ياللي شكيت الهم تو الليالي
ماورتك منها بعض مانشوفه
ياليت بليله تجرب بدالي
وتحس وش معنى الصبر والكلوفه
يقولها لك منصح لك وغالي
عنده وليتك تعتبر من حروفه
ياخوي دنيانا مشت ماتبالي
والرجل فيها من خذ النفس خوفه
توي بديت أفرق وأميز وأبالي
وبذلت جهدي يوم زانت ظروفه
خذها نصيحة قلب مالك موالي
إلا انت والقدرات واللي تشوفه
وعليك حمل ثقل وزن الجبالي
الله يعينك عني تشيل زوفه
يارب ياسامع رجاي وسؤالي
وفقني لتحت القدم في وقوفه
واغفر خطايه وانت أعلم بحالي
وقصدي ونياتي ونفس ٍ عيوفه
في ماعملت أول وناويه تالي
خلك معي يارب منك المروفه
ملحوظه / ملطووووش
العرض المتطور
