إلف تكفى قبل يلفي علينا الصباح
,,قبل يكفخ ظلام الليل منا ويطير
,,خل ننتف على هجعة ظلامه جناح
,,خلنا نخَّرب أُم الليل دامه ضرير
خل نشرب من شفاهك لذيذ القراح
,,وانتساقى مدام الريق عذب وغدير
,,ونعترف في خطانا وكل ما راح راح
,,ما جهلنا بسلمى وقلب سلمى الكبير
وما نقصنا هموم .. ولا نقصنا جراح
,,والفلك من خلقه الله وهو يستدير
,,من تعلى على رجمٍ طويل استراح
,,والليالي ولوطالت مداها قصير
صحت سلمى واحس بكل مافيّ صاح
,,وقامت مهار صدري تصهل .. وتستذير
,,جعـل ليلٍ بلا سلمى بليا صباح
,,وجعل صبحٍ بلا سلمى طويل المسير
كل ماتبتسم لي بارق الثغر لآح
,,وكل ماقلت "أبيك" تقول"مالك خشير"
,,ريحة انفاسها عطرٍ على الكف ساح
,,وريحة نهودها روضٍ يشعشع عبير
وخصرها لآتثني مثل عود الذراح
,,وكن ردفينها "وزير يتبع أمير"
,,وعجزها لـ انهصر قامت تثنى الرماح
,,وساقها مدمجٍ اسمر وكنه قصير
ليت من ضمها من الليل لين الصباح
,,لين ترقد نجوم الليل غصب وتسـير