا اتكلم وانا خايفه

انتهى كلامها

بنت خالتي متزوجه وعندها ولد توه عمره خمس أشهر والحلم قبل شهر ونص تقريبا

اما حلمي انا فكان الاسبوع الي فات بعد ما زرنا جدتي في بيتها :

حلمت كاني في المطبخ وجيت اطلع صحن من المطبخ وحصلت عليه مثل الثعابين
نحيفه جدا و طويله ولونها أسود وبعدين شردت هالحيات وراحت للصاله كانوا اعتقد 3
مو فاكره عددهم بس كانت لمن توقف ترفع جزء من نفسها وجايه خايفه ابكلم جدتي
بقلها انتبهي من هالحيات شوفيها وراء المغسله كانها جدتي
وقتها كانت رايحه تتوضأ او شيء كذا

طبعا اكثر ما افتكره من الحلم هو هالحيات السوداء النحيفه
والطويله واني حذرتهم منها
و اذا مو ناسيه اعتقد انها كانت في دولايب المطبخ على الصحون ولمن جيت اطلع صحن
طلعت من الدولاب وراحت يم الصاله وراء المغسله

اتمنى تعذرني على ذكر الحلمين مع بعض في موضوع واحد
لكن لما رايت من ان الاحلام في هذا الشأن تتشابه !


وشاكره لك و جمعه مباركة على الجميع

عليك السلام أختي


هذا من باب التشكيك والتخويف ومن باب الرؤى الكيدية التي يلقيها الشيطان في رؤى الشخص ليخيفه من او على شخص آخر وهي لا تقع وان وقعت فمن باب الصدف فلاتكتري لها وتناسيها أختي . والله اعلم



[align=left]
حاتم حائل
[/align]