طلب غريب .. بس عاد لا تخلوني

أخواني وأخواتي : المشرفين والأعضاء
تحية حب وود وتقدير

بصراحه ترددت كثير قبل ما أكتب هاالموضوع أو هالطلب أن صح التعبير وبصراحه لو ما كان لي عشم فيكم كان ما طلبته وعموما طلبي قد يكون عادي بس أن أعتبره شيء كبير باالنسبه للي راح ينفذه لي .
عموما ماراح أطول عليكم : الموضوع عندي ديوان شعر جاهز وما باقي عليه الا اللمسات الأخيره مثل الغلاف والمقدمة والأسم ( ما خليت شيء ماطلبته وش بقي هههههه) وبصراحه أحترت كثير كثير بهالشيء وقلت ياولد مالك الأ رايء ومشاركة مشرفين وأعضاء منتدانا الغالي .

طلبي هو : تفضلكم وتشريفكم لي بمشاركتي بتصميم غلاف لهاالديوان هذا أول شيء . والشيء الثاني أسم الديوان والشيء الثالث هو كتابة المقدمة لهاالديوان بصراحه أنا ما أعرف بهاالمقدمات والكلمات الحلوه وهاالسوالف . عشان كذا حبايبي أبغاكم تشاركوني بهاالشيء .

وعلى فكره أنا أتكلم بجد اللي راح يكون تصميمه ومقدمته وأسمه للديوان حلوين صدقوني راح أعتمدها وأحطهم باالديون وراح يكتب أسم المصمم وكاتب المقدمة وهذا وعد صدقوني وغير كذا راح يكون لي الشرف بمشاركة مشرفين وأعضاء هاالمنتدى لي ولديواني المتووووووووووووووووووووووضع .

شاكر ومقدر لكم أحبائي تواضعكم وحسن أصغائكم لي .

معلومات عن الديوان
أسم الديوان : .....................
محتواه : شعر نبطي (غزلي و أسناد )

الطابور الخامس

والله يالغالي اكبر شرف لي واحد يكتب كلمة بديوانك الغالي
اشكرك على هالثقه والله لايهينك يالغالي وانشالله يكون من افضل الدواوين
ومن ناحية الاسم انا انصحك نصيحه اخويه وهي ان تسمي الديوان بسم لقصيده فيه
تحبها انت وعلى شان كذا تخدم القصيده بقوه
ومن ناحية التصميم والله يالغالي تحتاج الا فوتوشوب
وانا ما اعرف لها الا على خفيف والفوشوب عالم كامل
ومن ناحية الكلمه اللي فالديوان انشالله تصير لايقة على اسم الكتاب والقصائد الشعريه فيه
من جديد اشكرك على هالثقه والله لايحرمنا منك
تقبل صادق الحب والتقدير
اخوك
لافي

أستاذي وعزيز : لافي

الله لا يخلينا منكم من ذوقكم العالي لا خلى ولا عدم وكلماتك ونصائحك اللي نوهة عنها تاج فوق رأسي . وباالنسبه لطلبي لا هنت أنت راع الأوله باالتوقيع ولا أبي الا سلامتك عشان كذا ما أبي أحرج أي شخص هنا . اللي يقدر وعنده قدره الله لا يهينه لا يخلني .

ودمتم عزيزين ...





الطابور الخامس

اخوي الغالي الطابور الخامس لاهنت على الكلام الرائع
من عيوني ابي احاول اصمم لك
والله لو اسوي المستحيل على شانك يالغالي بالنسبه للتصميم
واسم الديوان يالغالي على محتوى مافيه من قصائد واشعار
وكلمة الديوان ومقدمته لازم تعرف القصائد اللي فيه مو تكتب مقدمه
وانت ماتعرف الديوان وش يحتوي عليه وش الافكار والقصائد فيه
وانا حاضر وتحت رهن اصبعك يالذيب
لك الحب والتقدير اخوي الغالي ولاهنت على الاستشاره
وانشالله تطلع بشي من المنتدى يرضيك عنا وعن مايحتويه
تقبل صادق الحب والتقدير
اخوك
لافي

أخوي : لافي

الله لا يهينك على هالكلام الطيب .

وأنا ما أقصد أني أبيك تصمم لي وغيره يوم أنا أقول أنت راعي الأوله أنا قصدي أنك تزهلت لي باالتوقيع وعشان كذا ما أبي أحملك فوق طاقتك أخوي . بس يكفي منك هالكلام والمنطق اللي كله عسل أي عسل قصدي ذهب .

وبغيت أوضح لك بالنسبه للمقدمة هي مقدمة تتكلم عن هاالديوان وعن قصائده مثل ما تفضلت أخوي بس مو شرط تكون تتكلم عن القصائد نصا أو عنوانا .

على العموم أخوي لافي أما عن القصيد خذ ولد وأما عن المقدمات والتصميم والعنوان والله مالي بهالسوالف ولا أعرف شلون تنكتب عشان كذا لجأت لكم بهاالمنتدى .





الطابور الخامس

يالغالي انت تامرنا امر وحنا انشالله ما نقصر
وانا حاضر باللي تبي يالغالي وادري انها مو بالنص
وانشالله نطلع بنتيجه ترضيك وانا ابي اثبت لك الموضوع
والاعضاء فيهم العشم يالغالي
تحياتي لك واشواقي
اخوك
لافي

تسلم والله يابعد حيي





الطابور الخامس

(((( الطابور الخامس ))))

اولا ودي اشكرك جدا على هالثقة الغاليه للجميع
وبصراحة والله لنا الشرف جميعا بالتعاون معك
ولكن انا مع اخوي لافي بكلامه
فالبنسبة لعنوان الديوان ما اعتقد بأن احد يقدر يكتبه إلا صاحب الديوان
لأن العنوان لابد أن يكون مقتبس من الديوان نفسة ويعبر عما فيه
وبالنسبة للمقدمات فوالله العظيم كلي شرف ان اكون من يكتبها
ولكن ارجوا منك ان تلمس لي العذر
والله انا هالأيام مشغول جدا بالعمار والبناء
حتى المنتدى صرت ما اقدر اجيه باستمرار
لكن الباقين فيهم الخير والبركة وماراح يقصروا مع احد
وبالنسبة لتصميم الغلاف
فالحمد لله فيه عندنا بالمنتدى اكثر من عضو يجيد هالتصاميم ويقدر يخدمك فيه
اكرر اعتذاري اخوي الغالي واتمنى منك انك تتفهم ضروفي هاليومين
واتمنى من كل قلبي لك ولديوانك الغالي النجاح والابداع والتوفيق
كما اتمنى ان لاتحرمنا من المشاركة ببعض القصايد
لتكون حصرا لمنتدى بعد حيي
وتقبل اخوي الغالي مني فائق التقدير والاحتــرام
اخوك / المحتـــــــــــــري،،،

هلا وغلا اخوي الغالي الطابور الخامس منور المنتدى يابعد حيي
اشكرك كل الشكر على الثقه في اعضاء ومشرفين بعد حيي
والله لايحرمنا منك يالغالي ولا من موجودك معنا في هالمنتدى
بالنسبه للتصميم الغلاف انشالله يكون احد المصممين تصميمه على احسن وجه
واسم العنوان للديوان انا انصحك يالغالي ان تكون انت اللي تسميه
على شان تخدم الديوان ومايحتويه من قصائد
والمقدمة عندنا اعضاء مشاللله عليهم روائع من الملاك والكلام الجميل
تقبل فائق الاحترام والتقدير
اخوك
نزف المشاعر

أخوي العزيز : المحتري

أولا : شاكر ومقدر لك مرورك وتعليقك .

ثانيا : لا خلى ولا عدم والله يكون بعونك على هاالعمار ومقدر ظروفك ومتقبل أسفك .وصدقني مرورك هو روح وشرف ديواني . وبالنسبة للقصائد أنا أوعدك وأوعد الزملاء بان يكون النشر لقصائدي المتواضعه حصري لهذا المنتدى الغالي وعسى أن يكوم ما أنشره محض أعجابكم وما هو الا قليل في حق هذا المنتدى وأنا وأحد منه ومن الغيورين عليه صدقني .

وبالنسبة لأسم الديوان راح أرجع وأستثنيه من المشاركه لأني وبعد مشورتكم ومشورة أصدقائي المقربين قررت أني أنا أبحث له عن أسم يناسب مضمون القصائد اللي فيه .

لك صادق أحترامي وودي وتقدير : أخي : المحتري

أخوي العزيز : نزف المشاعر

مرورك وتشريفك لقراءة هذا الموضوع هو أكبر شرف لي وشرفي الأول هو دخولي لهذا المنتدى ووجودي بين هولاء الأخوه الأعزاء من مشرفين وأعضاء .

وكما سبق وأن ذكرت لأخي : المحتري سأستثني أسم الديوان من هذا الطلب . ومازلت أصر على أن يكون تصميم الغلاف وكتابة المقدمة من أفكار وأقلام هذا االمنتدى . ولي أنتظار وعلى أحر من الجمر لمشاركات زملائي هنا بهذا الموضوع ولو لم أكن واثق تمام الثقه من أبداعهم وتفننهم با الأأفكار النيره لما طرحت هذا الموضوع وأصريت على طرحه هنا .

لم يبقى أخي العزيز سوى تعليقات بقية الزملاء على هذا الموضوع ومشاركتهم لي لأنني وبصراحه لم أجد تفاعلآ يذكر لهذا الطرح سواء من ثلاثة من الأخوه هم:

لافي
المحتري
وأنت عزيزي : نزف المشاعر ثالثهم .
أتمنى أن يكون المانع خيرا أنشاء الله.

أمل بأن لا أكون عضو ثقيل على هذا المنتدى ولكم جزيل شكري وصادق أحترامي ...

الطابور الخامس

اخي العزيز : الطابور الخامس
اشكرك على الثقه في اخواني الاعضاء والمشرفين
وانشالله تتوفق في اصدار هذا الديوان ويوفقك ربي فيه
وعسى ان يحوز على رضا الجميع
وانشالله نشوف القصائد في هالصرح الشامخ
وانشالله تجد من يقوم بنشاء المقدمة وتصميم الغلاف
واختيار اسم للديوان انصح كما سبقوني اخواني
ان تقوم بتسميه لمحتواه الشعري
اتمنى لك معنا قضاء اجمل الاوقات واسعد اللحظات
اختك
بنت حايل

أختي : بنت حايل

لا شكر على واجب وما انا إلا أبن لهذا المنتدى الغالي

ثقتي بكم أغلى وثقتكم بي تاج ووسام أعتز به

شاكر ومقدر لكي هذا المرور الجميل

أنتظر أبداعكم لطلبي

لكي أختي صادق أحترامي وتقديري





الطابور الخامس

مثل ماتفضلو أخواني انه يكون اسم الديوان انت اللي تقترحة

والله يوفقك اخوي الطابور ولنا كل الشرف بأسنادك هذة المهمة علينا

وأن شاء الله ماهم مقصرين الشباب

والله يوفقك



الفيصل