(( هديه لجوجو الغاليه))
000ماجد الحثربي وموقف محرج مع ابن عريعر000
ماجد الحثربي من زوبع من شمر حدثت له مشاكل في حياته انتهت بضربه لخصمه وقطع رجله وهروبه
جاليا الى عدة قبائل وفي كل قبيله تحدث له واقعه غريبه فيرحل منها لغيرها وهكذا00
من ضمن من اقام عندهم الامير سعدون بن عرير من شيوخ بني خالد ولهم اماره قويه في الاحساء والتي كان
اسمها سابقا 00هجر00 وكانت امارتهم هي السلطه القويه والحاكمه لاجزاء كبيره من الجزيره العربيه قبل
حتى قيام الدوله السعوديه الاولى في الدرعيه00
جاء الى سعدون بن عريعر واقام عنده معززا مكرما مده من الوقت وذات يوم خرج الى سوق للفرجه فرأى امرأه
جميله ومعها خادمه سمراء فتولع بجمالها ورجع الى مجلس ابن عريعر فوجه قصيده ينخى مشاري بن عريعر اخو
الشيخ سعدون لمساعدته في امر هذه البنت فقال:
[poem=font=",6,orange,normal,normal" bkcolor="black" bkimage="" border="double,8,darkblue" type=2 line=0 align=center use=ex num="0,black""]
يابو شـكـر ونـيـت يوم اقـبـل اللـيـل=ولا احدن بحالي يـعـلم الله داري
ونـيـت يوم الـنـاس مـشـفـيـن بالكيل=في سوق هجر بـيـن بايع وشاري
والله يالـولا خـوفـتـي بالـدهـر مـيـل=واخاف مـن كثر الحكايا واداري
لااشيل حيلي وارفع الصوت بالحيل=واصيح وانخى طول حسي مشاري
ويأتـيـن فـوق مـشـمـر تـكـسـر الذيل=اطـرافـهـا مـا لفها اللبس عاري
والـيـا نطـحـنـي صحت ياويل بالويل=ويقول لي يالحثربي ويـش جاري
جاري علي من الذي يـنـثـر الـهـيـل=وان حط فوق الطوق زين الخزاري
راع الـتـراكـي صـابـنـي والخلاخيل=صابن عسى تجري عليه الجواري
بعـيـون طـفـقـاتـن هـدبهـن مـضاليل=تشبه عـيـون مـصخرات الحباري[/poem]
وعندما سمع القصيده مشاري ابن عريعر اخذته النخوه والعزه وقال ابشر باللي نقدر عليه لو هي تحت الارض
ولكن ماهي اوصافها فقام ماجد بوصف البنت وخادمتها وعندها تقلبت وجوه الحضور لكون هذه البنت زوجة الشيخ
سعدون بن عريعر الذي كان حاضرا بالمجلس فقال احد الحضور(الطير بغى يصيد دجاج اهله)يلمح بماجد الحثربي
عندها انحرج ماجد بشكل لامثيل له من هذا الموقف وخرج من المجلس وركب ذلوله وهرب عنهم وارسل للشيخ يقول:
[poem=font=",6,orange,normal,normal" bkcolor="black" bkimage="" border="double,8,darkblue" type=2 line=0 align=center use=ex num="0,black""]
ياشـيـخ هـذي غلطـتـن مابها باس=اسمح لنا ياشوق جال العـذابي
ياشـيخ يامـروي شـبـى كل عباس=اسمح لمقرودن توهـم وتـابـي
شـواربـه مـادنـقـن يــم الادنــاس=لا بآخر الشيـبـه ولا بالشبابي
وابي منك تسـمـح لـنـا فوق نساس=نسل القريني نعقبه بانسحابي
ابي امغطه مع سهلتن تيبس الراس=غدرانها بالقيظ زامي السرابي[/poem]
وفعلا مغط جمله نساس هاربا عنهم بعد هذه الحادثه المحرجه وذهب الى قبيلة عنزه وهناك حدثت له عجائب كعادته
ولعلنا نتعرض لها في موضوع لاحق انشالله00 تحياتي لكم
العرض المتطور
