على بيتين منوعات

(موعد)واعدتها بشارع الانكاس
وعوًدت للبيت منتكسي
وعجبت من عذرها ياناس
تقول ماحصلت تكسي
(مسلسل)
محمود له موقفً عاشه
وأخذ منه عدة الروسي
يصلح مسلسل على الشاشة
بطوله احمد زكي اوبوسي
(راعي الهوى)
راعي الهوى من الهوى،،دائم وهو بفكره يهيم
حتى يهيم بلافكر،،،راعي الهوى من الهوى
مايوجدلجرحه دواء،،ويعيش في نار وجحيم
من فارق أحباب العمر،،مايوجدلجرحه دواء
(خليلي)
احبك حب مايوصف من الأعماق أنا احبك
وأعزك والمعزة للحبيب اللي احبه حب
خليلي لاتخليني وتخلاالدار من قربك
دخيلك ادخل بقلبي وخلك في صميم القلب
(وش جنا)
من زرع زرع المحبة وش جنا
وش جنا من زرعه اللي يزرعه
ماجنا غير التعاسة والعنا
هي ثمر زرعن سقاه بمدمعه
(اتركوني يالملًقف)
اتركوني مع حبيبي يالملًقف
أنا في حالي ومحبوبي لحاله
قلتو عيبه جاهلن مأهومثقف
قلت أنا راضي بخلي والجهالة
(كذاب وستين كذاب)
من قال له صاحبن وافي
كذاب وستين كذابي
راعي الوفاء صعب ينشافي
في هالزمن بين إلا صحابي
(ظلم القرايب)
يا حسين ظلم القرايب مر
أنشد عْنه واحدن ذاقه
شرً عظيم ولا مثله شر
ويجر قلبك بمعلاقه
(صوره وصوت)
عني روحي غايبن صوره وصوت
وعقب فارق فارقت روحي الجسم
وكل جسم فارقت روحه يموت
وانت يم الموت جريت القدم

طيب كمل ههههههههه

تسلم صافي النوايا

طيب كملت وتسلمين ياعنود
لاتشرهين عندي واحد ازعاج اربكني

روووووعه
تسلم ويسلم قلمك المتميز الممتع
صافي النوايا
اشكرك شكرا لا نهاااية له
مع تقديري الك

صح لسآنك ع المنوعآت الرآئعه
سلمت ولآهنت ,,,

يسلم منطوقك شاعرنا على دي الابيات
العذبه ، ربي يسعدك دوم خيو ،

صحت ابدانكم وشكرا لمروركم