بمناسبة الشتاء وطول لياليه وروعتها
الله على ريح السَّمر لااشعلوا فيـه *** تجيبــه نسمــات الليــالي واشمّه
يحيــر فكــري وقتــها في طـواريـــه *** طاري ٍ يجي بشتاتٍ وطاري يلمّه
ياطول ليل الشتاء لااقفت عصاريـه *** ليلـه طويــل وكل عاشــق بهمــّه
أحدٍ مـولــّع وأحدٍ الشــوق حـاديـــه *** وأحدٍ معــه خِلــه وأحدٍ ما يهمــّه
وأحدٍ معـه من خِلـه طيــفٍ يبـاريــه *** وأحدٍ يقضّـي الليــل بهمّـه وغمّه
وأحدٍ عطـاه الحـظ واجزل عطاويــه *** خـِلّــه بجنبــه كل وقــتٍ يضـمــّـه
وانا مـع اللي حظــه دايـم معاديــــه *** سحــابـة اشواقـه سـوداً مدلهمـه
أسبابـها اللـي باعنـي وانا شـاريــه *** وقربــه دوا قلبــي وبعــده يسمـّـه
يا كم وكم يخطي وانا اللي اراضيـه *** ومنِّـي حنــان ٍ ما يشوفه من امّه
بليّا خطـا جفـاني واقفـت خطـاويـــه *** لا راعى فينــي ضميـر ٍ ولا ذمـّـه
يا ليتـنـي اظـلالــه دايــم وابــاريـه *** والا ولــد خال ٍ له والا ابن عمـّـه
ميـر البــلا عني المسافـه تقصويـه *** لا هو قريب ٍ حولي ولا ني يَمـّـــه
انا نخيتك ياراعي السَّمــر تطفيــــه *** ماهــوب عذروبٍ فيـه ولا مذمـّـه
لاشك ريحـه يجـذب الفكــر يدعيـــه *** وقلبـي مع الطـاري عذابـه يعمّـه
يكفي المولـّـع ذكراه دايم تبكـّــيــــه *** ويكفيه كم كفكف ادموعـه بكمـّـه
العرض المتطور
