فزعات الاسلم الثلاث الشهيره(الجزء الاول)

000فزعات الاسلم الثلاث الشهيره000

دائما اذا ذكرت فزعة الاسلم والطواله مع شمر تذكر فزعة ضاري ابن طواله مع ابن رشيد في معركة الجوف

وهي وان كانت هذه فزعه لايستهان بها وقليل من يفعلها الا ان هذه فيه اجحاف في حقهم لكون الاسلم والطواله

لهم فزعتين مشهورات مع قبيلتهم شمر غير فزعة ضاري رحمه الله00

من المؤكد ان فزعة الفخذ مع القبيله شي عادي ولايستكثر في الحالات العاديه الا ان فزعات الاسلم والطواله كانت

في ظروف غير عاديه لكونها تاتي بعد خصام واحيانا مواجهات مع الرشيد لاسباب عديده ومن ثم تاتي الفزعه منهم

مع الخصم الذي بالامس ذاقوا بالامس الاذى منه ولذلك جاءت فزعاتهم الثلاث تستحق ان يشار لها بالبنان وان يكون

لها طعمها ونكهتها الخاصه وهي بالتفصيل كالتالي000

لم تكن العلاقه بين امراء الرشيد والاسلم بشكل عام وشيوخهم الطواله بشكل خاص بتلك العلاقه الجيده بل كانت تغلب

عليها الخلافات التي ادت الى المصادمات في بعض الاحيان بل وحتى مع شيوخ شمر الجربان وذلك لعدة اسباب اهمها:

1-كون الاسلم لهم السيطره التامه على اراضي الجبل من ايام شيخهم ابن بقار الذي كان السلطه الوحيده على الجبل قبل

حتى امارة العلي وهذا يعني ان الاملاك اكثرها كانت في ايديهم مما دفع الشيخ مطلق الجرباء الى محاولة أخذ بعض هذه

الاملاك بالقوه واعطائها لغيرهم وهو الامر الذي دفع شيخ الاسلم في ذلك الحين مدلول بن عرار بن سالم ابالرمل من شيوخ

الطواله الاوائل الى معارضته فقام الجرباء بسجن مدلول بالكهفه مما دفع اخاه الحودله بالشكوى على عبدالعزيز بن محمد بن

سعود الذي شعر ان الجرباء بعد تحالفه مع الدويش-حصان بليس-يشكل خطرا على امير الجبل ابن علي لكونه من انصار

الدعوه السلفيه مما دفعه لارسال ابنه سعود بن سعود على راس جيش فكانت موقعة العدوه التي انهزم بها الجربا والدويش وقتل

بها مسلط بن مطلق الجربا وكانت من اهم اسباب رحيل الجربا للعراق ومقتله قبل بلوغ العراق في شعيب الابيض شمال عرعر00

وقال فيها مطلق الجربا معلنا عدم خضوعه وبقاءه تحت سلطة ابن سعود:

نطيت روس مشورفات المراقيـب=رجمن طويلـن نايفـن مقلحـزي
وجريت صوتن مثل ماجره الذيـب=واوجس ضميري من ضلوعي ينزي
اخاف من اللي روسهم كالجعابيب=وسيفن على غير المفاصل يحزي
لاصار ماناتي سـوات الجلاليـب=بقاليعـن بايماننـا لـه نـخـزي
ابي اتصبر واجمل الصبر بالطيب=هذي حياة كل ابوها تلزي
والحر لاصكـت عليـه المغاليـب=ملـزوم عـن دار المذلـة يفـزي

2-كثرة عدد الاسلم وقوتهم التي تدفعهم لعدم قبول الاوامر التي يكون فيها شي من الجور وان قبلها غيرهم لعدم القوه على مجابهة

ابن رشيد وتمثل ذلك في ادخالهم لمن هو مطلوب لابن رشيد وحمايتهم على عادات القبائل في ادخال الدخيل وحمايته مهما كانت قوة

الخصم حتى ان منهم مثل محمد بن سمير من شيوخ عنزه قد ادخل على الدوله التركيه رغم قوتها المعروفه وقال ابن سمير:

يابيـه مانعطـي دخيـل نصانـا=لو جمعوا كـل العساكـر والاروام
مكفول عن ظيم الرجال اقصرانـا=ودخيلنا بالكـون يابيـه مايضـام
دخيلنـا عـن نصرتـه ماتوانـا=نحميه لو يطلـب بثـارات حكـام
تابى علـى ذلـك كرايـم لحانـا=ودخيلنـا ماهـو دخيـل سطـام
نكوي المعادي كيـة(ن)لاكوانـا=كي(ن)يجي من بسرة القلب قـدام
وحنا عذاب اللـي توطـا رشانـا=ماقف نكد طول الليالـي والايـام
وحنا نهار الكون نرهـب اعدانـا=وحنا على من دور الظلـم ظـلام
وحنـا اليـا سرنـا بعيـد مدانـا=وحنا الذي من نطلبه حـق مانـام
نبي الحرايـب والحرايـب منانـا=وش عاد لو جابوا لنا عسكر الشام

3-لجوء عيسى بن علي الى الاسلم وحمايته من عبيد بن رشيد التي كانت الشراره لبداية هذه الخلافات التي استمرت طيله امارة

الرشيد ولم تصفوا الا في عهد محمد العبدالله الرشيد ثم عادت من جديد في عهد الامير الجنازه00

الفزعة الاولى:فزعة نعيس بن طواله في موقعة بقعاء الشهيره00

عندما لجأ ابن علي آخر امراء الجبل للاسلم حاول عبيد بن الرشيد الامساك به الا ان الاسلم ممثلين بالشيخ نعيس بن طواله رفضوا

ذلك فقرر عبيد ان يسير بفرقه قليله لاتزيد عن عشرين رجلا تسمى-مسلوله-وهي نوع من تنفيذ المهمه السريه 0 كان الامير عبدالله

بن رشيد من المعارضين لذلك وقال ياعبيد لاتؤذي نعيس ابن طواله ترى يجي يوم ويبرد كبدك 00

لم يصغي عبيد لذلك وحاول تنفيذ مراده وحدثت مواجهة-سميراء-التي تقابل فيها عبيد بن رشيد مع فارس بن نعيس الطواله وعندما

طالت المواجهه والكر والفر واحس عبيد بقوة فارس بن طواله فأخرج مسدسا كان معه واطلق منه لتصيب ركبة فارس وتنقطع فيما

بعد 00

قال ميزر بن زياد الطواله يمتدح وقوفهم ضد عبيد الرشيد علشان العلي:

جانا اخو رثعه بالجموع الرهيبه=يبي العلي منا حصان الاطاليب
ودخيلنا ياعبيد كلن يهيبه=ولا ينمشي به حق يامنقع الطيب
متعلين عده براس الجذيبه=عده بعيطاء عن سموم اللواهيب
وركبوا على قب السبايا العريبه=نطاحة الجمع الموالي الياهيب
ربعي هل الهدلاء نحاز الحريبه=لازغرتن بيض العذارى الرعابيب
تشدى لزلزال الرعد من مغيبه=وفعل الصواقع بالسيوف المحاديب
ياكن وصف ادلاينا في شعيبه=ادلاي عقبانن شطار المخاليب
الخيل عن فارس غدى له حطيبه=نعمن باخو وضحى مهدي الاصاعيب

وبعدها تأذى عبيد من صديان بن عياده من شيوخ الاسلم الذي كان من اشد الثوار على الاتراك وغيرهم من السلطات بما فيها الرشيد

مما حدى عبدالله بن رشيد ان يطلب من عبيد ان يذهب ويحضر القائد التركي ساق الذيب وقال ياعبيد ساق الذيب رفيق لصديان قديم واذا ماجبته اخاف

يجيبه صديان وفعلا احضره عبيد بن رشيد فقال عبدالله:

ياشارخ اركب فوق عوج المصاليب=ولـيـاركـبـتـة قــدم الـحـمـد لـلـه
سرها الى ما جيت صديان وشعيب =اخـو دلـيــل ريـف ركـب تـنـصاه
قله ذراع الـذيـب جـابه لك الشيب =رفـيــقـك الـلي مـن قـديـم تـمـنـاه
جـابـه لك اللي مثل حـر الـمراقيب =حـر جلب عمره على الترك واهداه

فرد عليه صديان بقوله:

حنا هل الشعبة ذعار الاجانيب=واللي يجينا ياخـو نوره ذبحـناه
نركب على قب سواة اليعاسيب =ياطن على كبد المـعادين بحـذاه
باطرافهن نركز حلي المغاليب =والـتـايه اللي جاء للموت نقـداه
ومحلا لياجانا صدوق المناديب =قال الحـفـيـنـه سايلات شـغاياه
مانا من العبدان هـل الـمغاريب =ولا من فريق مخـيمر والمـناراه

وفعلا ضرب الاسلم بساق الذيب الا انهم رغم ذلك لم يضعفوا وبقوا على موقفهم الصارم والثابت معه

ثم ارسل الطابور مع ساق الذيب الى الغيثه لضربهم ولكن الغيثه ابادوا الطابور البالغ ثمانين عسكري

داخل الضلع بعد مقتل العديد من الغيثه وعلى راسهم عليق ابن عم مفتاح الغيثي00

وبعدها حدثت موقعة بقعاء عام 1257للهجره فجاء نعيس بن طواله بالاسلم ووقفوا مع عبيد بن رشيد في

الدفاع عن الديره والقبيله وشاءت الاقدار ان يبلي نعيس بلاء لانظير له في تلك الوقعه وبعد ان انتهت

بانتصار شمر وابن رشيد قال عبدالله بن رشيد لاخيه عبيد هل شفت فعل نعيس اليوم؟ تشوف فعل نعيس

بالفرسان وكأنه يذكره كلامه السابق عندما قال لاتقتل نعيس تراه يجي يوم يبرد كبدك00

هذه هي الفزعة الاولى للاسلم والطواله مع ابن رشيد الذي قطع رجل فارس ابن طواله وضربهم بساق الذيب

وطابوره ولكن ذلك لم يمنعهم من الوقوف الى جانبهم وقت الضيق رحمهم الله جميعا00

هذا الجزء الاول وسوف نكمل لاحقا الجزئين الباقيين000

الراوي ابن غسلان 11-12-1428للهجره

..الله الله ..

الاسلم ..اهلي ربعي ..اهل الطولات ..فزعه ماهي غريبه ..عليهم ..

الله يرحمهم جميع ..كانوا شجاعان ..راعين طيب وفزعه ..من نخاهم ..لبوه ..لو على قص الارقاب..

تسلم ..يا روينا ..ننتظر..باقي الاجزاء ..

يابعد قلبى
فواز ماجيت الا بربعى
وكل شمر ربعى بس تخبر
القلب ميال يالغالى

لم اكتفى من التشبع من قراءة هذذا الموضوع
ولى عوده مره اخرى

باذن الله

بيض الله وجهك يالغالى
وعساك على اقوه
ولاننحرم منك
ومن القصص اللذى تتحفنا بها دوما


حبي وتقديرى

بيض الله وجهك يالغالى
وعساك للعفيه الصافيه
الرواي القدير

ونعم فيهم وفيك
الله يلبسك العافيه فواز الغسلان

والله وسبعة أنعام بـ أهل اللحيسه ولاتكفي ..

فزعاتهم معروفة يابعدي ..

الف شكر يابو فهد وعساك العافيه يالذيب

وانا ليه ماتجيب قصص ربعي؟؟

>>>ياربي يالغيرة


ابو فهد ربي يعافيك ولاهنت

والنعم بالأسلم من اولهم لآخرهم

تسلم تسلم رواينا فواز

الف شكر يابو فهد وعساك العافيه

تسلم تسلم رواينا فواز

الف شكر يابو فهد وعساك العافيه

اقتباس:

المشاركة الأصلية كتبت بواسطة بقعاويه

تسلم تسلم رواينا فواز

الف شكر يابو فهد وعساك العافيه

العزيزه الغاليه بقعاويه00

كل الشكر لك وتقبلي تحياتي00

تسلم يابو فهد


اعلوووومك كلها غااااانمه


ونعم والله بالي ذكرت وفيك يالعشير


لك الغلا

اقتباس:

المشاركة الأصلية كتبت بواسطة سرحان

تسلم يابو فهد


اعلوووومك كلها غااااانمه


ونعم والله بالي ذكرت وفيك يالعشير


لك الغلا

مهما قلت تعجز الكلمات عن شكركم لقاء تشجيعكم المستمر

الذي له اكبر الاثر في كل ماكتبت من حروف متواضعه000

اشكركم جزيل الشكر وتقبلو تحياتي الخالصه

الراوي00

ياملا العافية ياستاذ فواز

شرحت صدري بقصص وسوالف (اجدادي وعمامي واهلي الاسلم) ولاهو قصور بكل شمّر ..احيي فيك الاسلوب القصصي الراقي ..

لاتحرمنا جديدك يااستاذ فواز والله الله نبي سوالف وامجاد عتيبه وعنزة وكل القبائل ...

الله يعطيك العافية يالغالي

ونعم يامالاالعافيه يالذيب
الله يلبسك العافيه فواز الغسلان