أبيات بسيطه أتمنى أن تنال على رضاكم ..
النص :-
[poem=font="mudir mt,5,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
صحيح انا بالعمر توّي صغير النضاج = وغد حسب نظرة اللي يتّخذ بالمشير
يجهل سنينه مرابحها سحابة هماج = هملولها يذبح ارضن قد كساها حرير
عمر العمر ما عرف بيته للإبداع لاج = مجالها فاتحن صدره كبير وْصغير
كلّن على طيرها تذكر مجاب المداج = وانا ليا هدّ طيري خابرن بالمغير
شاعر مكاتيبنا تشبه عروسة زواج = اللي جماله يفوق احلامنا والخشير
برّاقها تدبك اخياله جموح احتجاج = وهتّانها عين ترقب ضربها تستطير
شمس الضحى نورها للعيد تفرح بهاج = وقمرى نسانيسها تبري عليلن كسير
وجرّة عصافير روضن بالغناوي تناج = على مداهيل طيب المسك ريح العبير
كمّ اذن عافت مسامع بعدها بمتزاج = وكم ينشرى صوتها لا هيجنت بالمسير
لبّستها تاجها قبل الشّواميخ تاج = يوم إنّ بعض القصيرات اتغدي ما تصير
ما ضرّها حكي نقّالة كلامن عواج = تاطى كلامه وتبرك مثل مبرك بعير
مرتز علمها مرتفع فوق الجبل بالنتاج = يبصر علمها بعيدينن ولو هو ضرير
ترقص عيون المها اللي ذاب فيها غناج = من هولها روس شيبانن غدت تستزير
يبو حمد خبّطت يدّك مراتع عجاج = ما هقوتي بالزعل تكتب كلامن يثير
وان كانها كلمة الشيبه تعكّر مزاج = مخطيت في قولها عسى سهمها خطير
صحيح انا بالعمر توي صغير النضاج = لكن دروب الوفا والمرجله به خبير
[/poem]
وسلامتكم أخوكم // طلال الشمري
تعليقاتكم ونقدكم تزيدني شرف وتهمني ..