رحيل الثكالى

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بديت باسمك ياعظيم الشان غفار الذنوب=يالواحد المعبود وهاب الستر والعافيه
انت الوحيد اللي تعلم الغيب في سر القلوب=ياعالم بسري وماتخفى عليك الخافيه
يارب انا طالبك لاسيرت شمسي للغروب=واجتمعت الاصحاب من حولي وعيني طافيه
عبدك وابن عبدك محمل بالمآسي والعيوب=ياعالم بعيبي وملبسني لبوس/ن ضافيه
اغفر لعبدك مايبي يصبر على النار الشبوب=لوكان ميزانه ويده يوم تعرض خاويه
ياربنا فزعتك لاضاقت بنا كل الدروب=وحشرتنا يوم المحاسب كلنا في زاويه
اغفرلنا وانت الغني عن من قضى عمره لعوب=لاهي ورا الدنيا يحسب افعالنا متساويه
اليا خذا الفايز شهاده وابتلينا بالرسوب=ياويل من يمسي بلا خلان وامه هاويه
وصكو عليه الباب وازدادت همومه والكروب=واضلم عليه القبر واعروقه يبوس وضاميه
من بعد ماضلا يدولج من شمال اليا جنوب=اليوم في قبره مسجا والملابس عاريه
يشيل في حمل/ن ثقيل/ن ماتخلصه الجيوب=مبطي وهو يجمع ذنوب الاوله والتاليه
واقفا عن الدنيا ومايحمل طعام ولاحبوب=الاتراب القبر وعظامه صريم وفانيه[/poem]
بقلمي

ابدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي

شكرا لك اخي صرخة الم على المرور والتعليق لاهنت

تسلم الايادي
علي رقي الذوق
وصح لسانك شاعرنا

ويعطيك الف الف عافيه

..

صح بوحك وكلك ياانيق
حروف وكلمات تلامس الاحساس
دمت بهذةالاناقة في الهمس
مودتي

صح بدنتس هدوءء لاهنتي

اللهم استجب ياأكرم الأكرمين
أستاذي ملك القوافي صــــــح لسآنك وكلك ولاعــــــــدمنا وجووودك.