يالله يا منبت طمان المرابيع = يا عالمن سرّ الدبايب سمعها
إتجمّل إلساني على قول وتشيع = صوت ٍ تقطّع ما توصّل طمعها
ما همّنا كم حصْدنا بالصواميع = ولا همّنا تالي شهرها شبعها
ولا هّمنا صار الذّهب عالي وبيع = سدّيت سمعي من كلام ٍ فقعها
خذ واستلم يا صقر من خافق أوجيع = وجعت عجوز ٍ ذلّها منتفعها
بعد السلام وبعد رفع القبابيع = كان السلام اسلامنا وش وضعها
تعال نقرا والصبايا مفاريع = والليل ساكن في سواده هجعها
مات الشعور وبالشرف مابه إرفيع = والوقت عزّ ابها الذليل ورفعها
نفرك قلمنا بالمذلّه تواقيع = هدنة حروب وبالنقايض قطعها
إخشومنا ما قطّعتها مقاطيع = مدقومة ٍ يا حيف ذلّ ٍ رمعها
نرقص طرب بالهون صرخات تسميع = لين الرجاجيل إنقرض مجتمعها
الحلم ما صار إيتعدّى المقاشيع = والنقل بالشهوات بالله ذعها
يا سوريا نار الأخوه مجاميع = ونار الفتيله محترق من جزعها
من المنيه بحرنا والقراطيع = إما حياة ٍ بالنصر نقترعها
ولا شهاده بالسعد دون توزيع = تفرح بها نفس ٍ جزيل ٍ شجعها
صاحت حريم الجار بالجار تفزيع = والجار نومه سكّرت به سَمِعها
شقّة ملابس سترها مْن التشانيع = يسلب شرفها والدموع إتّبعها
يا رافضي والله فلا راسك إنبيع = دونه مماتي بالغصب ننتزعها
حنا هل الغوش الأصيل المكابيع = بسيوفنا راس الأسد نقتلعها
ودام المحابر عايشه بالطوابيع = لكتب على روحي سلام ٍ ودعها
وسلام يا شاعر من القول توديع = جعل الفرج بيبان كفّك صفعها
صح لسانك
شاعرنااا
" طلال الشمري
تهت بأي اللغات اكتب ردي لك ولسموك
وبأي الألوان ادهن حـــــــــــــــــــــــرفي
وبأي الآلات اعزف رد علي جمال حروفك
عبق الورد يملأ المكان
شذى الزهر يكتم أنفاسنا من روعته
أريج يتطاير هنا و هناك ..!!
رائعة تلك الحروف
وجميلة تلك الأنامل
دام نبض قلبك .. وقلمك
جميــــــــــــل مافـــــاض به قلمك
اسعـــــــدك الخـــــــــالق
ويعطيك الف الف عافيه
ويشرفني اني اكون اول رد
قصيدة رائعة واكثر ياطلال
يسلم راسك على نبل المشاعر والاحاسيس
تجاه الاوضاع التي تدمئ الافئدة
ونسأل الله ان يعجل بالفرج القريب لاخواننا انه ولي ذلك والقادر عليه ..
رد يحمل الكثيير من المعآني
وأبيآت جزله تحمل صدق المشآعر
نسأل الله ان يؤيدهم بنصرٍ من عنده ..
ابدعت شآعرنآ طلال
سلمت وسلم فكرك وبنآنك
وصح لسآنك حتى الرضآ
ودمت بعطآء ..
العضو الأكثر نشاطاً هذا اليوم 
العرض المتطور
