افسخوا سراويلكم

السلام عليكم
ترى طقت تسبدي

لالا جد طقت تسبدي

تبون أكررها بعد؟

طقت تسسسسسسسسسسسبدي

فاصل
ترى جد كل شوي جايتني رسالة تقول (تم نقل موضوعك)
بجد صرت احس إن مواضيعي (الرحالة ابن بطوطة)
وياليت ما تنقولون الموضوع هذا حتى لو ماكان هذا هو القسم الخاص فيه

نهاية الفاصل وترى طقت الـ تسبد مو سببها نقل الموضوع لا

المهم عدنا
الموضوع هذا منتشر بالرياض بقوووووووووة وشكله في حايل عاجلا ً أم آجلا ً

ترى بجد طقت تسبدي

وش تسوي ؟
لابس ثوبي وشماغي يعني وين؟
أكيد يا للعمل أو لعشاء

هذي معروفة ما يبي لها حتسي

كلنا نحب الموضة لكن مو لدرجة إن الواحد يفسحل

تلبس وتفصل ملابس زي سعودي للمناسبات أو للعمل أو اشياء رسمية
بجد جلست أبحث بـ GOOGLE عن زي سعودي ما حصلت إلا هذا
قسم بغيت أكتب يعتذر عن وجود صورة لكن اشوى بالقوة حصلتها
ما اقول إلا خذلتني يا google
يمكن واحد يسأل يقول ليش صرخة قلم كتب أول مرة قوقل بالكبتل وبعدين بالسمول
السبب لأن قوقل كان كبير بعين وبعد ما فشلني طاح من عيني وصغر عشان كذا كتبته بالسمول








طلعولنا الشباب بـ تفصال كويتي صحيح إنه حلو وأريح من السعودي


ثم تطور الجيل وصار يلبس عماني أو إماراتي أكثر تهوية بسبب فتحت الرقبة وأخف ممن سواهما


خربوها ولبسوا يماني لكن بدون خنجر
(قسم جيل منتهي ) ياليته وقف على كذا


والحين يلبسون ثياب مزكرشة هذي مساواة مع النساء



ويستمر تحديث الجيل

ثم ثياب رياضية


وثوب الكرفته


طيب تبي تروح لشباب استراحة وإلا طلعة بر وإلا تسدح عند هالبحر وإلا بهالبران وش تلبس ؟

أكيد سبورت رياضة أو للي يستحون ولا هم متعودين ثوب نوم
(ثوب نوم وبالبر خير إن شاء الله وإذا بغى يركض يرفع ثوبه ويطلع البرمودا قصدي السروال القصير المدعو ابو سنة )

الحمد لله بس

تطور الجيل ولبسوا جنز !!!

إلى درجة إن واحد من الشباب يسرح بنياق ابوه (من باب الهياط )
لابس جنز ونظارات إيطالية وحاط بإذنه سماعات ومسجل (DVD)


إذا يرعى وهو لابس كذا أجل لو يروح للفيصلية أو المملكة وش يلبس ؟؟؟

صحيح إننا نؤمن بوجود التخلف و ظاهرة الخكارية في مجتمعنا بس الخكري وش يلبس ؟؟
ثوب ضيق الطول 1.5 ×0.5 متر <=== العرض
و شعرتين يمشطهم قدام وفي رواية على جنب
وماسك فاين 24 ساعة على باله أم كلثوم ..

كما نؤمن بوجود العرابجة اللي انقرضوا ما باقي إلا واحد واختفى
والعربجي يلبس ثوب وسيع ملطخ بكل شي دم زيت لأنه يخدم نفسه بنفس

ومازال الجيل في تطور وانحدار مستمر

وطلعت حركة جنز (طيحني )


حتى الحيوانات تأثرت فيهم

ويمكن تم تدارك الوضع للبنطلون هذا وجاء بنطلون رفعني


ويستمر تحديث الجيل

وتطلع حركة (بابا سامحني )
بصراحة ما حصلت صورة له لكن السحاب يكون بالخلف

والحين طالعة حركات بس للحين ما وصلت للشعب السعودية والظاهر إنها وصلت
وأنا ما أدري عنها
وهي
الظاهر راح يسمونها ( يا صاحبي نورني أو شبني أو ولعني أو ما جاوراها )









انتظروا اللبس هذا قريبا في السعودية الله لا يقوله


ثوب عاري رجالي !!!!
لا لالالا
ما فيها كلام مليون بالمية منتهين

ماباقي إلا يقولون

يا شباب فسخووووووووا سراويلكم

وهذا تطور الموضة



يا ناس إلى متى واحنا بإنحدار مستمر ليه ما يحطون هيئة مكافحة فساد الملابس

ترى بجد شي يطق التسبد

صحيح ما احنا ملائكة لكن

( إذا ابتليتم فاستتروا )


حتى العبايات النسائية تطورت بشكل رهيب
آخر عباية نسائية بصراحة كأنها بشت رجالي



تصدقون إني مرة كنت بأحد الأسواق وشفت ثنتين وحدة يوم رفعت رجلها عشان تعدي الدرج طلعت ساقها للركبة ماعليها شي !!!
لكن بصراحة المرأة تداركت الوضع وغطت الساق بالعباة بسرعة (عباة كتف أو مخصر ) اختلاف بالأسماء

الظاهر يوم تداركت الوضع مو عشان الستر لكن يمكن لأن رجلها (عبده)

بس أنا عرفت إنها رجلها بدون شراب لأني كنت اقزها زين خخخخخخخخخخخخخخخخ
(ترى امزح )
لكن واضح إنها سوداء لأن حتى يديها مثل وجهها أسود (ابوك يا الإغراء )
وجزمة خضراء ياربي هذي وش تبي .


وأخيرا ً
معليش على بعض الصور لكن هذا هو الواقع

خطه بيمينه وشمال (صرخة قلم)

والله ي خيي السعوديين يسمعون بالتطور
ومايدرون وين الله حاطهم
مافيها شي لما الرجال يلبس جنز وتشيرت وشورت لكن لايق مع رجولته مش طيحني
وتكرم جزم الوان وسناسل وخرابيط وشي يعور القلب
والا ثياب الوان ومايقدر يمشي مخصرها كانه فستان بنت
الحين في الشرقيه طايحين في ثياب نفس التاتوع الظهر
انااضحك على ابوصديقتي قلت ي حليله ابوك ناقش الظهر يقالك افشلها قالت ذي ماركه
اسمها <لومار اذا موناسيه
<<قالت قماشتها ب700ريال والله وهاتي ي مدح وهو حرام ينقال فيه ثوب
ابوي وصلنا عام2012وبجامته مخططه ازرق وابيض
الظهر يلبسها وبالبروبالسفر

واماالبنات حدث والاحرج عن العبايات
الله يهدي الجميع
يعطيك العافيه اخوي على الموضوع

خفـgق الرgح
يا هلا

اقتباس والله ي خيي السعوديين يسمعون بالتطور ومايدرون وين الله حاطهم

هذا بلا ابوك يا عقاب

اقتباس مافيها شي لما الرجال يلبس جنز وتشيرت وشورت لكن لايق مع رجولته مش طيحني وتكرم جزم الوان وسناسل وخرابيط وشي يعور القلب

صدقت ِ ما فيها شي إن الواحد يلبس لبس حلو وكشخة سواء ثوب أو رياضة أو أي نوع من اللبس
لكن خرطني وطيحني وخواتها هذي هي المصيبة

اقتباس والا ثياب الوان ومايقدر يمشي مخصرها كانه فستان بنت

المخصر هذا قضية

اقتباس الحين في الشرقيه طايحين في ثياب نفس التاتوع الظهر انااضحك على ابوصديقتي قلت ي حليله ابوك ناقش الظهر يقالك افشلها قالت ذي ماركه اسمها <لومار اذا موناسيه <<قالت قماشتها ب700ريال والله وهاتي ي مدح وهو حرام ينقال فيه ثوب

ايوه هذي هي الثياب المزكرشة نفس الصورة اللي فيها جواد العلي لكن تختلف
احس إنك ندمت ِ يوم قامت تمدح البنت بابوها وتقولين في قلبك ياليتها تسكت خخخخخخخخ

اقتباس ابوي وصلنا عام2012وبجامته مخططه ازرق وابيض الظهر يلبسها وبالبروبالسفر

انبهي ابوك لا يمشي مع ابو صديقتك ههههههههههههههه

الله يسعدك

:

طرح راق لي كثير ..
فعلا اخووي نحتاج توعيه ومافحه ضد هالملابس السامجه..

وربي الأغلبيه يلبسونها مو مقتنعين فيها بس حب للتقليد والتجدييد ..
ومع ذلك يضل هناك الكثير من شبابنا وبناتنا محافظيين على لبسهم الأصلي ..
ويهتموون في الذووق العام ..

ولكن نحتاج توعيييه توعي الناس المتخلفه اللي تهتم وتقتني هالملابس ..
اللي نستحي نشوفها وربي..

ياليت يكوون فيه مكافحه لها وتمنع من اسواقنا ..

يعطيك العافيه على هالطرح ..
نحتاج لمثل هالمواضسع اللإجتماعيه ..
سسلمت يدااك ..

صمت الحنآيا
يا هلا
احنا عارفين إن فيه ناس محافظين مثل ما فيه صالح أكيد فيه طالح
لكن احنا ما نتكلم عن الكويسين نتكلم عن اللي مادري وش يبون بالضبط

وقسم إنك صدقت ِ بعضهم يلبسها وهم مو مقتنعين لكن يقولون عشان اخويانا ما يقولون لنا متخلفين

لا فض فوتس

وبجد نحتاج لتوعية كبيييييييييييرة لكن متى وكيف ووين؟

مثل ما يقولون كبر الوسادة بس

يسعد لي مرورك يا أميرة

شوف البس الخليجي او اليمني عادي هم رجال مثلنا ولسنا احسن منهم بس المصيبه في الباس الغير مناسب
مثل طيحني
كنت انا وصاحبي في المطعم اقسم وشفت شاب مع واحد ثاني الشاب قسما استحيت انا وهو عادي نزل ملابسه من خلفه يعني شائف الي ما ينشاف اعوذ بالله منهم

الشي الثاني كنت اجري قبل ليلتين في مكان للجري وايضا البنات يمشون في هذا المكان اقسم بالله لمن شافتني قربت منها رفعة العبايه
حتى كشفة عن عن الفخذ طبعا لا بسه شفاف تحت العبايه

هنا المشكله اما البس الخليجي عادي

اشكرك

امير السعوديه
يا هلا
انا معك بأن اللبس الخليجي عادي ما فيه شي
لكن أنا اتكلم عن أول كيف تطوروا يعني خربوها ولبسوا خليجي
يعني الحين ينقال لهم مخربينها يوم لبسوا خليجي
والتخريب الحقيقي هو الحين والله يستر مستقبلا

مشكورة على مرورك

على طاري بناطيل طيحني تذكرت زوج خالتي كانوا رايحين المملكة وشاف واحد منزل بنطلونه مرررره فَ حب زوج خالتي يستهبل عليه شوي قال يَ الأخو ترا بنطلونك طاح هههههههههههـ
عطاه نظره كأنه يقول وش دخل أهلك و مشى كمل المسيره <-- خانها التعبير خخخخ

يَ أخي قسم السعوديين دايم يفهمون التطور غلط مدري ليه ؟
* همسه
أسلوبك بَ الكتابه يذكرني بَ أسلوب ( أبو طارق ) بَ مجلة فواصل تقريباً نفس المقال اللي كاتبه أنت <-- بيسوي لها تصميم مع علامة × بالأحمر

يعطيك ربي العافيه على الطرح
كل الشكر لك يَ الشيخ ..

مشكلة الشباب يجرو ورى الموضه سواء كانت صالحه ولاطالحه
ولساتك ياما حتشوف من التطور مادام العقول الصغيره تحب التقليد الاعمى
طبعا مش كل التطور في اللبس سئ لا فيه ملابس راقيه وحلوه مثل البناطيل بانواعها
طبعا الساتره مش طيحني وسيحني
صرخة قلم يعطيك العافيه ع القلم المميز والفكر الراقي
دمت بكل خير

●آلـ همس●
يا هلا

اقتباس على طاري بناطيل طيحني تذكرت زوج خالتي كانوا رايحين المملكة وشاف واحد منزل بنطلونه مرررره فَ حب زوج خالتي يستهبل عليه شوي قال يَ الأخو ترا بنطلونك طاح هههههههههههـ عطاه نظره كأنه يقول وش دخل أهلك و مشى كمل المسيره <-- خانها التعبير خخخخ

والله هذي مشكلة يعني المفروض الولد يستحي لكن طنش هههههههههه
قسم قلة حيا
يمكن خانك التعبير لكن فهمناك

اقتباس يَ أخي قسم السعوديين دايم يفهمون التطور غلط مدري ليه ؟

لأنهم متحمسين زياده ههههه

اقتباس * همسه أسلوبك بَ الكتابه يذكرني بَ أسلوب ( أبو طارق ) بَ مجلة فواصل تقريباً نفس المقال اللي كاتبه أنت <-- بيسوي لها تصميم مع علامة × بالأحمر

لا خلاص ماعاد فيه تصاميم ارتاحي ههههههههههههه
على فكرة الأسلوب اللي أنا استخدمه هو الأسلوب الساخر

والأسلوب هذا مو حكر على شخص معين وهو فن كتابة المقال بطريقة ممتعة ليستمتع بها الآخرين
أما الطرق التقليدية يقراها الشخص مره ويمل لكن المقالات الساخرة يعيدها الشخص أكثر من مرة
دون ملل

اقتباس يعطيك ربي العافيه على الطرح كل الشكر لك يَ الشيخ ..

الله يعافيك ومنورة الحته

</b></i>

رواء الروح
يا هلا

أحنا نحتاج لتوضيح ما هي الموضة وما هو التطور ومتى نستعمله وأين وكيف

أقول بالمختصر نحتاج لـ فورمات

منورة بجد

(الرحالة ابن بطوطة)
ههههههههههههههه عادي وين المشكلة
انا قبلك صرت ابن ماجه تذكرة إلي كان يمك




لالا مش ماعؤل إيه داه جتها الجنيه فتكات المصريه هههه






يالبيه يالوقفه حكااااية
الإنسان لاكان وسيم مشكلة وانا إختك..






الشنطة لحظة بروح امووووووت هههههههه
ويني انا عن هالزي العجيب توي طالعه للدنيا هههههههه



صرخه قلم..
قسمات إن مافيني للضحك وضحكتني غصب هههه
الله يسعدك دوم مثل مااسعدتني..

سوري تكرر الرد

ميزتي قو بآآسي
يا هلا بهالطلة والله

اقتباس (الرحالة ابن بطوطة) ههههههههههههههه عادي وين المشكلة انا قبلك صرت ابن ماجه تذكرة إلي كان يمك

وأنا أقول ياربي وين شفتها طلعت ِ أنت ِ اللي يمي
هههههههههه

اقتباس لالا مش ماعؤل إيه داه جتها الجنيه فتكات المصريه هههه

الله يستر ههههههه

اقتباس يالبيه يالوقفه حكااااية

الوقفة لحالها دلع صح
لكن أي وقفه اللي يمين وإلا يسار

اقتباس الإنسان لاكان وسيم مشكلة وانا إختك..

تقصديني صح بس تراي متواضع

اقتباس الشنطة لحظة بروح امووووووت هههههههه ويني انا عن هالزي العجيب توي طالعه للدنيا هههههههه

يعني معجبتك الشنطة مع العباه ؟
هي من ناحية كشخه تراها كشخه

اقتباس صرخه قلم.. قسمات إن مافيني للضحك وضحكتني غصب هههه

الحمد لله إني ادخل الفرحة بقلوب الناس مو أدخل الحزن
أهم شي عساك استانست ِ بس

اقتباس الله يسعدك دوم مثل مااسعدتني..

آمين يارب

</b></i>

موضات غريبه
وقلة حياء الله لايبلانا
ولكن نقول ان الشواذ من الخلق لايحسبون على المجتمع
يعافيك ربي على جهودك
ولا تعليق على العنوان المشين