التمثال في الحكم والامثال((جوهرة ابن غسلان))

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

خـفــوقــي ضـاق يـاراع الــجــزيــره=وهــاض الـجــاش مـن نـارن تــديـره
وصـغـت الـقـاف مـن زيـن الـمــثــايـل=لـعـل الـقـاف فـيــه الـيــوم خــيــره
بـيــوتـن مـانـظـــمــهــا كـل شــاعــر=تـبـي لـه شـاعـرن روحــه خـبــيــره
يـصوغ الـلـي يـهـيـض بـوسـط جاشـه=ويـنـثـر مالـجـى وســـط الـســريـره
لـو ان الـقـاف تـغــنـيــنــي حــروفــه=تـحــديـــت الـفــرزدق مــع جـريـره
لـقـى بالـقاف وقـت الـضـيـق راحـــه=عـلـى روحـن مـن هـمـومـه حـسـيـره
شــرب مــن سـكـــر الـدنـيـــا ومــره=وصار الـشـعـر لـهـمــومــه ذخــيـره
وانـا قـاسـيــت بـالـدنـيــا عـجـــايــب=ورافـقــت الـمــوظــف مــع مــديــره
وشـفــت طـبــوع تـجــارالـخـــلايــق=وخـالـطــنـا مـن الــعــالـم فــقــيــره
وجـيــت دروب دنـيــاي الــغــريـبــه=وذقـت سـيـوف دنـيـاهـا الـشـطــيـره
ولاجــربــت زيــنــات الـــمــبــانــي=ولانـامــت عــيــونـي فــي حــريــره
حــيــاتــي كـلـهــا كــد ومــتـــاعــب=هـمــومـه بـالـحـشـى مـثـل الـسـعـيـره
اشـوف الـنــاس فـرحـانـه بـجــنــبــي=وريـح ثـيــابـهــا ريـحــن عـطــيـره
اغـسـل الـثـوب بـكـفــوفــي لـروحــي=ولافـكـرت عــمــري وش مـصــيـره
لـك الـلـه كـم رجـف جـسـمـي بـثـلـجــه=نـصوف الـلـيـل والـدنـيـا مـطــيــره
فـطـوري مـن عـشـاء الـبـارح حـفـظـتـه=ولا اعـرف الـفـطــايـر والفـطـيـره
ولا شـفـــت الـدراهــم وســط جـيـبــي=واخــلــط الـكـيـك مـع لـذة عـصـيـره
وراح الـعـمـر فـي ضحـكـه وضـيــقـه=مـع الـعـالــم وانـا عـيــنـي بـصـيــره
وعـقـب اربـع عـقــودن مــن حـيــاتـي=فـهـمــت دروب وقــتـي فـي مــسـيـره
هـبــيــل الـنــاس لاكـثــرت فـلـوســه =غـدى شـيـخ الـمـجــالــس مـع وزيـره
تـقــوم الـنـاس عـن وجـهــه بـسـرعــه=لـو انـه مـاعــطــى مـخـلــوق نـيــره
وتـصـغــي لـه رجـالــن شـاب راســه=ويـقــعـد وسـطـهــم تـسـمــع هــديـره
وهــو هـيـســن ولـد هـيـســن تـسـلـسـل=ولايـفـرق غــنـمــهــا مـن بـعــيــره
مـدامـــك مـاتــراجــي نـفـــع مــالـــه=ولاتـطــمــع شـيــاهــــك ورد بــيــره
عـلامــك هــنـت نـفـسـك وانـت شـايـب=وهــون الـنـفـــس رايـاتــه خـطـيـره
مـــدام ان الـكـــرامــه راس مـــــالـك=سـيــوف الـطـيـب شـلـهـا مــن جـفـيـره
لـحى الـلـه مـن يـهـيـن الـنـفـس راضي=ويرضى الـهـون والـنـفـس الـكـسـيـره
لاجـل قـرشـن مـن كـفـوفــن بـخـيــلــه=يـلــو تـاكــل قـشــاشـن مـن شـعـيــره
وشـفـت اجـنــاس مـاتـفـرق طـبـوعــه=وطـرق الـنـاس بـطـبــوعـه كـثـيــره
وفـيـهـــم مــن يـغــثــك فــي شـعـيــبـك=لـو الـوديــان سـالـــت فـي غــديــره
تـحــســدك لـو كــســبــت ريــال واحــد=لـو ان اربـاحــهــم تــمــشــي دريـره
يـظـــن الــرزق يـنـقــص مــن حــلالـه=تـضـايـق وابـتــدى تـسـمــع زحـيـره
وكـل الــنــاس تـلــقــى فــيــه صـالــح=ولا تـلــقــاه بـالـلــي فــيـــه غــيــره
وغـيــرات الــمـــراجــل شــر غــيــره=خـطــرهـا زاد عــن عــذرى غـريــره
اذا غــارت هـــنــوفــن راح تــبــكــي=وهــو يـنــقــل سـكـاكــيــنــن طـريــره
وفـيــهــم مــن يـبــي تـنــفـــيـــذ رايــه=يـريــد الــنـاس كـلـه تــســتـــشــيـــره
وهــو مـالـــه مــن الــدنــيــا تـجــارب=وعـنــد الـكـود يـظــهــر لـك صـفــيــره
شـبــيــهــن لـلـنــعــام ان شــاف زيـلــه=هــبــوب الـصــيـف فـي لـيـلـه يـذيــره
وفـيــهــم مــن رفــع بـالـكــذب نـفــســه=وحـيــن الـلازمـه تـســمـــع شـخــيــره
اذا شــــافـك ضـحــك لـك فــي مــــوده=ونـيـــران الـعـــداوه فــي ضـــمــــيــره
خـبــيــث الــنـفــس مــنــبـوذ الـسـجــايـا=جـفـولــن بـالـطــواريــق الـعــســيــره
تـرى الـخــســران مــن يـاخــذ بـنـــاتـه=يـجـــيــه عــيــال لـلـــعــالــم مــعــيـره
وبـعـــض الــنــاس يـتــبــع راي حـرمــه=عــنــود الـريــم بـالـبــيــت الامـــيــره
وهــي تـامــر وتــنـهــى فــي حـــضـوره=وهــو مــثــل الــذي وســـط الـحـضـيـره
والانــثــى دايــمــن حــكــمــه بـقــلــبــــه=وشــوره عــنــد نــوره او مــنــــيــره
مــع ان الــراي بــعــقــول الــنــشـــامـــا=وبــعــض الـبـيـض بـالـشــورى جـديـره
ولاتــركــن عــلــى عـهـــد الــعـــــذارى=ولــو ســاقــت مــواثــيــقــن ضــريــره
ولــو قــالـــت غــلاك بــوســط جــوفـــي=وقـالــت خــذ عـيــونــي مــع نــظــيــره
اذا طــــال الــزمـــان يـخـــور عـــزمـــه=ولاتـصــبــر عـلــى طــول الـجــبــيــره
وفــيــهـــم مــن يـجــي درب الـصــداقـــه=ويـصـــدق فـي امـــوره مـــع خــشــيــره
ولـكــن مــــن غــلــط واحـــد يــعـــافـــك=ويـعــلـــن عـــنــك بـالـتـــالــي نـفــيــره
ومـــاتـلــقــــى الــــذي مــاداس زلــــه=يـقـــولـه مـــن فــرض ركـــن الـشــعــيــره
ولازم تـــدمــــح اغــــلاط الــرفـــاقــه=قــبـــل تـقـــعـــد وحــيــدن وســط حــيــره
اذا رب الــبــشــر يـعــفــوا ويـصــفــح=عـــلام الـــعــبـــد مــايــرحــم عــشــيـــره
وبـعـــض الــنــاس رفـقــتــهـــم ونـاســه=ســعـــادة واحــــدن روحـــــه كـــديــــره
ونـاســـة سـاعــتــن لاصـــرت ضــايـق=وبـالـــشـــده ســريــعـــن كــســـر زيــره
اذا شـــافــك طــريـــح بـوســط شـــده=تــعـــذر مــنـــك فـــي لاهـــب هــجـــيـــره
ولـلــشــــدات نـاســـن تــرتـــكـــي لــه=اذا ثــاروا غـــدت عــــيـــنــــك قـــريـــره
زمـــولـــن لانـخــيـــتــه جــاك هـــادر=مــاهــي رقــصــن عـلــى نـغــمــة سـمــيــره
وكــل الـــنــاس بـالــدنــيـــا مــــعــــادن=كــريـــم الــنـــاس او راع الــثـــبـــيـــره
كـريــم الاصـل تـلــقــى الـفــرع طـيــب=وتــرى الــويــلان فــزعـتــهــم شــهــيــره
بـلا هــونــن بــربــعــي نـســـل شـــمـــر=هـــم الـمــيـــراد لاكـــثـــروا صـــديـــره
وفــيــهـــم مـسـلـــمــن والـخــيــر دربــه=غـــدى ســيــل الـرحــامــه مــع مـحــيــره
اذا جــيـــتـــه لـقـيــت الـخــيــر عــنــده=ولـو انــه عـايـشـــن عـيــشــــه ســتــيــره
فـقــيــر الــمــال وطــبـــوعـــه غـنــيـــه=زبـــون الــضـيـــق حـــمــاي الـجــريــره
واذا جــت سـاعــــة ظــهــور الــمـراجــل=شـجـــاعـــن بـالـلـقـــاء مـاطــار طــيــره
بـيــوتــن قـالـــهــا الــراوي بـضــيــقـــه=عــســـى مــولاه مــن نـفـــســـه يـجــيــره
نـظـــمـــتــه شــعـــر لـلـنــاس الــعــوارف=لان الـــنــصــح لـلـــعــاقــل بـــريـــره
وانـا مــانــي رفـــيـــعـــن فـــوق ربــعــي=وهـــوزاتـي مــــع الــعـــالـم قـــصــيـــره
ولـكــن مـــااتـــعــــمـــد بـــوق غــــيـــري=لان الــبــــوق وربــوعــــه نــكـــيــــره
ومـــن يـنـصـح ويـكــشـــف لـي عـيــوبــي=عـطـــى روحـي عــن الـغـــلــطــه نـذيـره [/poem]



وهذي قصيده قلتها رد على شخص حاول انتقاص كرم جدي الراوي

والشاعر فهد الغسلان فقلت:

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]


الـجــاش هــاض وضـامـري جــاب مــالاق=صـب الـقـوافـي مـثــل حـامــي فــشــقــهـا
لاشـفـت صـدري مـع ربـوع الـرخـى ضاق=وشـفـت الـضمـايـر تـشـتـكـي مـن غرقــهـا
تـشـكـي عـذابـه مـن عـواصـيـف الاشـواق=وبـيــبــان جـوفـي قــام يـصـفـق حـلــقــهـا
نـثــرت صـنـــدوق الـقــوافـــي بـالاوراق=والـجـاش مــثــمــون الـقـوافــي صـلـقــهـا
مـاجــاب قــيـفــانـن نـشــوفــه بـالاســواق=ولاهــي دواويـــنـــن بـلــيــلــه ســرقــهـا
مــن ضـامــرن لـخـزون الاشـعــار شــلاق=وتـشــرب دمــوعـن جـفـن عـيـنـي دفــقــهـا
مـيــراث عــودن مـنــزلـه فــوق شــوهــاق=وزيــن الـقـهــاوي لـلـنــشـــامـا حـرقــهـا
بـارض الـجـبـل طـيـبـه تـقـل ضـوح بـراق=كـم حــايـلــن لـلــضـيـف كـفــه صـفــقــهـا
ابـوحـــمــد فــي لاســـع الـبــرد مــشــراق=وظــل الـشـجــر بـالـقـيـظ يـومـي ورقــهـا
مـاهـــي هــروجــن دمــشــقــه كـل هــلاق=الـلــي تـسـلـســل مــن ســلايـل سـلــقــهــا
يـوم الــزمـن صـعـبـن مـن الجـوع يـنـطــاق=وبـابـه مـسـكــر قـبــل غـيـبــة شـفــقــهـا
تـلــقــــاه لــبــيـــوت الاجــــاويـــد بــواق=وبـيــتــه هـجـيـرن مـثـل مـظـلـم نـفــقــهـا
عـنــد العــذارى للاوالــيـــــد فـــــــلاق=وقــتــه قــبــال العـجــز يـنـشــق صــنـــقــهــا
وبـيـبــان ابــن غــســلان مــن دون طـقــاق=ولاضــاق مـن نـارن كـثــيـــرن عــرقــهـا
مـاصـار عــن شــوف الـطـــواريــق دراق=او لاذ بـالـــبــيــــبــــان والا غـــلـــقـــهــا
رجـلــن عـطــى لـلـطــيـب مـوعـد ومـيـثـاق=ودروب زيـنــات الــمــراجـــل طــرقـــهـا
مـثـل الـرجـال الـلــي علـى الطـيـب تـنـسـاق=نـاســن تـخـالــط سـمــنـهــا مــع مــرقــهـا
والــيــوم بـانــت لـلـعـرب بـعــض الاعـنـاق=وكـلــن ذبــح فــرســان نـجــد وشـنــقــهـا
ســيــفــه شــطـيــرن لـلـمـجــاويـخ حــلاق=بـه نـهــقــتــن لـولا الــرخــى مـانـهــقــهـا
وقــت الـرخـى طـيـرن عـلـى راس مـطـبـاق=وخـيــاش هـلـقــه بـالــمـجـالـس فــتــقــهـا
والـلـــه يـلــولا شــيــخـــنــا راع الاوفــاق=كــان اتـمــنـــى خــالــــقــه مــاخــلــقـــهـا
وتـلــقـاه عــن بـعـض الـسـوالـيـف يـنــعـاق=ويـنـحــاش عـن درب الـزمـول وتـفــقـــهـا
ويـصـبــح مـثــل جــده عــن الـكـود نـســاق=واكــثـر عـلـومــه بـالــرخــى مـانـطــقــهـا
ويـصــيــر خـرط الـيـوم رعــدات وشــهـاق=ويـنـداس خــشــمــه لـيــن تـتـرك فـسـقــهـا
مــرحــوم يـاعــودن عـلــى الـســمــن دفــاق=خـمــســيــن عــام ودلـــتــه مـافـــهــقـــهـا
كــنــــه بـمــــيــــدان الاجــاويـــد ســـواق=ســابــق رجــالـن فـــي صـخــاه وسـبــقــهـا
والـفــرق فــي قــولــن شـهــوده بـالاعـمـاق=والــنـــاس ربــي بـالـشــــدايـــد فـــرقـــهـا[/poem]

[align=center]صح لسانك مليون ولاهنت

ولاهان شايب على الطيب رباك

عاشق ومتيم للمفرده الشعريه المميزه

وبارع في رسم البساطه التي هي روحاً خاصه بك

قصيده تطرب قرأتها عدة مرات,,

حب شريف,,غزل عفيف,,حكم,,درر من النصائح

عزة نفس ترقى فوق وكور الشياهين,,,

لله درك على الجزله

آآمنتك الله[/align]

اقتباس المشاركة الأصلية كتبت بواسطة آآمنتك الله [align=center]صح لسانك مليون ولاهنت ولاهان شايب على الطيب رباك عاشق ومتيم للمفرده الشعريه المميزه وبارع في رسم البساطه التي هي روحاً خاصه بك قصيده تطرب قرأتها عدة مرات,, حب شريف,,غزل عفيف,,حكم,,درر من النصائح عزة نفس ترقى فوق وكور الشياهين,,, لله درك على الجزله آآمنتك الله[/align]

[align=center] الغاليه اامنتك الله00

كل الشكر والتقدير يالعزوه000[/align]

بأى احرف تريدني ان

اسطر لك اعجابي

لو اتيت بأحرف الذهب

لغاب لونها وبريقها من احرفك

{أميرالشعرفواز الغسلان}

اسم يشدك ويغريك للدخول

لا تستطيع ان تكابر

وتقول بأنك لست

على موعد مع الجمال

البوحي الاخاذ والسلاسه

الراقيه والعفويه في الطرح

عندما تمسك قلمك

يخرج من بين سطورك

دفىء غريب يتذوقه

كل قاريء لمعزوفتك

جميله تلك الكلمات الصادقه

التي تخرج من الانسان

وهو في لحظه هيااام

فهذا هو اجمل ما فيها

عندما تكون صادق

هنيئا لك بهيامك

تقبل اعجابي أميري الرائع

اقتباس المشاركة الأصلية كتبت بواسطة نوف الرياض بأى احرف تريدني ان اسطر لك اعجابي لو اتيت بأحرف الذهب لغاب لونها وبريقها من احرفك {أميرالشعرفواز الغسلان} اسم يشدك ويغريك للدخول لا تستطيع ان تكابر وتقول بأنك لست على موعد مع الجمال البوحي الاخاذ والسلاسه الراقيه والعفويه في الطرح عندما تمسك قلمك يخرج من بين سطورك دفىء غريب يتذوقه كل قاريء لمعزوفتك جميله تلك الكلمات الصادقه التي تخرج من الانسان وهو في لحظه هيااام فهذا هو اجمل ما فيها عندما تكون صادق هنيئا لك بهيامك تقبل اعجابي أميري الرائع

الغاليه نوف الرياض000

كعادتك تتفوقين بروعة تعبيرك على القصيده00

اشوف الناس فرحانه بجنبي
وريح ثيابها ريحن عطيره
اغسل الثوب بكفوفي لروحي
ولافكرت عمري وش مصيره


ياللــــــــه روووووووعه....



هبيل الناس لاكثرت فلوسه
غدى شيخ المجالس مع وزيره
تقوم الناس عن وجهه بسرعه
لو انه ماعطى مخلوق نيره
وتصغي له رجالن شاب راسه
ويقعد وسطهم تسمع هديره
وهو هيسن ولد هيسن تسلسل
ولايفرق غنمها من بعيره


والله للاسف هذا اللي صاير


هالايام



رجلن عطى للطيب موعد وميثاق
ودروب زينات المراجل طرقها


والنـــــــــعم


مرحوم ياعودن على السمن دفاق
خمسين عام ودلته مافهقها
كنه بميدان الاجاويد سواق
سابق رجالن في صخاه وسبقها



الله يرحمه ويغفر له



صح لسانك


استاذي فواز الغسلان


على هذه الدرر المتميزه


الله يعطيك العافيه


على قصائدك الرائعه

اقتباس المشاركة الأصلية كتبت بواسطة اجوديه اشوف الناس فرحانه بجنبي وريح ثيابها ريحن عطيره اغسل الثوب بكفوفي لروحي ولافكرت عمري وش مصيره ياللــــــــه روووووووعه.... هبيل الناس لاكثرت فلوسه غدى شيخ المجالس مع وزيره تقوم الناس عن وجهه بسرعه لو انه ماعطى مخلوق نيره وتصغي له رجالن شاب راسه ويقعد وسطهم تسمع هديره وهو هيسن ولد هيسن تسلسل ولايفرق غنمها من بعيره والله للاسف هذا اللي صاير هالايام رجلن عطى للطيب موعد وميثاق ودروب زينات المراجل طرقها والنـــــــــعم مرحوم ياعودن على السمن دفاق خمسين عام ودلته مافهقها كنه بميدان الاجاويد سواق سابق رجالن في صخاه وسبقها الله يرحمه ويغفر له صح لسانك استاذي فواز الغسلان على هذه الدرر المتميزه الله يعطيك العافيه على قصائدك الرائعه

[align=center]
العزيزه اجوديه تشرفت بمرورك وتعليقك الغالي

تقبلي ودي وتقديري[/align]

هبيل الناس لاكثرت فلوسه
غدى شيخ المجالس مع وزيره
تقوم الناس عن وجهه بسرعه
لو انه ماعطى مخلوق نيره


ياسلام عليك يابو فهد
ابدعت بكل ماقلت حقا
ولا هي غريبه
عليك
يالغلا دمت ودام ابداعك المتواصل
والمفيد للقاري بكل حرف وكلمه وسطر
كل الشكر والتقدير لسموك

اقتباس المشاركة الأصلية كتبت بواسطة الـ ساري هبيل الناس لاكثرت فلوسه غدى شيخ المجالس مع وزيره تقوم الناس عن وجهه بسرعه لو انه ماعطى مخلوق نيره ياسلام عليك يابو فهد ابدعت بكل ماقلت حقا ولا هي غريبه عليك يالغلا دمت ودام ابداعك المتواصل والمفيد للقاري بكل حرف وكلمه وسطر كل الشكر والتقدير لسموك

[align=center]
الغلا الساري اسعدني مرورك وتعليقك

تحياتي العطره[/align]

الله الله الله

صح السانك .. معلقه من الحكم والامثال ...

..الله لا يهينك ولا يهين شيخاً رباك

[align=center]فواز الغسلان

صح لسانك الوف وملايين

رائعه واكثر من رائعه

الف الف نعم فيك يابو فهد

تأكد يابو فهد ان ماينتقص من قدر الرجاجيل

الا الانسان الناقص اللي ماله قدر سابقآ واصبح

حاقد حاليآ وشاف الدنيا أمان وقام يتكلم بلا ذمه ولا ضمير..

لكن الكبير كبير يابو فهد

وانت كبير وتبقى كبير غصب عن الراضي والزعلان

كبير بنسبك وتاريخ اهلك وفعايلك الطيبه...


لاتحرمنا جديدك يابو فهد

وعسى يدوم عمرك وتتحفنا دائمآ

دمت بألف خير[/align]

اقتباس المشاركة الأصلية كتبت بواسطة الاطرق آل هذال [align=center]فواز الغسلان صح لسانك الوف وملايين رائعه واكثر من رائعه الف الف نعم فيك يابو فهد تأكد يابو فهد ان ماينتقص من قدر الرجاجيل الا الانسان الناقص اللي ماله قدر سابقآ واصبح حاقد حاليآ وشاف الدنيا أمان وقام يتكلم بلا ذمه ولا ضمير.. لكن الكبير كبير يابو فهد وانت كبير وتبقى كبير غصب عن الراضي والزعلان كبير بنسبك وتاريخ اهلك وفعايلك الطيبه... لاتحرمنا جديدك يابو فهد وعسى يدوم عمرك وتتحفنا دائمآ دمت بألف خير[/align]

الاطرق هذا مما يعلي قدرك ومكانك في قلوبنا00

تسلم يالعزوه وماعليك زود يالعزوه000

لاهنت يالغالي

وصح لسانك مليون
نعم هنا يجد القارى مايتمتع به من شعرومعاني وعذوبه
لقدكتبت فابدعت وسطرت فاعجبت
لاخلاولاعدم