اقرب من شعوري وابعده احيان
واراقبه في كل شهقة وزفيره
يكتب تفاصيله النبض بين الاشجان
او للورق احيان اسرق كيثره
آنا اكتبه لاجل انتلاقى بالالحان
أتصوره وانحته بالشعر سيرة
رمشت عيونه نظرته كان ما كان
كان الخمر يسكر عيونٍ ضريره
ياللي تقول الحب اعمى بلا اجنان
اعمى تبع عينه يظنها بصيره
العين خانت باللي اجمل من فلان
واما القلب ماخان لو خان غيره
اقنعني عقلي ان الهوى كله اجنان
واقنعت عقلي في مسائل كثيره
اقنعني انه بالحياة ماله اقران
واقنعت قلبي ان الهوى مو مصيره
وانا تركته عشق والترك برهان
ان الـ يحب مو شرط يملك عشيرة
وجهة نظر اكتبها بيدين ولهان
ياليت بعده اقدر آحب غيره
أحْبيّبي ان متت إياك وإيان
لا ترتحم هذي وصية أخيره
في دنيتي ان ما رحمني بهتان
في موتتي م ابغاه يحكم ضميره
عشت بجهنمه الحياة دون غفران
آموت شوق وحسرة واحيان غيرة
الله ياكم كان لي واما هالآن
أشوفه نجمة في سما الغير نيّره
واحتاج لك حاجت شعوري للالحان
إحساسي لك وابغى اسمعه بكل ديره
تشهد سموع الناس صايبني جنان
وتشهد على قلبي بانك أميره
ياسيدهم ياعشقي يا اعظم أنسان
يا اول دروب الحب وآخر مسيره
عشقي ديارك واهل دارك ومن كان
ساكن ديارك او تركها هجيره
عشقي ديارك ماها وسماها وامتان
ترابها وسكانه بدو وحضيره
هذي ديارك عشقها غطّى الاوطان
واما هواكَ من غلاكَ استجيره
أنتَ غلاكَ ما تمتع به إنسان
أنت النفس في كل شهقة وزفيرة
إنت الثواني قربك تعال ازمان
عمري وبعمري ما تمنيت غيره
الله لامن اذكرك وسط والاحزان
اضحك فرح واكمل دموعٍ غزيره
ريـ م الشمري
أحتاجلك
العرض المتطور
