ابكتبلك كلام . . .
معانيه بحر .. حروفه سهر
والمسافة مابين كلمة و كلمة
مثل مابين قلبي وقلبك
مهما ابتعدنا .. مهما طال السفر
ابكتبلك كلام . . .
تأليفه صعب .. نسيانه تعب
كل حرف فيه يئن .. يحن
يشتاق .. يحتاج .. يتأمل
كتبته لعيونك بماي الذهب
ابكتبلك كلام . . .
احترت في وصفه ..
للحب وصفة ..
كل كلمة فيه تحكي قصة
انت بطلها وانت الفكرة
ياللي من شموخك
توقف لك اشعاري بكل خضوع
وقفة
لأنك مثل السما بعز الصيف
صافية
وما أبالغ لو قلت
( اصفى )
انت كل الكلام ما يوفيك
انت كل الحب ما يكفيك
انت لو ألف الدنيا كلها
ما ألاقي من يشبهك
ولا عمري بلقى من
( يجاريك )
انت حب نادر .. انت قلب عامر .. انت عمر زاهر
انت هدية ساقها الرحمن .. بقربك اتهنّى و أحس بأمان