قصيده لاخوي

يسعد لي مساءكم يارب

هالقصيده لااخوي
واستاذنته انزلها ووافق
بس اشترط انها بدون اسم
ليش ماادري
وانشاء الله انها تعجبكم


[poem=font="Tahoma,4,white,normal,normal" bkcolor="transparent" bkimage="backgrounds/32.gif" border="double,8,red" type=1 line=0 align=center use=ex num="0,black"]
من عادتي لا عكّر الوقـت جـوّي=أخفي دموعي عن نظر كل غالـي
ما ابدي تناهيدي ولو شبّ ضـوّي=وأدفن همومي بين فكـري وبالـي
وش عاد لو بركان حزنـي يـدوّي=وإلاّ يهـد بداخلـي كـل عـالـي
الله بلاني ب(العقـل)و ش أسـوّي؟=دربي يميـل ولا يميـل اعتدالـي
حيّرت في ممشاي حيلـة عـدوّي=لين اقتنع في طيبتـي وانثنـا لـي
هذا وانا فـي سكّـة الحـب تـوّي=بأوّل خطاوى رحلتـي وارتحالـي
من عافته عيني ..هفا من علـوّي=ومن حبّته نفسي ..سكن بالعلالـي
قناعتي في ضعـف (حوّاء)تقـوّي=وعزيمتي من دونهـا راس مالـي
ولا أذكر اني قلـت ليتـي ولـوّي=وأرضى باللي كتب عزيز الجلالي
وصبّرت قلـبٍ بالغـرام متكـوّي=وصبّرت صبري لين صبري شكالي
إيه أحترق شمعه لغيري وأضـوّي=لين البياض أخجل سـواد الليالـي
تحدّني دنيـا المتاعـب و أطـوّي=صفحاتها وانسى السنيـن الخوالـي
بالي على ميـل الزمـان متـروّي=يا كثر ميلاته..ويا طـووول بالـي [/poem]

وانشاء الله انها تعجبكم
غلا

وصـبّــرت قـلــبٍ بـالـغـرام مـتـكـوّي
وصبّرت صبري لين صبـري شكالـي
إيه أحتـرق شمعـه لغيـري وأضـوّي
لين البيـاض أخجـل سـواد الليالـي
تحـدّنـي دنـيـا المـتـاعـب و أطـــوّي
صفحاتها وانسى السنين الخوالـي
بالـي عـلـى مـيـل الـزمـان مـتـروّي
يـا كـثـر ميلاتـه..ويـا طــووول بـالـي

صح لسان شاعرها ولاهنتي وسلمت يمينك يالغلا
تسلمين على القصيده الجزله واشكرك على نقلها
تقبلي فائق الاحترام والتقدير
اخوك
لافـي

قناعتـي فــي ضـعـف (حوّاء)تـقـوّي
وعزيمتـي مــن دونـهـا راس مـالـي
ولا أذكـر انــي قـلـت ليـتـي ولــوّي
وأرضى باللـي كتـب عزيـز الجلالـي
وصـبّــرت قـلــبٍ بـالـغـرام مـتـكـوّي
وصبّرت صبري لين صبـري شكالـي

صح لسان شاعرها ولاهنتي واشكرك على النقل


هلا وغلا اختي الغاليه غـــــــلا منوره المنتدى
ومشكوره على المشاركه الرائعه عساك على القوه
والله لايحرمنا منك ولا من مشاركاتك الغاليه على قلوبنا
تسلم يمينك ولا قصرتي لا تحرمينا من روائعك
تقبلي فائق الاحترام والتقدير
اخوك
نزف المشاعر

اخوي لافى
الف شكر لك على هالتشريف الرائع


والله لايحرمني من متابعتك


تقبل تحيااااتي

اخوي نزف

الف شكر لك على ردك
الرائع
والله لايحرمني من متابعتك الرائعه