ياحمود راع الغلا واقف على بابه

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

ياحمود راع الغلا واقف على بابه=افزع ترى النار بالخفاق مشبوبه
ياحمود ياما سهرت الليل باسبابه=وشلون يرقد خفوقن غاب محبوبه
ياحمود دربي طويل وشمسنا غابه=وقدامنا الجال قبل الريف وخبوبه
فرقى عشيري يلوح الموت بانيابه=وان قلت ننسى يطيح القلب بدروبه
ياحمود موتي سواد الكحل باهدابه=اسمه وحرفه بدم القلب مكتوبه
عين اشقرن بالهدد يدلي بمخلابه=برياض خيرن بوبل الوسم معشوبه
لاشاف صيده كفخ من كف قضابه=وادلى على صيدته ماهو على دوبه
يمناه رمحن لوسط الروح سلابه=منه الحباري تشوف الموت مرعوبه
كن اخو رثعه سحب صرخه من اجرابه=والا القذايف على العدوان مصبوبه
ريش الحباري تطاير عقب مضرابه=تلقى الثنادي بوسط الريش مذبوبه
طيرن عليه الله اكبر عاش من جابه=تلطيخ كفه بدم الصيد عذروبه
ماداج بالسوق فوق كفوف جلابه=بكفوف شيخن عرف قدره وماجوبه
يشبه لشيـخـن عزيـزن جاك بكتـابه=والا زعيمن دخل والربع حيوا به
كفه تشادي كفوف الزين بخضابه=من شفت عينه رماني يالله التوبه
ياما حلا النقش والوردات بثيابه=لاصار يمشي ونور الشمس بغروبه
لو شافها العابد اللي وسط محرابه=ينسى اليا شافها الزلات وذنوبه
ماحافها راعي الديره وحطابه=ولابان هرج الجفى منها ولا نوبه
واليوم روح الشقاوي بالهوى ذابه=ودنياي تمشي بها الساعات مقلوبه
ودي بشوفه وربعه تفتل اشنابه=وهذي مواري جحيم القوم وحروبه
من شاف زولي مدح نفسي وهلا به=وان غاب زولي جزاه بمسك عرقوبه
والله يلو يجمعون الروم واحزابه=وساقوا جنودن تحتهم كل منجوبه
ماخفت رجلن بوجهي شال مصلابه=ياحمود وارواحنا له يوم مسلوبه
الخوف ما فاد ناسن راحت ارقابه=ايضا ولا طال عمر الناس بهروبه
وان طحت دونه وشال الروح قصابه=موتي عزيزن مقامه راس مشــذوبه
فرقى الحواسد ونوم القبر وترابه=ولا عيشة الروح وسط الناس مغلوبه
احفر لقبري بحايل حول صبابه=بجبال حايل او السراح بالجوبه
واعلن على الناس هرجن فاحت اطيابه=من راس رجلن ترك زاده ومشروبه
من نقرة الشام مع برزان مع طابه=زين الوصايا عن الغسلان منسوبه
اللي يبي عاشقن في حق وطلابه=كل المطالب عن العشاق مشطوبه[/poem]

من شعر راوي الجبل (ابن غسلان )

احفر لقبري بحايل حول صبابه
بجبال حايل او السراح بالجوبه
واعلن على الناس هرجن فاحت اطيابه
من راس رجلن ترك زاده ومشروبه
من نقرة الشام مع برزان مع طابه
زين الوصايا عن الغسلان منسوبه
اللي يبي عاشقن في حق وطلابه
كل المطالب عن العشاق مشطوبه

ونعمين راوي الجبل
صح لسانك وبنانك
لانخلا ولا نعدم

اقتباس: المشاركة الأصلية كتبت بواسطة الخيالي    احفر لقبري بحايل حول صبابه بجبال حايل او السراح بالجوبه واعلن على الناس هرجن فاحت اطيابه من راس رجلن ترك زاده ومشروبه من نقرة الشام مع برزان مع طابه زين الوصايا عن الغسلان منسوبه اللي يبي عاشقن في حق وطلابه كل المطالب عن العشاق مشطوبه ونعمين راوي الجبل صح لسانك وبنانك لانخلا ولا نعدم

هلا وغلا بالخيالي الله لايهينك ومشكور لتعليقك الغالي


الراوي00

صح لسااانك شاعرنا و راااوينا فواز الغسلان
على القصيده و الابياات المبدعه

اقتباس: المشاركة الأصلية كتبت بواسطة قمر بعد حيي    صح لسااانك شاعرنا و راااوينا فواز الغسلان على القصيده و الابياات المبدعه

اشكر تشريفي بمرورك وتعليقك الجميل والرائع00


الراوي00

[align=center]

اقتباس: ماداج بالسوق فوق كفوف جلابه بكفوف شيخن عرف قدره وماجوبه

عزالله صدقت يابو فهد .. ماقول الا صح لساانك وعلا من شانك ياراوينا ..

دووووووم هالإبداع يافواز .. ومامريت من هنا الا إلقاء التحيه فقط ..

ولست انا من ينقد شوامخ الشعر امثالك

تقديري واحترامي .. عاشق[/align]

اقتباس: المشاركة الأصلية كتبت بواسطة عشوق    [align=center] عزالله صدقت يابو فهد .. ماقول الا صح لساانك وعلا من شانك ياراوينا .. دووووووم هالإبداع يافواز .. ومامريت من هنا الا إلقاء التحيه فقط .. ولست انا من ينقد شوامخ الشعر امثالك تقديري واحترامي .. عاشق[/align]

مشكور يالطربه الله لايخلينا من عويناتك ياعشوق


تحياتي العطره الراوي00

الشاعر الرائع فواز الغسلان


أبيات شامخـة


وجزله .. من جزل ..



كان لي شرف المرور ..


دمت بخير

بحور الشوق

اقتباس: المشاركة الأصلية كتبت بواسطة بحور الشوق    الشاعر الرائع فواز الغسلان أبيات شامخـة وجزله .. من جزل .. كان لي شرف المرور .. دمت بخير بحور الشوق

هلا وغلا ولاخلا ولاعدم من مرورك ومشاركتك


مشكور يالغالي الراوي00

فواز الغسلان

صح لسانك وقلبك

قصيده رائعه لاهنت

جل تقدري لك

ملاكي الحنون

[align=center]احفر لقبري بحايل حول صبابه
بجبال حايل او السراح بالجوبه
واعلن على الناس هرجن فاحت اطيابه
من راس رجلن ترك زاده ومشروبه
من نقرة الشام مع برزان مع طابه
زين الوصايا عن الغسلان منسوبه
اللي يبي عاشقن في حق وطلابه
كل المطالب عن العشاق مشطوبه [/align]


[align=center]رائعــــــــه بــــــاذخـــــــــه شـــــــامخـــــــــه


صـــــــــــح بــــــــوحـــــــك ومنطـــــــوقــــــــك

ولنـــــــا الشــــــــــرف والله..


لاعـــــــدمنــــــــا بــــــــوحـــــــــــك..[/align]


[align=center]



دمــــــــت لنــــــــــا..[/align]

صح السانك يا شاعرنا قصيده ما تحتاج نقد قصيده فيها من زخم التشبيهات
وتصوير الاحداث الي يخليك تعيش بكل بيت من ابياتها
تكلمت عن لوعة عشق واهات عاشق ما تهنى بوصل معشوقه
وما يحس بالنار الا المنكوي منها


اللي يبي عاشقن في حق وطلابه
كل المطالب عن العشاق مشطوبه


مشطوبه صدقت مشطوبه

تقبل مروري حورية حائل

اقتباس: المشاركة الأصلية كتبت بواسطة حورية حائل    صح السانك يا شاعرنا قصيده ما تحتاج نقد قصيده فيها من زخم التشبيهات وتصوير الاحداث الي يخليك تعيش بكل بيت من ابياتها تكلمت عن لوعة عشق واهات عاشق ما تهنى بوصل معشوقه وما يحس بالنار الا المنكوي منها اللي يبي عاشقن في حق وطلابه كل المطالب عن العشاق مشطوبه مشطوبه صدقت مشطوبه تقبل مروري حورية حائل

تعليق راقي ورائع وعقليه ناضجه وروح شاعريه متذوقه


لك الشكر والتقدير الراوي00

اقتباس: المشاركة الأصلية كتبت بواسطة قايــدة الخيــل    [align=center]احفر لقبري بحايل حول صبابه بجبال حايل او السراح بالجوبه واعلن على الناس هرجن فاحت اطيابه من راس رجلن ترك زاده ومشروبه من نقرة الشام مع برزان مع طابه زين الوصايا عن الغسلان منسوبه اللي يبي عاشقن في حق وطلابه كل المطالب عن العشاق مشطوبه [/align] [align=center]رائعــــــــه بــــــاذخـــــــــه شـــــــامخـــــــــه صـــــــــــح بــــــــوحـــــــك ومنطـــــــوقــــــــك ولنـــــــا الشــــــــــرف والله.. لاعـــــــدمنــــــــا بــــــــوحـــــــــــك..[/align] [align=center] دمــــــــت لنــــــــــا..[/align]

العزيزه قايدة الخيل تعجبني تعليقاتك على الشعر دائما


مشكوره كل الشكر يالعزوه الراوي00

اقتباس: المشاركة الأصلية كتبت بواسطة ملاكي الحنون    فواز الغسلان صح لسانك وقلبك قصيده رائعه لاهنت جل تقدري لك ملاكي الحنون

ملاكي الحنون تشرفت بمرورك وتعليقك الغالي


تحياتي العطره لك الراوي00