ددسن بالف

بسم الله الرحمن الرحيم
الاخوة والاخوات الاعضاء والمشرفين والزوار الكرام
السلام عليكم ورحمة الله وبركاته



سالفتنا اليوم عن واحدٍ توفي قبل فترة بسيطة
الله يغفر له ويرحمه وجميع امواتنا واموات المسلمين
هذا طول الله اعماركم صاحبنا خياله واسع شوي ويشطح بعض المرات
بيته جنب استراحة ربعي
وهو ما تزوج ابد والناس ينادونه باسم ابوه
ابو ناصر
المهم الرجال عنده غنم ومسكنهن معه في البيت
ومغير يتطارد هو واياهن مطارد
واذا سالوه الناس وين ناصر ؟؟؟؟
قال : ناصر عند الحلال في البر
مهوب يدخل للديرة ابد
مريحني من الحلال
والغنم عنده في البيت
وغنمه طردي حوله
اللي في المطبخ واللي فوق واللي في الصالة
وهو مستانس معهن ويجيب العلف ويكبه لهن في الحوش
واذا بغى يبيع شي دور ربعي يودونهن له للسوق
لان معهم ونيت بشد للبر
المهم انهم باعو الونيت
وتورط ابو ناصر
قالهم : دبروني يالربع
قالوا : وش تبي
قال : خلونا نروح للمعارض ندور لنا كسرة موتر نجلب عليه غنمنا
قالوا : يالله توكلنا على الله
دخلوا المعارض ويدورون له سيارة في جهة وهو يدور مع جهة
وتاخر عليهم وصاروا يدورونه
ويوم لقوه والاه واقفٍ له عند كسرة ددسنٍ متكسر عقب افغان
قالوا له : يالله يابو ناصر لقينا طلبك
قال لهم : لا انا ما ابي الا ذا الموتر
قالو له : هذا كسرة ولا يصلح لك
قال : انا اللي ابدفع ما عليكم مني ما ابي الا ذا
قالوا له : حنا علمناك ونصحناك وانت ما طعتنا
سو اللي تبي
قال : نادوا الدلال يحرج عليه
نبي نزاود الرجال ونصامخهم عليه
والله اني لاطرهم ولاياخذه الا ابو ناصر
جابوا الدلال ويالله طاع يحرج يقول الموتر ما يسوى
من يصارخ عليه اخاف ان دلالتي اغلى منه
قالوا : ما عليك ابو ناصر ناويكم هالعصرية
ويبدأ الدلال يحرج ويمدّح فيه
يحلفون ربعي ان معلف البعارين اللي عند الابل
ازين من صندوقه وانظف
المهم ويبدأ ابو ناصر ويفتح بابه
100 ريال
والا فيه عود افغان راعي حفارات يبيه
قال 200 ويطمر ابو ناصر 300
ويزيد الافغاني 50 ويطمر ابو ناصر 400
المهم ويتزاودون لين وصل 950 للافغاني
قال ابو ناصر الموتر علي بالف
ويلبد الافغاني ما عاد زاد
قالوا نصيبك عطنا الدراهم
وهو يدخل يده في مخباته ويطلع لهم بلف ددسن مصدي
ويعطيهم اياه
قالوا وش ذا ؟؟؟
قال انا قايل بلف
ما قلت 1000 ريال
قالوا : انت تستهبل قال : لا
انا شريت وانتم بعتوني
عطوني موتري والا شكيتككم
قالوا : والله البلشة ذا وين طلع لنا منه ؟؟؟
قال واحد منهم : انا شايف معه اثنين كلموهم
كود يدفعون الدراهم ونفتك من ذا المهبول
ربعي يوم شافوا الدعوى فيها شكاوي وخنبقة
انسحبوا من السوق ما يبون المشاكل
وما دروا الا والقسم يتصل بهم
ويروحون عقب المغرب للقسم يكفلونه
لانه طق له واحد من اهل المعرض وتهاوشوا معه
ولافكوا المشكلة الا في القسم


وسلامتكم



منقووووول

ههههههههههههههههههههه
والله مانت سهل يابو ناصر
بلف ددسن وغنم بالمطبخ
ماينلام لو سبك الرجال
بس ودك لو حطوه بالتوقيف له كم يوم
عشان يترك اللكاعه
يسعدك ربي حفيدة فيصل
واضحك الله سنك وين ماكنتى

كنت هنا ومضيت
بترقب جديدك

كونى بخير

اقتباس المشاركة الأصلية كتبت بواسطة عقاب النهار ههههههههههههههههههههه والله مانت سهل يابو ناصر بلف ددسن وغنم بالمطبخ ماينلام لو سبك الرجال بس ودك لو حطوه بالتوقيف له كم يوم عشان يترك اللكاعه يسعدك ربي حفيدة فيصل واضحك الله سنك وين ماكنتى كنت هنا ومضيت بترقب جديدك كونى بخير

الله يسعدك ياعقاااب
شرفتني في حضورك يالغالي

هههههههههههههههه

الله يحيك ياعنود رووووووووعه,,, اي والله حياالله هالفكر اهب يابوناصر

والله فكره المعارض وينه مشينا ,,,,,,الله يسعدك

اقتباس المشاركة الأصلية كتبت بواسطة اللـجـاوي هههههههههههههههه الله يحيك ياعنود رووووووووعه,,, اي والله حياالله هالفكر اهب يابوناصر والله فكره المعارض وينه مشينا ,,,,,,الله يسعدك

حياك ربي
شفت الفكر اللي يزن بلد ماشاء الله


يسعد لي قلبك يالغالي

ههههههههه
ذكي ابو ناصرر اعجبن تفكيييره
تسلميين ياغاليه واسعدك البآرىء ,,

اقتباس المشاركة الأصلية كتبت بواسطة على النيه ههههههههه ذكي ابو ناصرر اعجبن تفكيييره تسلميين ياغاليه واسعدك البآرىء ,,

اكيد تفكيره مدروس ههههه

حياك ربي ياقلبي

ههههههههههههههههه

ول ول يابو ناصر وش هالذكاء والدهاء


ربي يسسسسسعدك

.,

اقتباس المشاركة الأصلية كتبت بواسطة آلمهآجر ههههههههههههههههه ول ول يابو ناصر وش هالذكاء والدهاء ربي يسسسسسعدك .,

يسعد لي قلبك
الله يوفقك