ياحروفي والليالي بالندم

[poem=font="arial narrow,5,white,bold,normal" bkcolor="black" bkimage="" border="none,4," type=2 line=0 align=center use=ex num="0,black""]
يا حروفي والليالي بالندم = أضرب أخماسي ولا حولي مجيب
مركي ٍ كوعي على ضلع الحلم = ودمعتن طاحت تردّد بالنصيب
شاعر ٍ ما يمتلك فلس وخدم = يملك العزّه سواها ما يصيب
لو تجرّدنا وماضينا عدم = وش هو الحاضر وصاحيها عطيب
ما ملينا بالورق لحظة ألم = والألم وش لون للحرمه نسيب
لبّس الطّربوش بدماغ الجلم = وإستلم دفّة سفينه لصّحيب
خلّها قدّام سنّك تبتسم = وأقرع الكاسه على ضوّ الحبيب
النجوم اللي ضواها بالظلم = تشترق شمسن مواريها مغيب
يا ربيع الوقت والوقت انبلم = باخر الصفحات عزّن يستعيب
تبكي الصفحه مخاطيط القلم = تحت شمعه بالعزا ماله رقيب
وين راحت بالسيوف وبالقمم = مجدنا اللي بالمشارف والعريب
لا تجدّد بالورق منزوف دم = فتّق المجروح والجرح الطبيب
إسمع أنفاسي ولو مابه نسم = يارفيقن خانني وين القريب
وسط وقتن بالتشابه والكلم = كلن السانه كتم حين القنيب
وش يقولون اخويانا بل علم = رايكم معلوم ما عنه نخيب
كلنا وسط ابدماهم نستحم = والمضاحك بالنفل والريح طيب
سدّد اذنك وارتقص بين النغم = ما علينا دام للبترول بيب
وش تبينا للعشا نذبح غنم = ونختم الكبسه على طاسة حليب
السوالف ماهي ابقولت نعم = مذهبك ينجيك من سوط اللهيب
باكر اتدور الليالي والطعم = مرها حالي وحاليها مشيب
[/poem]




وسلامتكم أخوكم / طلال الشمري
تعليقاتكم ونقدكم شرف لي ..


وإعتذار خاص لشاعر / قيس الحسيني
وانا والله مقصر بحقه حيل لكن يشهد الله انها لظروف يالغالي مثل ما قلت لك

لله درك يا طلآل قصيده جزززله ورائعه الله يعااافيك

صح لسآنك شآعرنآ طلال
على النص الرائع معنى ومفرده وتصوير
اتقنت فأبدعت ..
سلمت وسلم فكرك وبنآنك ..
ولآهنت ,,

نص عالي المستوى
عذب الاحساس
راقي وزاخر بالشاعرية الفذة
صح لسانك شاعرنا الرائع طلال الشمري
ودام حسك ورقي حرفك

صح لساااااانك شاااااعرناااااا
طلال
لا خلا ولا عدم هالطلاله
الرائعه
عذر اي عذر سلمك ربي
مدام وجودك بهالشاااامخه تكفي
عن الف عذر ولا حصل شي يستاهل عذر يالغالي
تقديري لسمو شخصك الكريم

كل عام وانت بخير
وصح لسانك ملايين وعلا شانك
مبدع وربي كما عهدتك
لاهنت
تقديري لك واحترامي

صـح لسآنك وعلا شآنك سلـــم الفـــكر الرآقـي والبنآن على هـذهـ الرآئــعه دمت بــخير

عسى الله لا يهينكم يا الغالين والغاليات
على هالمرور الراقي منكم
واللي اتشرف فيه بصراحه

لآ هنتوا

صح لسانك وعتلا شانك

جزله من شاعر جزل لاهنت ياالقرم

لك فائق احترامي وتقديري