بسم الله الرحمن الرحيم
((( قصيده / للشاعر / مبارك التبيناوي بعنوان ((( الصيحة التاليه )))
لظروف عمليه كنت في سكاكا وتعرفت بداية معرفه على الشاعر / رجاء عوض السنجاري الشمري ومريت عليه وكان وقتها أيام ربيع شاهدت عنده فقع وسألته
من أين وصف لي المكان وبعد مارحت لمكان الوصف كان بالارض ناس واجد يبحثون عن الفقع وكنت مع لي روض وعيوني بالأرض ولكن القلب يأخذ مع
الهراجيس روحه وجيه ورفعت راسي وإذا بفتاة قريبه مني تضحك لم أفهم من كلامها إلا أنها تقول كيف الحال كانت الحال وقتها ماهي على مايرام قلت لها ان الحال بإختصار مايلي ـ
[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
حالتي باإختصار الجملة التاليه = حللي كل حرف بدون خوف وقلق
مثل عيني غلاك وكلمتي غاليه = مثل روحي قضت روحي ورب الفلق
كان للقلب وآلي فا أنتي الواليه = إحفظيه إربطيه بسلك وإلا حلق
أو يعله يضيع ولحظتك ساليه = ماهو ذنبي لعله باالجحيم إيعلق
لوعت المبتلاء ذنب اللذي باليه = مالي شف(ن) بغيرك لو عرضلي دلق
لأجل عينك ولأجل الصيحة التاليه = الوفاء عادتي والصدق لي منطلق
اللي تبينه يصير وقيمتك عاليه = جل من هو خلق هذا الجمال وخلق
الليالي بدونك من الفرح خاليه = ليه صوبتي القلب الجريح بطلق
حالتي شوف عينك ممحله باليه = وإنتهى الصبر عندي والطريق إنغلق
وإنجلت فرحت الدنياء مع الجاليه = موعدك ياحياتي وش بلاه إنزلق
ذقت مر الليالي مابه الحاليه = مثل شمس الضحى بانت ورب الفلق
يابو مسند هموم القلب متواليه = والعلاقة بناسه مالقيت إمعلق
يوم كانت بريضان النفل فاليه = فرصت العمر جت لي والحجاج إنطلق
بعد ما كان كفي بالوفاء ماليه = صاده الحر وأبعدها نبيح السلق
ذيروها وراحت قبل لإستاليه = خوفوها وصدت والجديل إندلق
عنق ريم ٍ تقود الصيد متعاليه = ضنتي من يزاعمها بعد ماإنخلق
يابو مسند هموم الحزن متتاليه = قدرة اللي خلق كل البشر من علق
واحدٍ يعلم اللي صار والتاليه = اللي ناداه موسى باالبحر وإنفلق[/poem] ((( الشاعر/ مبارك طناء التبيناوي)))
((( رد الشاعر / رجاء عوض السنجاري أبو مسند ـ وكان حينها لايعرفني معرفه تامه)))
[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
من قريحن تهيض هاض باأمثاليه = دارت أفكار فكري والطريق إنبلق
حافظن بالهدف رصاص شعاليه = مخلب الحر دامي ماضربه إنشلق
كن بحر العرب يزوم من عاليه = بين جزره ومده من حشاي إنطلق
دشيت جم إجمام وصفوة إزلاليه = نرغم القاف الألوى من عدم وإنخلق
نبع هداج تيماء مانقص داليه = ماهو رسن تلاشاء لو غرفته يلق
لو تشيب القوافي بس من جاليه = هيهات أنا ماتوقف والخفوق إصطلق
مرحبا يارفيق ٍ رفقته غاليه = والله إني فرحت ويشهد اللي خلق
سرني ماقريته وإنشرح باليه = فرحتي فرحت المسجون يوم إنطلق
لك معزه وحشمه فوق متعاليه = ماهي زيف وسوالف مهلق ٍ به هلق
يابو عبدالله إسمع نبذة أقواليه = باالمعاني نبات ٍ في زيازي ملق
لو تبرج طريق إقفاي وإقباليه = كان أسوق المطاياء والرجاء منطلق
ليه خفيت مابينت مدخاليه = وأنت تدري فلاني ضمن حشو الزلق
لأجل عينك وصوت ٍ بأول التاليه = يوم جينا جميع ٍ باالحدب والطلق
والهوى وإن رجعنا للهوى صاليه = إبن عمار يلبس له خياش وخلق
حب نجل العيون السود غرباليه = عكش رمش ٍ حدود السيف يوم إنذلق
ماجحدنا الغرام المر مع حاليه = والسعد والسعاده والسهر والقلق
وضح القصد لي باالجمله التاليه = دلني في طريقك وإتركه لو غلق
والختام التحيه والوفاء ماليه = كاالذهب من معادن مصدره ياإنسلق [/poem](((الشاعر/ رجاء عوض الشمري)))
أخذ عدة شهور وبعدما عرفني تمام المعرفه بعث لي بهذه القصيده يعتذر ويقول
أنه ليس هو هداج تيماء على حد قوله0
[poem=font="Simplified Arabic,4,white,normal,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black"]
ياالله ياللي يسألك كل محتاج = ياواصل المقطوع والوصل مقطوع
عفوّك ولطفك بالقضاء وقت الإحراج = إجعل لنا حظ ٍ عظيمٍ ومرفوع
وخلافها خطيت مزج ٍ من الزاج = الصح أقوله والخطاء ذاك مرجوع
هاض القريح وهاج مثل البحر هاج = عوم ٍ يعوم بعاتي الريح مدفوع
هاض الغرام وصار للرجل منهاج = وأول بداياته بعبرات وإدموع
ودخلت مع لي باب مامنه مخراج = غديت مثل اللي القلم عنه مرفوع
البارحه ياليل مسراء ومعراج = ماغمضت عيني ونومي على الكوع
ولالاج بعيوني حلاء النوم مالاج=ليت السهر لوطال مكسب ومنفوع
ياويل من مثلي شكاء حب وخلاج =والوقت طال ولاجناء منه مزروع
ياراكب اللي مع الصنف له تاج = تاج ٍ يتوّج باالولايات مصنوع
صنف ٍ تميز حي منشاء ومدراج = راعيه مايهديه والبيع ممنوع
يسبق هبوب الريح وإعجال الأمواج = ويدوّي مثل سيل ٍ تحدر على فروع
وإن إعترض ويلات خط ٍ وبطناج = ماهزن الجبرين ومثومن الكوع
عاج الطيور الطايره عاج مايعاج = إسهام ذيب ٍ والغنم غر وإرتوع
عجل الندب وقت السفر عجل الإدلاج= يجري مع البيداء على صوب وقطوع
راعيه يسري ليل والصبح ماأنباج = يلمع قزازه باالقمر برق لاموع
منا مشاء عجل ٍ على عجل الإسراج= ماينهزع ممشاه لأزوال ونجوع
يلفي على بيت ٍ ماهو بيت مسهاج = ساس ٍ على ساسٍ محصن وموضوع
بيت الزكاء وأوفاء الوفاء عز وأبهاج= من شجرة ٍ خضراء لها في وفروع
ماحط باالبيبان قفل ٍ ومزلاج= مدهل جحافل من هل الكار وجموع
يدعيك بيته عاصف العود فوّاج = ونجر ٍ صداء صوته على البعد مسموع
وإقلط على عذاب ٍ زهاء وسوطهن تاج = ومزعفر ٍ توّه على الجمر مصنوع
عقب المهيل والقراء عند هداج = عطه جواب داخل الضرف مشموع
منا سلام ٍ عد ماطاف حجاج = يابو طناء حبل الرجاء اليوم مقطوع
إلا إن عاد معيد لأرضه بدعاج = محيي رميم ٍ هامد الراس وجذوع
يابو طناء حبل الهوى حبك وإدماج = قفل ٍ على الأعناق مثني ومربوع
غرون ملك ماكنها نطفة أزواج = أنشهد إنه لاعني باالهوى لوع
خده كما الأنيون من فوق الأبراج = وشقر الذوايب فوق ردفه يجن بوع
وخدوده الموت الحمر عنده أفواج = وشفاه ورد الشام مامثلها نوع
صف ٍ ثمانه حب رمان وثلاج = والكف ديباج ٍ وماهود مجموع
ونهودها بيضات وز ٍ بملواج = هافي حشاء ضامر تقل طاويه جوع
والصدر غض ولونه أبيض من العاج = هذي وصايف كامل الزين وطبوع
وجدي عليها وجد غرقان الأمواج = يبي الحيات ولاتهياء له إطلوع
أو وجد عطشان الفيافي والأزراج = وجدي كما وجده على برد قرطوع
وأربع سنوات ٍ وأنا بهم وإزعاج = لاوآصل ٍ واصل ولاني بمقطوع
يابو طناء راع الهوى ماله علاج = تر ساعتي يوم ٍ ويومي غداء إسبوع
تمت وصلى الله عدد نشر وإخراج = على رسول ٍ ساد الإسلام متبوع[/poem] (((الشاعر / رجاء عوض الشمري ـ أبو مسند )))
قال الشاعر/ مبارك طناء التبيناوي ردا على قصيدة الشاعر رجاء عوض أبو مسند
[poem=font="Simplified Arabic,4,white,normal,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black"]
يا الله يامدير الكواكب والأبراج = تعطي ولا جزل العطاء منك ممنوع
عالم خفيات الحناياء والأدراج = لولا وصالك ماوصل خير وإفزوع
رجواك يارب الفرج منك الإفراج = ياالمعتلي لاتجعل الخير منزوع
عليك ستر اللي بداء فيه لجلاج = ياملتجاء صوت ٍ يناديك بخشوع
ومن بعد ذكر الله كما البدر وهاج = قلب ٍ يحده للتماثيل موضوع
قال التبيناوي بداء بدع وإنتاج = في قدرة الله يارسنها معي طوع
يأخذني الهوجاس لإعداد وإخراج = إهتضت واللي هيضن صافي النوع
ياراكب اللي ياشلع تقل ميراج = جديد عام ألفين وإثنين مصنوع
عليه من حدّه على طلعت الفاج = من قبلي الخطه مشاء جدي وقطوع
لو إن في دربه براخيص وهباج = ينحاه ناحي صاحي الفكر قاطوع
ذيب الغداري للبعيدات بوّاج = الفاكس آر وسايقه قبل مليوع
يضحك حجاجه ياأنعمس كل هلباج = عليه من غشام توصيف وطبوع
فرخ النداوي لأبرق الريش رعاج = طلعه بعيد ولأبرق الريش نازوع
مع كل فج وحقنتن شاف منفاج = وحيفته من سمعها صد مفجوع
خطط براسه نبك أبو قصر وأنباج = جنب طريق الربع رفحاء وميقوع
يشداء لذيب ٍ صادفه راعي إنعاج = ليل الشتاء قبل العشاء فز برجوع
مثل السهم يلعج سناء نوره إلعاج = وقت الغضب باأربع قوايمه مدفوع
ماطبه الخامس وإذا الخط منعاج = عطاه ثالث خوف بطناج وهزوع
جنب طريق أهل الدداسن والأدواج = حدد بماجلان نزلات وطلوع
ولا حافه الهندي ولا بات بكراج = ولاشيف كبوته بمسراه مرفوع
ولا هزّه الرايح ولا إهتز بسياج = يدلي كما النادر بتوع ٍ وطالوع
شاف الحباري شوحت ٍ تدرج إدراج = وأدلاء بها مثل السهم لاحقه جوع
ونوب ٍ تهنفل طامح ٍ شافت إفراج = عنده خبر متحريه شيخ وفزوع
يلفي على بيت ٍ ماهو بيت مدهاج = بيت الشرف مدهل مشاكيل وإربوع
أخوان ميثاء يالفاء النزل الإرهاج = وتناخوا الفريس والجمع متبوع
كم غارت ٍ يشبع به الطير ياراج = واللي عتق كنّه على الوجه ملفوع
بمصقلات الهند تلعج له إلعاج = كم فارس ٍ باإيمانهم طاح مصروع
يلفي لبو مسند عوض كل محتاج = بيته لياجيته لك القدر مرفوع
المجلس اللبي يرفع الراس وحجاج = باأطراف بيته تالي الهيل مجدوع
قول ٍ على فعل ٍ ماهو حكي هراج = ماقل دل وصادق الهرج مسموع
لابأس ياقرم ٍ شكاء بعض الإزعاج = يشكي غرام معزل الوسط مربوع
غرون حسب وصفه مع الخلق ماداج = غرون سحر هاروت بشفاه مجموع
ماعرضت زوله على كل حوّاج = خمر كلامه يشلع القلب شالوع
والعود غصن الموز يامال وإنعاج = حلون نماه بشٍاطئ النيل مزروع
زينه طبيعي ماتزين بمكياج = يبقي غرامه داخل القلب مطبوع
قلي مكانه لو مكانه باالأفلاج = ماإرتاح دامك تشرب المر منقوع
حقك علي إلا منه تأخذ الباج = وأبشر بعز وراعي الحسد ملقوع
لولا رجاء الغفران وش مطلب الحاج= والناس له قانون والسلم مشروع
هذا وعد ومعيد لأرضه بدعاج = رب العباد إمعيد للقاع برجوع
وبحق عم ّ والتكاثر والأبراج = وحق الرسول المصطفى خير متبوع[/poem](((وتقبلوا تحيات الشاعر/ مبارك طناء مبيريك التبيناوي )))
العرض المتطور
