ياقربهم لاقلت طلعة على تيس

بـ س ـمے الله الرح ـمن الرح ـيمے

هذي جازت لي قلت يقرونها الربع والربعات

ياقربهم لا قلت طلعه على تيس
ويابعدهم لا قلت محتاج حاجه

اهل اللجاجه والوجيه المفاليــــــس
مامن وراهم غير كثر اللجاجه


ياهاجسي تكفى تعوذ من ابليس
الصقر ماياكل فروخ الدجاجه



يكرم لساني عن علوم الحماليس
اهـــل العقول الفارغه والعواجـــه



عيني تطالع فوق واشوف واقيس
ويشوش راسي للقاء والمواجـــه



عليك بااللي دايمن مرخي الكيس
اللي ليامن جوه يضحك حجاجـــــه



اللي تناسب له جميع التضاريس
يمدح مطرها لو مطرها عجاجه



صدره وسيع ولا تجيه الوساويس
هــــذا دوى قلبي وهذا علاجــــه



زيزوم حلال الامور الواليس
لو ينزعج مااحدن يحس انزعاجه



واما العفون اهل الوجيه المكاويس
بفراقهــــم قلبي يزيد ابتهــــــــاجه



من راح ياجعله مراح النسانيس
وكلن على ماقيل عارف خراجه



ارفع جنابي عن علوم الدنافيس
واللوم في بعض المواقف سماجه



اللي يلوم الهيس في زلته هيــــــــــس
هذا الوكاد وكل شخص ومزاجه

مما راق لي

أبيات جميلة

تصور حال بعض الأصدقاء

ممن ظنناهم أخوة لنا


منذر

ذائقتك جميلة

شكرا لك

وتقبل مروري

يسلمك ربي
انتقاء جميل ورائع يا انيق

قصيدة جميلة
واختيار في منتهى الروعة
صح لسان قائلها
وسلمت يمينك على النقل المتميز
كون بخيرعزيزي

ههههههههههههههههههههههههههههههه

ايه بالله
اللي يلوم الهيس في زلته هيــــــــــس
هذا الوكاد وكل شخص ومزاجه

لاعدمنــاك منذر وسلمت ولاهنت ع هالاختيــار الجميل
اشكرك