بــــنـــــيــــــه الــجـــــربــــا وابــــــن مــــهـــــــيــــد .. ..

11-01-2006, 10:22 AM

هذا بنيه الجربا ابو عبطا يقولون سنة من السنيين صار بينه وبين ربعه من شمر خلاف صغير وهو

ينتزح عنهم هو وكم بيت معه يامار بنيه اكثر مغازيه على الروله وعنزه وخاصة الفدعان من عنزه

الوكاد هو ياصل العلم لتركي بن مهيد "مصوت بالعشا" امير الفدعان جاء يمه واحد قال ياتركي كانك

تبي بنيه شفه نازلن بهكا المكان قال ابن مهيد ترونا غزو وهو يغزي هو وحوالي خمس طعش فارس

معه ماهم واجد . .

أتى ابن مهيد عند حلال بنيه الجربا وكان عند الحلال امرأة بنيه الجربا قال لها :

كانك من عرب بنيه علميه ان حنا غزو ماحنا ضيوف قالت له :

خلوا الغزو عنكم وروحوا تقهووا عند بنيه فغضب من كلامها وقال هذه الأبيات :

يابنت من علمك سرح الغنـم
والضان عرجا والمعز كشاّف
يابنت من لبسك جرد العبايب
لى بشلفى من يميني شـاف
يابنت عزباء ومالـك حليـل
ورمان صدرك للعقل خطـاف
يابنت وان كنتي قصيره عندنا
لاالبسك ثوب الحرير الضاف

وهو لايعلم أنها امرأة بنيه فقالت له هذه الأبيات تخبره منهو زوجها :

انا حليلة مـن يجـر ردونـه
واليا هرج هرجه ماهو زياف
انا حليلة من يقصر بعيطهـي
غض النضر عن جارته عفاف
نا حليلة من يحـط المنسـف
كفه صخيـه وخنصـره دلاف
انا حليلة من يعـز ربوعـه
ياصار بالجمعين كز شـلاف
هالساعه تشوفه وعينكم لداده
من فوق حمراء شلفته تنشاف
يخوي عليكم كالعقاب الكاسر
انتم حباري وهو لكم خطـاف
وان ماجابـك اسيـر مكتـف
حارم عليه يقبل علي شفـاف

قال ابن مهيد علمي رجلك انا خذينا حلاله وهو ياخذ الحلال ويقفي به . .

وهي تركض يم بنيه يامار جالس يتقهوى ،وهي بوجهه تسرج الفرس قال بنيه : عسى ماشر

قالت :غزو قال : كم هم ؟

قالت : حول هالعشر ، قال بنيه : بسيطه

وهو يركب فرسه وهو يلحقهم يوم اقبل عليهم وهو يطلع له ابن مهيد وهو يصير بينهم طراد عندك

وعندك وهم يتجادعون وهو يجدعه بنيه ويكز الرمح ياذابحن الفرس وهو يلتفت بنيه للفريس الباقين

قال ردو الحلال ولا ان الله اشى الا تشيلون بعضكم . .

الوكاد يوم ردو الحلال وهو يجيبهم بنيه لبيته ويذبح لهم

يوم تغدوا وخلصوا قال ابن مهيد نبي نمشي مار عطن فرسك يابنيه

قال بنيه اردف لحدى خوياك وياجيت ربعك علمهم بالعلم الوكاد . .

رحم الله بنيه الجربا وتركي بن مهيـــد ’ ’

ملاحظـــه :

بعض الابياات يمكن يجد القارئ صعوبــه في فهم معانيهاا

واللي يحب اشــرح لـــه معاني الابياات ماعندي مانع

اخوكم / عاشق ..

الموضوع الأصلي: بــــنـــــيــــــه الــجـــــربــــا وابــــــن مــــهـــــــيــــد .. .. || الكاتب: عشوق || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

11-01-2006, 11:58 AM

شكرا لك على المشاركه
:::::::::::::::::::::::::::::::::

11-01-2006, 12:19 PM

رعاك الله اخي عاشق
على التوضيح للقصه
ماحسن قصص زمان وقلوب زمان

11-01-2006, 02:26 PM

فدااك

كبرياااااء

لاهنتوا جميعاا مرور زي العسل

11-01-2006, 05:37 PM

عـــــmــــــــاشق

ربي يعطيك العافيه على
هالقصه و الابيات الرائعه

ياصار بالجمعين كز شـلاف

ممكن تقولي شو معنى كز شلاف ما عليك امر

ومشكووور

وردة العين