صاحت حقل وجاوبه هداج تيما

[IMG]http://www.sada-tabuk.com/****************************s/newsm/10853.jpg[/IMG]الصورة تعبيرية

02-29-1435 09:54
صدى تبوك / حمد الحمود - عبدالله الخمعلي

تفاعل الشاعر المعروف معجب الصقيري (شاعر تيماء) مع طفلة البير (لمى الروقي) بقصيده تقطر حزناً وبكاءً .. القصيده ابكت الكثير من جمهور الشعر نظراً لما تحتويه من كلمات كأن لمى هي من نطقت بها وابدع الشاعر في ايصالها لمتذوقي الشعر .

صاحت (حقل )جاوبه (هداج ) ياخيّه *** الله يعينك على الدنيا وأحزانه
قالت ( لمى ) في ظلام البير مكفيّه *** متعلقه بالسماء من بين جدرانه
قال اصبري خابر(ن) لي شاعر هنيّه *** يفوح ريح الألم من بين قيفانه
قلت اتركوني مادام العين مبلــيّه *** في قصة الي تشيب العين من شانه
البير صار القبر يــوم الكفــن طيّه *** وبيديها طشّت ترابه فوق جثمانه
تصيـح وينـك ( يبه ) مـامت انا حــيّــه *** ويقول ياعين ابويه وين بيبانه
تقول مدري وكنت العب على الخيّه *** تكفى دخيلك ابي امي وبردانه
طلعني قبل اختنق وامــوت في ميّه *** اشتقت لامي ابي انام باحضانه
اشتقت لالعابي الي شاريه ليّه *** لي كم يومٍ على هالحال سهرانه
كنت احسب العمر توه باقي شويّه *** ماكنت احسب المنايا بين شعبانه
سلم على امي وقله تحسن النيّه *** ماكنت ابي حزنها يزور وجدانه
ولو كنت اعرف الدرب باخره مهفيّه *** كان ارجع لحضنها وخطاي عجلانه
ولا ترمي ( الكيك ) ( والبسكوت ) *** مافيّه نفسن على الزاد والاخلاق خربانه
( يبه ) ظلام الليالي يتبعه ضيّه *** لكن ظلام القبر ماشوف ضيّانه
تدري وش الي ذبح خوفي وطاريّه *** اني اشوفك وانا بالبير مرضانه
لو هي بيديني طلعـت وماني معيّه *** من يكره انه يشوف ابوه واخوانه
( يبه ) احس ببرود(ن) فوق رجليّه *** اظنه الموت تحتي جهز لسانه
روّح تريـح وقل للمـــوت ( يابيّه ) *** عجّل عليها من الي صار تعبانه
ومع السلامه مادام الروح مطويّه *** يوم القيامه تشوف الطير بجنانه

قصيدة جميلة
واختيار في منتهى الروعة
صح لسان قائلها
وسلمت يمينك على النقل المتميز
تقديري

دنيا صغيره


يعطيك ربي العافيه على نقل هالرائعه والمعبره

قصيده جميله حكت حدث مؤلم

لا حرمنا الله حضورك الجميل


تحيتي ...

انتقاااء متميز
وكل ذوووق في حرفك
سلمت ولا هنت

راائع
بنقل هذه القصيده المعبره والمؤثره
سلمت يمناك

نزلت دموعي وخالقي



ابيات مؤثره مبكيه


تقبل الله لمى وجعلها شفيعة لوالديها



شكرا لك


احترآمي

انتقاء مميز
اللهم اجعلها شفيعه لوالديها
صح لسان الشاعر ويسلم ناقلها