[poem=font="simplified arabic,6,coral,bold,italic" bkcolor="black" bkimage="" border="none,4,gray" type=0 line=0 align=center use=ex num="0,black""]
يامل قلبٍ ليال الشوق تلعبه=بين الحنايا يجي ويروح لعبوبه
اسهر و اعاني ونار الشوق مشتبه=كن السعاير بوسط الجوف مشبوبه
لا غابت الشمس بين الجنح والغبه=احس نفسي مع ادنيا بغيبوبه
لا قلت هانت تجيه اشواق منكبه=والعين لا حان وقت النوم منكوبه
لا من طرالي بعيد الدار مع قربه=زادت عليّا هموم وكثرت أدروبه
ياهاجسٍٍ كل مامريت افكربه=يضيق صدر القصيد وينفض اجيوبه
ياطفلةٍ ترسم الاحرف على التربه=يانفحة النسمه اللي زادت عذوبه
يالون روضن زهاه العشب وازهربه=روضن كساه الربيع ولبسه ثوبه
من واديٍٍ يوم ذاك السيل دحدربه=اللي سقاه المخيل وفاضت اشعوبه
ياغربة الشاعر اللي زادته غربه= جوه الحناشل وكل المال قفوبه
لو قيس ليلى بغا مجنونه ابحبه=كان السمن مانتثر من يد محبوبه
ياقيس ربك يزيل الهم والكربه=وش لك بخلقٍ علينا اليوم محسوبه
يالله ياللي جميع الخلق يجهربه=ياواحداً فوق عرشه عالم غيوبه
ترفق بحال الذي دنياه مكتربه=تروف به ياألاهي واستر عيوبه
التايب اللي طلب عفوك ويشعربه=وانت الكريم الجواد وقابل التوبه
[/poem]
قيس