الذيبه اللي اخافت اهل حائل فتره من الزمن

بسم الله الرحمن الرحيم


طبعا من غرائب القصص التي حدثت في حائل ( الذيبه ) الجسور اللي كانت بجبال حايل واذا جاعت


حدرت من الجبل واغارت بالليل على الناس حتى تجد طفلا او ضعيفا وتقتله وتاخذه للجبل لجراه حتى


اشاعت الرعب والخوف عندما ذبحت طفل (فهاد ) وكلته فقامت والدة الطفل تبكي وتقسم بالله ماتذوق


الطعام لين تذبح هالذيبه وكان اسمها ( سريعه )0


كان في حائل ثلاث اشخاص اشتهروا بالقنص والرمايه داخل ظلعان حايل فنختهم نخوا بابيات مليئه بالالم


وكان واحد سليطي والثاني دغيري ( تريباني ) والثالث فهد الرشيدي0 فقالت تنخاهم

على ذبح (الشيبه)والشيبه هي اللي ابوها ذيب وامها كلبه يعني ترهيم الله يقطع

جنسه كان مافيه اخبث منها فقال الام المسكينه:


[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
وين السليطي جرح قلبي محيطي=على جنيني شلته شينة الناب
وين الدغيري صار نفعك لغيري=يا حاسبن صيد الغراميل بحساب
وين الرشيدي والبكاء ما يفيدي=يا خو ثريا يا حجا كل من هاب [/poem]


فانتخوا الثلاثه كلهم وجاوبها فهد الرشيدي بالحال يعطيها الوعد والعهد بقوله :


[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
(يا سريّعة) لا تزعجين الونيني=(الشيب) قبلك فاجعن غرة أجواد
لومك عليه كان شفته بعيني=لأخذ قضى يا شمعة البيض فهاد
بخماسين عقبه لكتفي متيني=عوق العنود اليا تنحت بالابعاد [/poem]

طبعا فهد الرشيدي معروف جدا وكان وسيما تتغزل به النساء لجماله وهو الذي قيلت فيه عندما تم جلده


من الامير قالت احدى النساء:
[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]


قلبي اليا قالوا فهد يجلدونه=ياتقل يجلد لاهج الديد فهاد
ماتحتمل عوج الرطايب متونه=ولو هو ضخيم يحمل الجلد وش عاد
اللي كما روب المعيدي سنونه=بالذكر والا ماعرفت ابن الاجواد [/poem]


وهو الذي اراد احد الاشخاص قتله فأعطاه ذلول شرود تترك راكبه بالخلا وعارفينها بالشيئ هذا وفعلا


عندما توسطت من النفود شردت وتركته فقام ليرميها بالبارود يبي القربه اللي عليها لكنه خاف انها تطيح


على القربه وتشلقه ويروح الماء فقام برمي حبل القربه من بعيد وطاحت القربه سليمه والرصاصه جرحت


الذلول وطلع الدم منها فقال:


[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
عزي لمن مثلي ذلوله تخليه=اقفت كما الربداء وانا اركض بأثرها
في سهلتن ماعندنا من نراعيه=ولا مزنتن نرجي الروا من مطرها
قعدت له باللي حديده مصفيه=لما لمحت بطانها مع نظرها
راحت تجر الخرج والدم غاطيه=وعز الله انه من يميني عثرها [/poem]


طبعا انا اليوم تعبان واجد ولا لي مزاج بالتواريخ والاخذ والرد لذلك اخترت هاللي اخبرهن من صغري سمعتهن


من الشيبان علشان نتعلل عليهن ونستانس بهن والسؤال اي الثلاثه الذي ذبح الذيبه؟ والابيات اللي بجلد


فهد الرشيدي منهن له لان كل واحد ينسبهن بجهه وابن ناحل نسبهن لجدته وقال فهد ولدها ماهو


الرشيدي اللي تقصد 0 المهم كل واحد يدلي بدلوه والا ياويلكم مني تروني بقعاوي وطفشان بعد والا اجيكم احوس مريركم كلكم يالعزوه00


تحياتي الراوي00

الموضوع الأصلي: الذيبه اللي اخافت اهل حائل فتره من الزمن || الكاتب: فواز الغسلان || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

ياعلك تسلم على القصه والقصايد
ولو عندي معلمومات مارايحه اخفيها
مشكرو راوينا

اقتباس المشاركة الأصلية كتبت بواسطة الجود ياعلك تسلم على القصه والقصايد ولو عندي معلمومات مارايحه اخفيها مشكرو راوينا

مشكورين على المرور والتعليق يالعزوه


الراوي00

[align=center]


ابو فهد الظاهر نبي نتماسك شوش انا وياك بهذا ..

المهم اللي ذبح سررريعه طال عمرك الرشيدي ..

وهالسالفه مبطي سامع بـه ..

اما اللي قصدت بووه مادري يالعزوه ..

ويقولن انهم كل ذيب يذبحونه ويشقون بطنه ياما لقوا يــد الطفل ببطن الذيبة

عاد هذه يوم حنى صغار يسولفونه تسانهم يخرعوننا مو صحيح مادري


وعساك العافيه .. علومك طيبة يابن الطيبين[/align]

اقتباس المشاركة الأصلية كتبت بواسطة عشوق [align=center] ابو فهد الظاهر نبي نتماسك شوش انا وياك بهذا .. المهم اللي ذبح سررريعه طال عمرك الرشيدي .. وهالسالفه مبطي سامع بـه .. اما اللي قصدت بووه مادري يالعزوه .. ويقولن انهم كل ذيب يذبحونه ويشقون بطنه ياما لقوا يــد الطفل ببطن الذيبة عاد هذه يوم حنى صغار يسولفونه تسانهم يخرعوننا مو صحيح مادري وعساك العافيه .. علومك طيبة يابن الطيبين[/align]

مشكور عشوق الله لايهينك يالعزوه000


وانت مااعتقد ان اهلك يبون يخرعونك بالذيب 0 الذيب يخرعوني انا اهلي به والا


انت ومنذر يخرعونكم بفاره والا جرذي او خنفساء ماتحتاجون ذيابه لانهم لو خرعوك


بذيب كان ميت الان من القعيطل يالغالي 00

الله لايهينك على المشاركه
ابو فهد
دمت بكل خير وسعاده

فواز سلمك الله وحفظك ورعاك
ماقصرت يالسنافي

[align=center]اضحك الله سنك هههههههههههههههههههههه


وينك مختفي ابو فهد ..؟[/align]

ما قصرت يالراوي
ربي يسعدك و يعطيك العافيه

[align=center]ابو فهد

تسلم على السالفه الطيبه يابو فهد

الله يسعدك ويجعل اياااااااامك كلها سعاده

ولاهنت


خيك

سرحان[/align]

بسم الله الرحمن الرحيم




الأخ الـفـآضــــل / فـــوآز



الله يعطيك ألــف عـآفيــه على هـ المـوضـــُـوع
شــآكــر لك روعــة سـطــُـوركـ الـنـيّـرهـ
في أنتظــآر جــديـدكـ
كل الشكر والتقديــر


دمـــــــــت . . . بــــــــــــود


تـTiGeRـــآيــقــر

يسعدك ربي على القصه ..
لاعدمناك الف شكر لك..


تقبل مروري..
بقايا حلم..

فواز الغسلان

راوينا القدير ربي يعافيك و يخليك لنا
على هالسوالف الرائعه بروعة وجودك بيننا

في انتظار جديدك المميز دوما

وردة العين

يعطيك العافية يا ابو فهد

كل ما تجيب يشرح الصدر ويثلجهـ

؛

إحترامي يا الغالي

ايه المهم من اللي فاز


<<<< يووووه قصدي منهو اللي ذبحه

تحمست مع القصة بس وش النهايه


الله يعطيك العافيه


استاذي فواز الغسلان


على هالقصة الرائعه

ماقصرت