سامح الله ذنب كلّ اللي على الضيقـه حدونـي

ما برد عزمي ولا غيّر لهيـب الحـب لونـي
دام لي قلبٍ من عروق الوفـا يسقـي وريـده


والهوى حظ ونصيب ودمعتي عـذرا جفونـي
وللجفون سلوم والدمعـه تخـاف مـن النقيـده


ليه يا من تسرقين الود مـن نظــرة عيونـي
ما حسبتي غيبة اللي لا نوى الغيبـه .؟ فقيـده


وليه لا عزّمت ابنسى من على الدنيـا نسونـي
ما ذكرت الا انتي وجـرحٍ مساحاتـه عديـده


ليت عذرك عن وفاك وغلطتك يلغي شجونـي
وليت لي قلبٍ بدون احساس واحكامـه شديـده


كنت اظنك ما تعيشين العمـر لحظـه بدونـي
واثر ما للظن غيـر اللـوم ولحـون القصيـده


اذكريني .. كل ما فاضت عيونـك وإفقدونـي
وكلّ ما دمعك نشد خدك وقال .. شصار بإيـده


واذكريني .. لا غزا البرد الضلوع وما لقونـي
ولا جبرك الوقت في ممشاه واطباعـك عنيـده


واذكريني .. كل ما جاتك من العالـم لحونـي
عقب ما كنتي مـن لسانـي تعرفيـن الجديـده


واذكريني .. كل ما احتجتي تخونيني .! وخوني
في غيابي .. كل ذكـرى بيننـا كانـت سعيـده


والا انا لا من ذكرتك .. ما ذكرت الا طعونـي
فالزمـان اللـي تجمّعنـا بـه الله لا يعـيـده


ما ربحت الا جفاك وما خسـرت الا جنونـي
ولا بعد هذا سوى النسيـان و الفرقـا الاكيـده


سامح الله غلطة احساسي قبل غلطـة عيونـي
وسامح الله هاجسي في ما هدا لك من رصيـده


لو ظنوني يوم واحـد تشعـر بخيبـة ظنونـي
ما يصير الحزن سيد الصدر وافراحـي عبيـده


سامح الله ذنب كلّ اللي على الضيقـه حدونـي
لين صرت اواجه الايـام فـي بسمـه وحيـده

مما أعجبني

تقاطرت مسامات المكان عذوبة

وفـــاض الأريـــج هــمــسـا رقــيــقــا

كلــمات عانقــت الـــروعة ولا مست الجمـــال

ما أعذب حرفك حينما يغرد بكلمات الصفاء

ابداعك فاق الكلمات والحــروف والهمســات

نبراااس المنتدى

بوركت وبــورك قلمك ولا عدمــنا روائعـك

تقييمي فيما بعد

راااائعه واكثر نبرااااس
لاعدمناك والله يسعدك ويرعاك

كلمات جميله ورااائعه

لاعدمنا إنتقاءك العذب

يعطيك العافيه

أنتقآء يفيض بالجمال وسمو الذآئقه
أنيق بأختيآراتك وأحسآسك يآ رآقي ,,

شكرا لكم جميعا والله يعافيكم

أبيات جميّله
احساس مرهف وانتقاء موفق
يعطيك ألف عاااافيه

الله يعافيكم جميعا وشكرا لمروركم