لغز(( كرشتك كرش))((تحاشمن عليه جوجو ونور ))

طبعا اللغز خليته على طريقة المحاوره لاننا

قابسين بالمحاورات هاليومين يوم الله جاب ابوصالح والعنود وانا

من الان اشتريت كومة رطايب للهواش اخبر ابوصالح معه قلب الماخوذ واخاف

يهتش علي بليلة ظلماء000 مقدمه اللغز (موال):

انا حـالـفـن بالـلـي رفــع فــوق سـبـعـه عــرش=فـلا ارضـاك تـلـعـب بـي كـمـا الـورع والكـوره
ولاتـحـسـب انـي نـاقـتـن فـي طـروف الــطـرش=واذا عـاضبـت تـعـقـل عـن الـــذود مـقـهـوره
عـطـيـنـا كـمـا نـعـطـيــك والا كــرشـتـك كـرش=مـــدام الـوفـى عــنـدك سـوالـيـف مـخـبــوره
عــشـقـتـك وحـطـيـت الـضمـاير لـعـيـنـك فـرش=وقـلـنـا شـروط الــعـــشــق يـازيـن مـقــدوره
تـركـتـن وسـط نـاسـن تـهـرش الـسـوالـف هـرش=ولاطــعـت فـي حـبـك قـريـبــن عـطـى شــوره
وعـقـبـه تـعـامـلــنـي تـقـل شـاربــن لـك غــرش=جـمــعـت الــدلـع مـع تــيـهـة الـراي وغـروره
صغـيـرن خرشـت الـقـلب فـي جـور غـدرك خـرش=تـحـسـب الهـوى عـازف ويـزمــر بـمـزمـوره
لـك الـلـه فــلا يـســوى غـرامـك بـقـلـبـي قــرش=تـقـلـــع عـن دروبـي مـع مـقــيــط وطــيـوره

اللغز يالعزوه يقول وخلوكم جاهزين امحطوه بسرعه:

ياويـش رجـل سـكـن مابـيـن بـنــتــيــنـي=غـصبـن مكانه خـذاه ولادفـع قــيـمه
بـنـتـن جميله والاخرى خـالـطه شـيــنـي=هو تحت ناسن تلـوج وبعـضها نـيمه
من جــاوره حــاز فــي عـمـره ملايـيـنـي=يشبه جميع اخوته ضربه وتقسيــمه
لونه طـبــيـعـي وخــلـق الله شـيـاطـيــنــي=قـالــوا مهــو مثـلـهـم نغمة ترانيمه

انا تحلحلت مع القصيده

خل اتهيض معه لى شوى

واللغز ملحوق عليه ان شاء الله

وصح لسانك على الاثنين


تقديرى وحبي لك

اقتباس المشاركة الأصلية كتبت بواسطة عقاب النهار انا تحلحلت مع القصيده خل اتهيض معه لى شوى واللغز ملحوق عليه ان شاء الله وصح لسانك على الاثنين تقديرى وحبي لك

هلا ابوضاري وانا يوم اجيب القصيده

قصدي اشتت افكاركم معها عن اللغز00 ذهانه يعني مني00

ياويش رجل سكن مابين بنتيني
غصبن مكانه خذاه ولادفع قيمه
بنتن جميله والاخرى خالطه شيني
هو تحت ناسن تلوج وبعضها نيمه
من جاوره حاز في عمره ملاييني
يشبه جميع اخوته ضربه وتقسيمه
لونه طبيعي وخلق الله شياطيني
قالوا مهو مثلهم نغمة ترانيمه


والله يابو فهد لو أخذ سنه مامحطته

هذا شكله مستعصي

او من هالقصيدة قبله اللي((تخرش خرش))

مار ابي اتابع المحاورة يمكن يتضح منها شي

اقتباس المشاركة الأصلية كتبت بواسطة نورالدنيا ياويش رجل سكن مابين بنتيني غصبن مكانه خذاه ولادفع قيمه بنتن جميله والاخرى خالطه شيني هو تحت ناسن تلوج وبعضها نيمه من جاوره حاز في عمره ملاييني يشبه جميع اخوته ضربه وتقسيمه لونه طبيعي وخلق الله شياطيني قالوا مهو مثلهم نغمة ترانيمه والله يابو فهد لو أخذ سنه مامحطته هذا شكله مستعصي او من هالقصيدة قبله اللي((تخرش خرش)) مار ابي اتابع المحاورة يمكن يتضح منها شي

ليه يانور يعني ماتقديرين تبغزين عوينته؟؟

انتي تابعي الحوارات والهواش لين يطلع طرف شليله واخمشيه

على قولة جوجو الله يعيدها بالسلامه00

كـيـف ترمي عـشيـرك في رمـوشك ذبـيـح=ثـم تـرسـل لـقـلـبـه مـن يـمـيـنــك ارمـاح
مـارحـمـتـي حـبـيـبـن في هـواكـم نـصـيـح=يـسـهـر الـلـيـل كلـه لـيـن ضوح الـصباح
وانـت تـدري بخـلـك قـبـل رمـحـك جريـح=لـيـش نـاديـت جرحـي عـقـب مـاقـلـت راح
صاحبـن مع ظـعـونـك يـسـتـديـر ويـطـيـح=وهـو يـراقـب شـعـاعـن بالسـماء يوم ضاح
والله انـي عـطـيـتـك حـب قـلـبـي صحـيـح=واضحـن فـي غـرامـي والـصراحـه ربـاح
سـقـت لـك حـب قـلـبـن عـاد مـنـكم طـريـح=يـشـتـكـي مـن ظـمـاكم لـو شـرابـه قـراح
والـلـه ان الـضـمـايـر في غـرامـك تـصيـح=من سـبـايـب لهـيـبـن داخـل الـجـوف فـاح

..صح السانك ..يا ابو فهد ..عندي رمعه ..والله انه تضحك ..مدري

احس انه غلط هههههههههههههه بس ابي اقوله يا تصيب يا تخيب

اقول ..انه الارض ..؟؟انت وش تقول..

اقتباس المشاركة الأصلية كتبت بواسطة حورية حائل ..صح السانك ..يا ابو فهد ..عندي رمعه ..والله انه تضحك ..مدري احس انه غلط هههههههههههههه بس ابي اقوله يا تصيب يا تخيب اقول ..انه الارض ..؟؟انت وش تقول..

هلا وغلا حوري ومالك لوا لكن الوجهه لاباس والله0

حاولي مره ثانيه يالعزوه000

كــريــم يـابــرقــن هــل الـــذود راعـــوك=تـوضـي عـلـى روس الـجـبـال الـنـوايـف
يـودع خـفـوق اللي رجـى الـزرع مـربــوك=مــن خــوف لاتـرسـل عـلـيــه الـقــذايـف
جــعـلــه بـدار الـلـي لـه الـقـلــب مـمـلــوك=الـلــي جـمــع زيــن الـحـلا والـوصـايـف
الـلـي تـرك قـلـبـي مــن الـهـجـر مـشـبــوك=مـن عـقـب مـاهــو مـثـل لـيـن الـقـطـايـف
اقـفــى وخــلانـي عـلـى الــدرب مــتــروك=وعـقــب الـمــوده صـار لـلـقـلـب عـايــف
صـعــب عـلـى الـلـي عـاف غـيـرك وحـبـوك=يـنـسـون عـيـنــك يـاجـمـيـل الـردايــف
اعـطـيــت فـي حـبـك مـواثــيــق وصـكــوك=مـاهـو هــوى قـلـبـن مــع الـنـاس زايــف
مـثـل الـذهـب بـالـســوق صـافـي ومـسـبـوك=يـصـبـر عـلـى زود الـتـعــب والـكـلايـف
وصار الجـزاء قـلـبـن رمـيـتـه عـلـى الـشـوك=ذاق الـمـهـونـه عـنـدكـم والـكــســايــف
حــطـيــت قـلـبـي فــي هـواجـيــس وشـكـوك=ومـدري بـفـعــلـك يـالـغـلا ويـش شـايـف

فيه صعوبه شوي
مافي توضيح

اقتباس المشاركة الأصلية كتبت بواسطة الهوى شرقاوي فيه صعوبه شوي مافي توضيح

هلا وغلا الهوى شرقاوي وحياك يالعزوه00

والتوضيح مايصير من البدايه وانما ننتظر شوي ونشوف الرمي00

اذا هو سماوي اعطينا توضيح واذا هو حول المرمى كمشنا بالزاويه لين يصقعونه0

انـا لابـدى يـلــعــب قـريـنـي بـدعــت الـقـاف=لــو انــه يـزكــى يـاعــرب كـان زكــيــتــه
اذا هـاض جـاشـي فـي جـزيل الـمـثـل نـقـاف=مـلـكـت الـنـصـاب مـن الـجـزيـل وتـعــديـتـه
اذا هـاض بـي جـاشـي لـغـلـق الـمـثـل عـساف=الا ويـل قــيــفــانــن زعــلــت وتـولــيــتــه
هـو الـورث مـن عـودن بـقـاف الـعرب عـراف=فـرز لـي نـصـيــبـي جـايـزه يـوم مـاشـيــتـه
فـقــدنــاك يـاعــودن يـســابـق ولايـنــطــاف=لـو ان الـمــنـى تـنــفــع وقـفــت وتـمـنـيــتـه
غـرس غـرسـتـه واقـفـى على مـوتـر الاسعاف=ولاشـاف زنـجـيــرن ثـقــيــلـن هــدم بـيــتــه
تـرك غـرسـتـه مـن دون حـبـلـن ولامـنـســاف=الا كــثــر مـاحـفــتــه بـكـفــك وراعــيــتــه

الله الله



صح لسانك


وانا اقول يمكن الضرس<<<<<<< وش دخل



وش هالحظ الزين يوم رجعت يمار


هاللغز الداهيه


وش جاك علي يابو فهد ^_^


هات شينن سهل اسخن بوه بعد العوده هع هع

اقتباس المشاركة الأصلية كتبت بواسطة اجوديه الله الله صح لسانك وانا اقول يمكن الضرس<<<<<<< وش دخل وش هالحظ الزين يوم رجعت يمار هاللغز الداهيه وش جاك علي يابو فهد ^_^ هات شينن سهل اسخن بوه بعد العوده هع هع

هلا وغلا جوجو والحمدلله على السلامه00

وشلون جوجو غبتي بس اسبوعين عنا وبالاخير نسيتي اسمي وكتبتي ابوفواز بدل

ابوفهد؟؟ هذي سالفة وش هالطويرات بحوشنا00 وشلون لو قعدتي شهرين اجل؟؟

واللغز سهل لاتهمك هالزخارف لان اكثر الحرب طهبله000

انـا لـو بـغـيــت انـسـى ولـيـفـي خـفـوقـي صـد=لـو انـه حـرم عـيــنـي لـذيــذ الـكـرى والــنــوم
عـجـز خـافـقـي يـنـسـى مـحـبـة جـمـيـل الـخـد=وهـو عـارفـن حـبـه سـبـب جـرحـه الــمـعـلــوم
اذا داج بــي طــايـف ولــيــفـي رشـيــق الـقــد=سـرى الـفـكـر ضايـع فـي دروبـه تـقـل مـنجـوم
لـو انـه شـحـيـحـن فـي طـروق الـهـوى والــود=اراجـيــه واصـبـر فـي هـواهــا وانـا مـظــلــوم
وانـا خـايـفـن هـجـر الـحـبـايـب تـعــدى الـحــد=واذا زاد فـي هـجــره فـلاادري وش الـمـقـســوم
سـحـرنـي حـلا رمـشــن يـشــدن لـعـيـنـك شـــد=مـع الـردف وثـيـابـن زهـت جـسـمـهـا الـمـبـروم
عـلـى مـبـسـمـن رمـحـه شـطـيـرن ولا لـه ضــد=وصـدرن سـرق روحـي حـوى نـهـده الـمـكـتـوم
وصـوف الـعـنـود الـلـي تـهــد الـمـعــانــد هـــد=ومــن طـاح مـن رمــش الـغـلا مـاعـلـيــهــم لــوم

ابيات تشلع القلب شلع
ابو فهد ياخوك لو انا بنت خطبتك هههههههه بنات ماعندكم نظر واحساس,,ههههههه
انا بقولي رمعة بس اخبرك على طول تصكني بتعليق يخلني اوسوس
وش قولك بالقمر ياقمر بقعاء وماحولها

اقتباس المشاركة الأصلية كتبت بواسطة دكتور صنهات ابيات تشلع القلب شلع ابو فهد ياخوك لو انا بنت خطبتك هههههههه بنات ماعندكم نظر واحساس,,ههههههه انا بقولي رمعة بس اخبرك على طول تصكني بتعليق يخلني اوسوس وش قولك بالقمر ياقمر بقعاء وماحولها

دكتور صنهات

من قالك ماعندنا نظر؟!

حاول تقرب لبوفهد وشف وش يجيك

اقتباس المشاركة الأصلية كتبت بواسطة نورالدنيا دكتور صنهات من قالك ماعندنا نظر؟! حاول تقرب لبوفهد وشف وش يجيك

احلا يانور ايه خليني احس بالامان كذا يالعزوه00

انـطـلـق لـي حـنـيـشـن مـن شـقـوق الشـطـيـب=والحـنـيـش الـمـنـقـط هـو سـبـايـب غـثــاي
اسـودن ســـم نـابـه مـايـفــيـــــده طـبـيـــب=وخـفـت مــن لـون عـيـنـه لاتـسـبــب عـمـاي
والـلـه ان الـجـدايـل مـن عــيــونـه تـشــيــب=ولاذكــرتــه بـوســط الـلـيــل جــانـي بـلاي
صار صـدري شـخـيـره بـالـحـنـايـا غـريــب=يـمـغـصـن وسـط بـطـنـي والـسـلامـه هـواي
وقـمـت اراعي طـعـامـي مـن ردات الـنـصـيـب=صـعـب اخـلـي طـيـوري بـالـخـلا مـن رداي
قـلـت لـه لـيـش زرتــن يـالـعـيــن الـصـلــيــب=لـو تـأخـرت سـاعـه كـان تـضـبـط مــعــاي
وقـمــت افـكـر بـذبـحـه في طـويـل الـعـسـيـب=وان حـصل فـضخ راسه بالـعـصى هـي مناي
لـو قـضـعـنـي بـنـابـه شـمـس عـمــري تـغـيـب=وتـفـقــد الـنـاس كـلـه طـيـبـتـي مــع حـلاي
اقـطــم الـذيـل هــذا نـهــشــتــه مـاتـخــيــب=ولـو يـنـوشــن بـنـابـه كــان امـوت بـضـحــاي
وقـمـت اراقـب عـيـونـه مـثـل عـيـن الحـريـب=وسـدرة الـشوك طولي راح تـشــعـط خــصـاي
صعـب اقــابـل بـخـيـلـن طــق بـابـي طـلـيـب=ومـن نـفـخ عـنــد وجـهـي ضـاع مـنـي رجــاي
وهـو يـجـيـنـي وانـا اقـمـز مـع طـريـقـن صعـيـب=طـايـرن يـاجـمــاعـه فــي غـبـايـب سـمـاي
اوجـس الـنــاس تـحـتـي والـخـوافــق حـطــيــب=عـقــب ماكـنـت قـاعــد سـاجــعـن فـي خـلاي
كـيـف عــديــت طـايـر مـاذكــرت الــقــلــيــب=ولـو تـهــلـفـيـت وسـطـه غـيـر يـقـطـع ضناي
خـطـوتـيـن وقـــمـزتـه كـالـحـصـان الـعـريـــب=ولو بـغـيــت الـمـبـارز كـان طـحـت بخـطـاي
صـار لــي مـن عـيـونـه بـالـشــغـايــا هــذيــب=وهـو خـسـيـسـن واخــبـره يـبـي يـلـعـن ثـواي

اقتباس المشاركة الأصلية كتبت بواسطة دكتور صنهات ابيات تشلع القلب شلع ابو فهد ياخوك لو انا بنت خطبتك هههههههه بنات ماعندكم نظر واحساس,,ههههههه انا بقولي رمعة بس اخبرك على طول تصكني بتعليق يخلني اوسوس وش قولك بالقمر ياقمر بقعاء وماحولها

هلا دكتور وين غبت عنا لك فتره فقدناك؟

القمر يادكتور مالك لوا وخلك بالارض اقرب للحل لاترتفع فوق00