اموت من فرقاك واموت بلقياك

أموت من فرقاك وأمـوت بلقـاك
وأموت من جورك وأموت بحنانك

كل قضاه يمـوت مـره ويفـداك
وأنا أموت ألفيـن مـره عشانـك

أذكرك لا من نسيت إنـي أنسـاك
وأنساك لامنـي ذكـرت نسيانـك

رضيت أنا بالهم لرضاك مرضاك
وأرخصت لك قلب جرحته وصانك

أجيك في صدري عتاب و أبجفاك
وأرجع ألوم الوقت وأقـول خانـك

أحب فيك إحساسي إني بل بلا ماك
في عز خوفي منك أحس بأمانـك

عجزت أفرق بين وصلك وفرقاك
ياللي عطيت الناس بإيدك عنانـك

مرة تجيني لين أقول إنـي إيـاك
ومرة تروح بعيد وأنسـى أوانـك

أقبل وتقفي وأعتذر عـن خطـايآك
وأقول مـا عيـت عيـى زمانـك

وإن خانتك دنياك أو خنت دنيـاك
إرجع وتلقا بـي مكانـك مكانـك

الأمير طلال الرشيد

وإن خانتك دنياك أو خنت دنيـاك
إرجع وتلقا بـي مكانـك مكانـك

رحم الله الشاعر الأمير طلال الرشيد
ابدعتي في إنتقاء أعذب قصائد الرشيد جميله بكل حروفها
والأروع اختيارك الذي اعدتنا منك الجمال في كل حروفك
دمتي بهذا التألق والحضور

نايف سلمى
إخترت البيت الذي يختصر آمان الكون
عن الخذلان بانواعه
أميرنا كريم وصبور وحليم ما اجمله وأجمل قصائده
رحمه الله

شكرا لمرورك نايفنا دائماً تسعدني بتواجدك المتفرّد

رحمة الله عليه
يسلمك ربي الريم

انتقاء رائع
شكراً ريم

رحمة الله عليه ياكريم

مـرحوم ياللي بالوفاء دوم مبداك
الــطـيـب فـعـلك والكرم من صفاتك
انـا اشــهــد ان الكون اظلم بلياك
والحزن خـيـّم بـالـحـشا من وفاتك

يسعدك ربي ريم بعد حيي
ويطولي بعمرك يارب

رحمه الله رحمةً واسعه
انتقاء راقي ريومه
شُكراً لجنابك

عساه للجنة البارده يارب
تسلمي ريومه مايحرمنا منك