شكرا جزيلا

شكرا جزيلا لاجل حضرة جنابك=من نوف جابه صوبكم لافـح الـطـيـر
ياللي رميت بوسط روحـي عذابك=ونار السعاير تـشـتـعـل وين مااسـيـر
ياليت قلبي بالهوى مادرا بك=لكن وقـعـت وقـلـت يالله عسى خـيـر
ولو قيل عندي عن مرارة شرابك=اضحك واقول هروج كذب ومصاخير
عاصوف واحد عن دروبي غدا بك=وشلون والـدنـيـا ريـاح ومـعـاصـيـر
القلب ضامـي ويـتـحـرى سـحـابك=وغـيـومـكـم تمطر عباطه وتكدير
واصبحت اطـارد بالـقـوايل سرابك=وماجابتك عندي صروف الـمـقـاديـر
شـفـت الـحـلا والـزيـن داخـل ثيابك=مـحـدن رسـم زيـنـك بكل الـتـصاوير
ياورد روض بـالـخـلا ويـش صابك=مـن شان تـمـشي دربـنـا عاكس السير
واليوم عيني ماتناظر لبابك= غندورتن واسوى جميع الغنادير

نوف الرياض
صح لسانك يالغاليه
كلمات قمة بالروعة تجبر قارئها على الغوص بها وقرائتها اكثر من مره
بانتظار جديدك الرائع
سهر

تسلمي أخت نوف على ابداعاتك المستمرة

فإلى الامام

تقبلي تحياتي

نوف الرياض شاعره لها مستقبل راقي جدا

وقصائدها تتحسن وتكتسب الخبره يوما عن يوم 00الى الامام

تحياتي العطره لك00

لاتحسبينـي بـعـد فـرقـاك أبـنـدم
وأذل نفسـي وأتبعـك لامشيتـي
لا لا تـظـنـيـن انــجـــرح واتــألـــم
وأمسح دموعك وأرحمك لابكيتي
نفسـي عزيـزه لحمهـا مُـر علقـم
ماهي ذليله مثل منتـي هقيتـي
ِحبـك غـدى عنـدي قـزازٍ تهـشـم
ماينجبـر كسـره ولـو لــه بغيـتـي
ارتاح قلبـي وقلبـك اللـي تحطـم
والبادي اظلم وانتي اللي بديتـي

صح لسانك ايها الشاعرة الرائعة والجزلة نوف الرياض
تقبلي تحياتي وتقديري وشكر على ابداعك الرائع وبوحك
الجميل كم أنا معجب من مفرداتك الرائعة ومن شدة اعجابي
بها أستندت المركا وبدأت أجاريها بحروفي المبعثرة التي
تتلعثم أمام قافيتك الرائعة فإليك هذه القصيدة التي عكست
قافيتها ولم أتذكر القافية إلا متأخر فعذرا اختي وعذرا
أيها القاري الكريم

يا نوف لك في عالم القاف تسطير=يا حي عين تنتقي من عِذابك
احروفك اللي كالذهب والدنانير=تسلم يديك الله يحفظ شبابك
أشوف في قافك جميل التصاوير=يابنت نجد الوجد كنه غدابك
سخرتي القيفان يابنت تسخير=حتى اصبحت يابنت تحسب حسابك
الوضع يابنت العرب فيه تطوير=كن القوافي في حروفك تهابك
يا طير وصلها على نوف ياطير=ثم أعطها خطي ووثق جوابك
ثمْ قلّها يابنت لا صار تقصير=العذر لا صارت حروفه تشابك
الشعر له يا نوف معنى وتفسير=وانتي فتحتي في معانيه بابك
يانوف جعلك دايم الدوم في خير=ياللي قصيدي تايه في سرابك
قافك بدت ترقص عليه العاصير=يا ويل ويله شاعر ما دراء بك
عكست قافك دون قصدن وتخيير=لكن حبيت أرتوي من شرابك

وسلامتك وسلمة الجميع

شفت الحلا والزين داخل ثيابك
محدن رسم زينك بكل التصاوير
ياورد روض بالخلا ويش صابك
من شان تمشي دربنا عاكس السير
واليوم عيني ماتناظر لبابك
غندورتن واسوى جميع الغنادير



صح لسانك نوف الرياض ...

تسوين كل الغنادير..

سهر

هلالي ودمي يغلي

فواز الغسلان

الحيران

محمد العمري

دكتور صنهات

بحرت في حضوركم

بلامركب وبلا بحر

واستمتعت بعزف

بلا اوتار وبلا ناي

سرت كل الدروب بلا اقدام

وتغزلت بالقمر

في عمق الظلام

رائع هو نسجكم احبتي

ورائع هو حسكم الباهي

ورائع هو قلبكم

ورائع هو لونكم الؤلؤي

كلماتكم الرائعه تدفعني

لنثر حروفي بجنون وفنون

لكم فأئق الود والأحترام

والحب يامن كنتم

سعادة حرفي وقلبي

ولا حرمني الرحمن

من شذى حرفكم

اقتباس المشاركة الأصلية كتبت بواسطة نوف الرياض شكرا جزيلا لاجل حضرة جنابك=من نوف جابه صوبكم لافـح الـطـيـر ياللي رميت بوسط روحـي عذابك=ونار السعاير تـشـتـعـل وين مااسـيـر ياليت قلبي بالهوى مادرا بك=لكن وقـعـت وقـلـت يالله عسى خـيـر ولو قيل عندي عن مرارة شرابك=اضحك واقول هروج كذب ومصاخير عاصوف واحد عن دروبي غدا بك=وشلون والـدنـيـا ريـاح ومـعـاصـيـر القلب ضامـي ويـتـحـرى سـحـابك=وغـيـومـكـم تمطر عباطه وتكدير واصبحت اطـارد بالـقـوايل سرابك=وماجابتك عندي صروف الـمـقـاديـر شـفـت الـحـلا والـزيـن داخـل ثيابك=مـحـدن رسـم زيـنـك بكل الـتـصاوير ياورد روض بـالـخـلا ويـش صابك=مـن شان تـمـشي دربـنـا عاكس السير واليوم عيني ماتناظر لبابك= غندورتن واسوى جميع الغنادير

اختي الغالية نوف الرياض

بارك الله فيكي وجزاكي ربي كل خير

وشاكر لكي هذا المجهود وهاذي القصيده الرائعه كروعتك


وتقبلي مني موفور الاحترام وفائق الود والتقدير

ماشالله صح فكرك وقلبك نوف الرياض
واصلي على هذا انتي
شاعره ولك مستقبل صدقيني

صراحه ماكنت اتوقع القلم النسائي
بهذه العذوبه
صح لسانك بنانك واعتلا شانك

نوف
صح لسانك
مليون مع مليون
ولايسدون

ولاهنتي

تقديرى

مروركم كاهطول المطر

اورقت صفحتي بعذوبته

التي سرت بشرايين اسطري

يكفي حظوركم عن الاف الكلمات

دمتم قلم مميز للابد

ودام وهجكم وعطائكم

الذي لاينضب

لكم باقة زيزفون بارق التحايا