صـــــور معاناة !!

[poem=font=",6,orangered,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
يامل قلبً يهزه داخل اضلوعه=همن تجاوز مداه وهز الاضلاعي
لاقلت هون يجي طفشان ويصوعه=خلاني افقد شعوري والنفس ضاعي
صوع السحايب لزرعً وسط مشروعه=غيثً صدوق المخيل وماه دفاعي
نسل عروقه وصارت بالهوا قوعه=باول حصاده زواه السيل للقاعي
اوصوعة اللي ضروسه تو مخلوعه=بينه وبين الوناسه هم وصداعي
احس كبدي تجي لصدر مرفوعه=واحس روحي من الاعماق تنزاعي
كن المشاهيب باقصا الجوف مدفوعه=والجمر ياضي سناه وجاله شعاعي
اوكن بالجوف غصنًً تومي فروعه=تشابكت في عروقي كل منصاعي
قامت تهزه هبوب الصيف وتلوعه=يميل ميله قهر ماهي تدلاعي
يومي بصدري من الهامه الى جذوعه=ويضرب بعوج الحنايا شوكه الساعي
.............................................=.... ..........................................
وياونتي ونة اللي كثرو فزوعه=عليه دم وجلاء يوم الخبر شاعي
مهدور دمه حكم وحقوق مشروعه=حكم الشريعه وسيف العدل سطاعي
قصد بعيد الديار وفارق ربوعه=عامين يسرد فجوج بلادن وساعي
لا ناموا الناس قامت تنثر ادموعه=يغض طرفه ولاكن داخله واعي
جاته سهوم المنايا بأخر سبوعه=السن بالسن ومن له حق ماضاعي
..........................................=....... .......................................
ويالهفتي لهفة اللي ينهشه جوعه=ذيبً يدور عشا لصغاراً جياعي
ذب الخريمه وشاف الضان مكسوعه=واختار لقمة عشاه بغفلة الراعي
ذبلان حيله يجر الكبش بسبوعه=وبسرعة البرق هدن فوقه سباعي
تقاطعن عيشته بالغصب مجموعه=مجموعة ذياب ولا تخلا من ضباعي
ولا بقاله ياكود عظام مسلوعه=مسلوب منها اللحم حصيلة ارعاعي
وأنكف لجحره يجر الصوت ويزوعه=ويجاوبه بالقنيب صغاراُ اجياعي
............................................=..... ....................................
وانا حداني زمانً شانت طبوعه=مادري طبوع الخلايق صارت انواعي
من جور وقتي عليّه يحشد جموعه=تكانفتني ظروف وتخلف اوضاعي
شربت منه الملاح ومر قرطوعه=حتى اذهلتني ظروفًً مالها داعي
من يوم يومي وانا دنياي مزروعه=احصد ثمرها شقا واهات ووجاعي
تعبت والحظ مال وقلت سنوعه=حاولت اعدل ميال الحظ مطاعي
ليلاً براده يطفي لمعة شموعه=سريت به في سواد الكون ملتاعي
والدرب موحش لبس درعه وقبوعه=هلعتبه لاخر المشوار مرتاعي
لو يكتب الوقت لوعاته بموسوعه=ضيق صدور الورق وغلافهن ماعي
ان ماصفالي زماني واعلن خضوعه=ماني باصابر باعض الكف وصباعي
متعود الصبر على شلفاه وصدوعه=ولاني شفوقً على الايام جزاعي
لا غابت الشمس وامسا الليل وهجوعه=مديت لليل السهر وابحرت باشراعي
[/poem]قيس

قيس الراقي
صح اللسانك لين ترضى

لله درك

تقبل مروري مع التحيه

اقتباس المشاركة الأصلية كتبت بواسطة ولد السبهان قيس الراقي صح اللسانك لين ترضى لله درك تقبل مروري مع التحيه

صح بدنك يالامير

لاخلا ولا عدم ردودك

تقديري لك

نص رااائع ومليء بالجمال والأبداع

صح لسانك مدد

ولا هنت يامبدع

تحياتي وتقديري ..

مملكه من الابداع انت
يا قيس
صح لسانك وعلا شانك
ولاهنت
تقديري واحترامي

اقتباس المشاركة الأصلية كتبت بواسطة عقاب النهار مملكه من الابداع انت يا قيس صح لسانك وعلا شانك ولاهنت تقديري واحترامي

عقاااب القواافي

صح بدنك ملاييين وسنين
لاخلا ولا عدم ردودك يالقرم
كل التقدير والشكر لك

اقتباس المشاركة الأصلية كتبت بواسطة عذب الاحساس نص رااائع ومليء بالجمال والأبداع صح لسانك مدد ولا هنت يامبدع تحياتي وتقديري ..

صح بدنك عذب الاحسااس
ماننحرم ردودك
يالقرم
كل التقدير لك

وووواوووو
قيس ابيات عذبهـ مفردات جميلهـ للغايهـ
صح لسانكـ

اقتباس المشاركة الأصلية كتبت بواسطة حـــــلا وووواوووو قيس ابيات عذبهـ مفردات جميلهـ للغايهـ صح لسانكـ

حلا كلك ذوووق

صح بدنك اختي الغاااليه

ماااننحرم ردودك

خاالص التقدير لكي

صح لسانك مليون ولا يسدون

اقتباس المشاركة الأصلية كتبت بواسطة عطيب الطنايا صح لسانك مليون ولا يسدون

صح بدنك ملالايين وسنين

يالقرم

لاخلا ولا عدم هالردود

ياقيس الشعر
بين سطورك تاهت حروفي من روعة ما قرأت
حروف تسطرت معانيها من ذهب
ونقشت كلماتها على حجر من ياقوت
شاكر لك ابداعك

اقتباس المشاركة الأصلية كتبت بواسطة الخلاوي ياقيس الشعر بين سطورك تاهت حروفي من روعة ما قرأت حروف تسطرت معانيها من ذهب ونقشت كلماتها على حجر من ياقوت شاكر لك ابداعك

الخلاوي ياجعلك سااالم
تشرفت بردك الرااائع

شهاده اعتز بها
لا خلا ولا عدم ردودك
تقديري لك يالقرم

شآعرنآ الرآئع قيس الحسيني
تكتب الحرف فتتشكل لوحه من جمآل
وأن خآلطها الألم
رآآئع في جميع الأحوال
نص جزل وعميق تشدنآ للقرآءه والمتابعه
من بداية النص لنهايته بلغه قريبه من النفس
غيمه تهطل بسخآء
أبعد الله عنك كل ضيقه
وطبت وطآبت أيآمك بالفرح دوماً
دمت ألقاً يا ندي الحرف ,,,,,

ماشاء الله تبارك الرحمن
أبيات جميله ورائعة
قمممه صراحة وفيها مفردات مميزه
صح لسانك وعلا قدرك وشانك اخوي

يعطيك ألف عافية وناطرين جديدك